ជីវិតកម្មករសំណង់ប្រថុយមែន… ធ្លាក់ពីកម្ពស់១៤ជាន់មកដី
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា កម្មករសំណង់ម្នាក់បានធ្លាក់ពីលើអគារការដ្ឋានមានកម្ពស់១៤ជាន់បណ្តាល
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា កម្មករសំណង់ម្នាក់បានធ្លាក់ពីលើអគារការដ្ឋានមានកម្ពស់១៤ជាន់បណ្តាល
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា កម្មករសំណង់ម្នាក់បានធ្លាក់ពីលើអគារការដ្ឋានមានកម្ពស់១៤ជាន់បណ្តាលឱ្យរងរបួសយ៉ាងធ្ងន់ធ្ងរ ក្រោយជណ្តើរយោងដាច់ខ្សែកាប បង្កការភ្ញាក់ផ្អើលនាព្រឹកថ្ងៃទី០៣ សីហា នេះ ស្ថិតនៅចំណុចអគារការដ្ឋានសំណង់ក្នុងបរិវេណកាស៊ីណូក្រោន (ចំណុចហ្គេនទីង) ក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
សេចក្តីរាយការណ៍បន្តថា ជនរងគ្រោះខាងលើឈ្មោះគី ម៉ូសា ភេទប្រុស អាយុ១៨ឆ្នាំ ជាខ្មែរអ៊ីស្លាម មានទីលំនៅក្នុងភូមិចាន់គិរីសង្កាត់ប៉ោយប៉ែត ក្រុងប៉ោយប៉ែត រងរបួសធ្ងន់បាក់ស្មងជើងស្តាំ-ពោះ និងបែកក្បាល ហើយត្រូវបានក្រុមកម្មករដូចគ្នា ជួយដឹកទៅកាន់មន្ទីរពេទ្យបង្អែក ក្រុងប៉ោយប៉ែត ។
បើតាមកម្មករឈ្មោះសុខ វណ្ណះ ដែលឃើញហេតុការណ៍បាននិយាយថា មុនកើតហេតុជនរងគ្រោះនិងកម្មករផ្សេងទៀតសរុប៣នាក់ ជិះជណ្តើរយោងពីក្រោមទៅលើតែ២នាក់ បានចុះតាមជាន់ផ្សេងៗអស់នៅ តែជនរងគ្រោះបន្តឡើងទៅជាន់ទី១៤ ។ លុះទៅដល់ ស្រាប់តែដាច់ខ្សែកាបយោងធ្លាក់មកដីបង្ករបួសធ្ងន់ធ្ងរតែម្តង ។
ជនរងគ្រោះ ក្រោយពីក្រុមគ្រូពេទ្យជួយសង្គ្រោះបឋមយ៉ាងយកចិត្តទុកដាក់ក្រុមគ្រួសារបានសុំបញ្ជូនទៅមន្ទីរពេទ្យប្រទេសថៃដោយក្រុមគ្រូពេទ្យជួយដឹកបញ្ជូនឆ្លងព្រំដែនតាមច្រកទ្វារអន្តរជាតិប៉ោយប៉ែត ដោយមិនទាន់ដឹងយ៉ាងណានោះទេ ។ តាមប្រភពថា ខ្សែកាបយោងនោះដាច់ជិតអស់យូរហើយ តែមិនឃើញមានការផ្លាស់ប្តូរទេ ។
ចែករំលែកព័តមាននេះ