ប្រធានគណបក្សប្រជាជន ៖ ខ្ញុំសូមប្រគល់សិទ្ធិជូន…
រាជធានីភ្នំពេញ ៖ សម្តេចតេជោ ហ៊ុន សែន ក្នុងនាមជាប្រធានគណបក្សប្រជាជនកម្ពុជា បានសម្រេចជាផ្លូវការប្រគល់សិទ្ធិជូនប្រធានគណៈកម្មាធិការគណបក្សប្រជាជនកម្ពុជាគ្រប់
រាជធានីភ្នំពេញ ៖ សម្តេចតេជោ ហ៊ុន សែន ក្នុងនាមជាប្រធានគណបក្សប្រជាជនកម្ពុជា បានសម្រេចជាផ្លូវការប្រគល់សិទ្ធិជូនប្រធានគណៈកម្មាធិការគណបក្សប្រជាជនកម្ពុជាគ្រប់ក្រុង ខណ្ឌ ក្នុងទូទាំងប្រទេសកម្ពុជា ឲ្យធ្វើជាតំណាងគណបក្សប្រជាជនកម្ពុជា ក្នុងការចុះហត្ថលេខាលើ «ពាក្យសុំចុះឈ្មោះភ្នាក់ងារគណបក្សប្រជាជនកម្ពុជា» ក្នុងទម្រង់បែបបទរបស់ គណៈកម្មាធិការជាតិរៀបចំការបោះឆ្នោត នៅតាមបណ្តាឃុំ សង្កាត់ ក្នុងក្របខណ្ឌនៃក្រុង ស្រុក ខណ្ឌ របស់ខ្លួនសម្រាប់ចូលសង្កេតមើលការធ្វើបច្ចុប្បន្នភាពបញ្ជីបោះឆ្នោត និងការចុះឈ្មោះបោះឆ្នោតឆ្នាំ២០១៧។
យោងលិខិតរបស់គណបក្សប្រជាជនកម្ពុជា ចុះថ្ងៃទី ០១ ខែសីហា ដែលមានចុះហត្ថលេខារបស់សម្តេចតេជោ ហ៊ុន សែន និងឡូហ្គោរបស់គណបក្សបានបញ្ជាក់ថា៖ «តំណាងគណបក្សដែលបានទទួលការផ្ទេរសិទ្ធិនេះ មានសិទ្ធិប្រើប្រាស់ត្រាគណៈកម្មាធិការគណបក្សក្រុង-ខណ្ឌ សម្រាប់ការងារខាងលើ»។
នៅព្រឹកថ្ងៃទី០៣ ខែសីហា ឆ្នាំ២០១៧នេះ គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប.បានបើកកិច្ចប្រជុំពិគ្រោះយោបល់ អំពីសេចក្តីព្រាងបទបញ្ជា និងនីតិវិធីសម្រាប់ការធ្វើបច្ចុប្បន្នភាពបញ្ជើបោះឆ្នោត និងការចុះឈ្មោះបោះឆ្នោតឆ្នាំ២០១៧។
សូមជម្រាបថា ការធ្វើកិច្ចប្រជុំនេះបន្ទាប់បី គ.ជ.ប.បានកំណត់ថ្ងៃទី១ ខែកញ្ញា សម្រាប់ចុះឈ្មោះបោះឆ្នោត ។ ជាងនេះស្របតាមការកំណត់របស់រាជរដ្ឋាភិបាល បានកំណត់យកថ្ងៃទី២៩ខែកក្កដា ឆ្នាំ២០១៨ ជាថ្ងៃបោះឆ្នោតជ្រើសរើសតាំងអ្នកតំណាងរាស្ត្រអាណត្តិទី៦នៃរដ្ឋសភា ដែលចំនួនអាសន្នះនៅរដ្ឋសភាមានចំនួន១២៥៕
ចែករំលែកព័តមាននេះ