ខេត្តបន្ទាយមានជ័យ ៖ ឈ្មួញកាយរណ្តៅដីក្បែរវត្តអាងសីលាខ្មែរទំហំជិត២ហិកតា ជម្រៅជាង៥ទៅ៦ម៉ែត្រអាជ្ញាធរថា កំពុងរត់ច្បាប់ដែលស្ថិតភូមិសីលាខ្មែរ ឃុំអូរបីជាន់ ស្រុកអូរជ្រៅ ។ ជាក់ស្តែង នៅថ្ងៃទី០៦…
ខេត្តបន្ទាយមានជ័យ ៖ ឈ្មួញកាយរណ្តៅដីក្បែរវត្តអាងសីលាខ្មែរទំហំជិត២ហិកតា ជម្រៅជាង៥ទៅ៦ម៉ែត្រអាជ្ញាធរថា កំពុងរត់ច្បាប់ដែលស្ថិតភូមិសីលាខ្មែរ ឃុំអូរបីជាន់ ស្រុកអូរជ្រៅ ។
ជាក់ស្តែង នៅថ្ងៃទី០៦ ខែកុម្ភៈ ឆ្នាំ២០២៣ ឃើញមានរណ្តៅដីមួយកន្លែងនៅខាងកើតវត្តអាងសីលាខ្មែរឃើញសកម្មភាពជីកមានជម្រៅមិនតិចជាង៥ទៅ៦ម៉ែត្រ ដែលមានទំហំប្រមាណ២
ហិកតា ដែលមានអេស្កាវ៉ាទ័រ២គ្រឿងកំពុងកាយដីឡានបែនដឹកចេញទៅលក់តាមដីឡូតិ៍មានរថយន្តចេញ-ចូល ។
ប្រជាពលរដ្ឋរស់នៅភូមិសីលាខ្មែរបានប្រាប់ថា ឈ្មួញកាយដីវាលស្រែក្បែរខាងកើតវត្តអាងសីលាខ្មែរ មានរយៈពេលយូរខែមកហើយ ដែលមានរថយន្តបែនដឹកដីចេញ-ចូលកាត់ផ្លូវ បណ្តាលហុយប៉ះពាល់ប្រជាពលរដ្ឋ និងដីជ្រុះលើផ្លូវកៅស៊ូដែលប្រឈមគ្រោះ សម្រាប់អ្នកឌំណើរដោយរថយន្តបែនដឹកដីមិនបានគ្រោបអោយបានជិតដឹកជំហោបណ្តាលជ្រុះលើដងផ្លូវ។
ប្រជាពលរដ្ឋសំណូមពរសុំអោយអាជ្ញាធរឃុំអូរបីជាន់ស្រុកអូរជ្រៅ និងមន្ត្រីមន្ទីជំនាញ មេត្តាចុះពិនិត្យមើលណែនាំដល់ឈ្មួញកាយដីលក់ជាយូរខែហើយ ដែលមានជម្រៅអាចប្រឈមគ្រោះដល់មនុស្ស និងសត្វពាហណៈអាចធ្លាក់ចូលរណ្តៅបាន និងសុំដឹកដីត្រូវគ្រោបអោយបានជិតល្អការពារជ្រុះបើមានជ្រុះ ហើយត្រូវសម្អាតអោយបានល្អការពារគ្រោះថ្នាក់ដល់អ្នករួមដំណើរ និងស្រោចទឹកកំអោយហុយប៉ះពាល់ដល់ប្រជាពលរដ្ឋ។
លោក កែវ តារ៉ារស្មី អភិបាលស្រុកអូរជ្រៅបានប្រាប់ថា ឈ្មួញដែលកាយដីវាលស្រែនៅភូមិសីលាខ្មែរ ឃុំអូរបីជាន់ ស្រុកអូរជ្រៅ ម្ចាស់កំពុងរត់ការធ្វើច្បាប់ តែអាជ្ញាធរស្រុកបានអោយអាជ្ញាធរឃុំអូរបីជាន់ ចុះទៅពិនិត្យនិងណែនាំអោយធ្វើច្បាប់ហើយ ទើបអនុញ្ញាតអោយកាយដីពេលកាយដឹកចេញត្រូវគ្រោបអោយជិតបើមានដីជ្រុះតាមផ្លូវត្រូវសម្អាតអោយបានស្អាតការពារគ្រោះថ្នាក់កើតឡើង និងស្រោចទឹកមិនអោយសើមកុំអោយហុយប៉ៈពាល់ដល់ប្រជាពលរដ្ឋេជិតខាង។
ទាក់ទិន ការកាយដីស្រែទំហំជិត២ហិកតាជម្រៅ៥ទៅ៦ម៉ែត្រ អ្នកសារព័ត៌មានបានទំនាក់ទំនងទៅលោក សុត វឌ្ឍនា ប្រធានមន្ទីរ៉ែ និងថាមពលខេត្តបន្ទាយមានជ័យ ដែលខលទូរស័ព្ទចូល២ទៅ៣ដងតែគ្មានអ្នកទទួល ដែលមិនទទួលបានតើមានច្បាប់ ឬអត់ច្បាប់ ដែលច្បាប់តម្រូវកាយប៉ុន្មានម៉ែត្រដែលឃើញកាយមានទំហំជិត២ហិកតាជំរៅរហូត៥ទៅ៦ម៉ែត្រ ។
ព័ត៌មានលម្អិតនឹងមានផ្សាយជូនបន្តលើកាសែតកោះសន្តិភាព ។
ចែករំលែកព័តមាននេះ