រាជធានីភ្នំពេញ ៖ កាលពីប៉ុន្មានថ្ងៃមកនេះ គ្រប់គ្នាប្រាកដជាបានដឹងហើយ នៅរឿងរ៉ាវដែលកំពុងតែក្ដៅដូចបាយពុះ និងកំពុងតែទទួលបានការចាប់អារម្មណ៍យ៉ាងខ្លាំងរវាងប្រទេសថៃនៅប្រទេសកម្ពុជា រវាងប្រដាល់គុនខ្មែរនិងថៃ ដែលមានការចម្រូងចម្រាសគ្នាទៅវិញទៅមកជាខ្លាំង មិនព្រមឈប់នោះឡើយ ដោយសារតែការប្រកួតកីឡាស៊ីហ្គេមនាឆ្នាំ២០២៣នេះ នឹងត្រូវរៀបចំឡើងនៅក្នុងប្រទេសកម្ពុជានេះតែម្ដង។
ដោយភ្លាមៗនោះ ក៏បានសម្រេចប្តូរពី Muay Thai មកជាគុនខ្មែរវិញ រហូតធ្វើអោយមហាជនជាច្រើនដែលនិយមលេងនៅក្នុងបណ្ដាញទំនាក់ទំនងសង្គមហ្វេសប៊ុកជាច្រើន ហាក់មានការភ្ញាក់ផ្អើលនឹកស្មានមិនដល់គ្រប់ៗគ្នា ជាពិសេសជនជាតិថៃតែម្ដង ហាក់ដូចជាសម្ដែងការប្រតិកម្មយ៉ាងខ្លាំង ចំពោះការផ្លាស់ប្តូរឈ្មោះមួយនេះផងដែរ ។
ជាក់ស្ដែង អ្វីដែលធ្វើអោយមហាជនទាំងប្រុសទាំងស្រីមានការភ្ញាក់ផ្អើលជាងនេះទៅទៀតនោះ មិនទុកចាំយូរ ក្រោយពេលឃើញមានការដូរឈ្មោះមិនទាន់បានប៉ុន្មានផង គេងមិនលក់បក់មិនល្ហើយ ស្រាប់តែគេបាននាំគ្នាប្រទះឃើញកីឡាករប្រដាល់ថៃដ៏ល្បីឈ្មោះមិនធម្មតា Bua Kaw ក៏បានចេញមុខមកនិយាយទាំងគ្មានញញើត និងថែមទាំងបានបោះសម្ដីថា «រឿងដែលកម្ពុជា បាននិយាយថា ប្ដូរឈ្មោះពី Muay Thai ដោយដាក់ថាគុនខ្មែរ នៅស៊ីហ្គេមនេះជាកម្មសិទ្ធិរបស់គេ ដូច្នេះហើយយើងមិនអាចទៅនិយាយបាននោះទេ ហើយចំពោះគុនខ្មែរ គឺត្រឹមតែលំដាប់អាស៊ានតែប៉ុណ្ណោះ យើងកុំនាំគ្នាទៅឈឺក្បាលទៅខ្វល់អី។ យើងត្រូវនិយាយដល់ក្នុងព្រឹត្តិការណ៍ អូឡាំពិក ព្រោះរបស់ថៃយើង «Original លេខ១ ទៅហើយ»។
បន្ទាប់ពីបានឃើញ និងបានឮកីឡាកប្រដាល់ថៃ Bua Kaw ហ៊ានហាមាត់និយាយទាំងសម្តីឈ្លើ.យដូច្នេះរួចមក មិនទុកចាំស្អែក ក៏ស្រាប់តែមាននារីរូបស្រស់សោភាមុខមាត់ស្អាតសាច់.សខ្ចីដូចសំឡីម្នាក់ ដែលមានគណនីហ្វេសប៊ុកឈ្មោះថា «Yada Yada» បានចេញមុខមកប្រកាសក្ដែងៗទៅកាន់មហាជន ដោយបានបោះសម្ដីស្វែងរកជើងខ្លាំងណាម្នាក់ បើអាចផ្តួល កីឡាករ ប៉ូខាវ បានមែននោះ នាងសុខចិត្តយកធ្វើប្ដីតែម្ដង។
ដោយក្នុងនោះនាងបានបង្ហោះរូបរួចភ្ជាប់ជាមួយសារសរសេររៀបរាប់បែបនេះថា «បើអ្នកណាវា.យឈ្នះ <ប៊ួខាវ> ខ្ញុំនឹងយកធ្វើប្ដី នឹងមិនយកបណ្ណាការសូម្បីមួយរៀល ព្រមទាំងគោរពស្រលាញ់ ព្រមមើលថែរក្សាអស់មួយជីវិត»។
ក្រោយប្រទះឃើញនារីខាងលើរូបនោះ បើកភ្លើងខៀវភ្លាម ស្រាប់តែកីឡារករប្រដាល់ល្បីឈ្មោ វង្ស ណយ ចេញមុខមកបង្ហោះវីដេអូ ដោយភ្ជាប់ជាមួយសារនិយាយចំៗយ៉ាងដូច្នេះថា «ចង់ទៅវៃជាមួយ ប៊ួ ខាវ ដែរ តែខ្លាចប្រពន្ធកូនវេទនា ព្រោះមានស្រីយ៉ាប់ៗចង់តោងកាលីបយកល្បី ប្រគល់ខ្លួនដើម្បីប្រយោជន៍ច្រើនពេក ឈ្នះទើបបាន ផ្ទះ ឡាន បានលុយប្រចាំឆ្នាំ ឈ្នះទើបបានខ្លួន ព្រោះដឹងថា មិនងា.យ ឬមិនអាចទៅរួច។ គ្រាន់ជាការតោងកាលីបយកល្បីតែប៉ុណ្ណោះ បើសិនជាចង់ជួយពិតប្រាកដ គួរតែសំណូមពរអោយកីឡាករដែលមានសមត្ថភាពចូលហាត់ ហើយចិញ្ចឹមពួកគាត់» ។
ហើយក្រោយមកក៏ឃើញថា មានមហាជនទាំងប្រុសទាំងស្រីនាំគ្នាសម្រុកចូលទៅខមិនបញ្ចេញមតិថា «ម៉េចម៉ា បើបងបានវ៉ៃឈ្នះ ទុកឱ្យប្អូនជំនួសក៏បានដែរ» «បងកុំភ័យ បើបងវ៉ៃឈ្នះ ញុមសុខចិត្តលះបង់ខ្លួនប្រាណជំនួសបងក៏បានដែរ» «អត់អីទេបង វ៉ៃឱ្យឈ្នះប៊ួខាវសិនទៅ ចាំប្អូនអ្នកទទួលនារីជំនួសក៏បាន»។ អ្នកខ្លះទៀតបាននិយាយថា «ចេះគិតគូរដល់ប្រពន្ធអញ្ចឹងហៅថាបុរសល្អ»។
លោក វង្ស ណយ ក៏បានបញ្ជាក់ផងដែរថា «Video ដែលលោកផុសនេះ មិនមែនជាការជាន់ពន្លិចមិនចង់អោយជួយទៅលើវិស័យគុនខ្មែរទេ គ្រាន់តែចង់អោយអ្នកដែលចង់ជួយនឹង គឺជួយចេញពីចិត្តពិតប្រាកដ កុំទាល់តែឈ្នះបានជួយ ណាមួយលោកគ្រាន់តែនិយាយបែបកំប្លែៗ ដើម្បីអោយបងប្អូនផ្ទុះសំណើចតែប៉ុណ្ណោះ»៕
ចែករំលែកព័តមាននេះ