រថយន្តជនជាតិចិនបុករថយន្តកូរ៉េ
រាជធានីភ្នំពេញ ៖ រថយន្តកូរ៉េដឹកម៉ាស៊ីនបូមខ្យល់មួយគ្រឿងបើករ៉េចង្កូតឡើងលើខឿនពុះចែកផ្លូវ
រាជធានីភ្នំពេញ ៖ រថយន្តកូរ៉េដឹកម៉ាស៊ីនបូមខ្យល់មួយគ្រឿងបើករ៉េចង្កូតឡើងលើខឿនពុះចែកផ្លូវ
រាជធានីភ្នំពេញ ៖ រថយន្តកូរ៉េដឹកម៉ាស៊ីនបូមខ្យល់មួយគ្រឿងបើករ៉េចង្កូតឡើងលើខឿនពុះចែកផ្លូវបណ្តាលឱ្យរយះទ្រុងរថយន្តធ្លាក់ម៉ាស៊ីនបូមខ្យល់នៅកណ្តាលផ្លូវត្រូវរថយន្តជនជាតិចិនគេចមិនផុតទៅបុករថយន្តកូរ៉េធ្វើឲ្យខូចខាត កាលពីវេលាម៉ោង៨និង៤០នាទីយប់ថ្ងៃទី០២ ខែសីហា ឆ្នាំ២០១៧ តាមបណ្តោយផ្លូវវេងស្រេងខាងកើតរង្វង់មូលចោមចៅប្រមាណ៥០ម៉ែត្រស្ថិតនៅសង្កាត់ចោមចៅ ខណ្ឌពោធិ៍សែនជ័យ ។ រថយន្តបង្កម៉ាកកូរ៉េ ពណ៌ខៀវ មានដឹកម៉ាស៊ីនបូមខ្យល់បើកបរក្នុងទិសដៅពីកើតទៅលិច រថយន្តរងគ្រោះម៉ាក RAV4 ពណ៌ទឹកប្រាក់ ពាក់ស្លាកលេខ ភ្នំពេញ ២W-៦៤៥១ បើកបរដោយជនជាតិចិនមានគ្នា៤នាក់ក្នុងទិសដៅពីលិចទៅកើត ។
តាមប្រភពព័ត៌មានពីកន្លែងកើតហេតុបាននិយាយថា នៅមុនពេលកើតហេតុគេឃើញរថយន្តរងគ្រោះម៉ាក RAV4 បើកបរដោយបុរសជនជាតិចិន៤នាក់ក្នុងទិសដៅពីលិចទៅកើតចំណែករថយន្តបង្កដឹកម៉ាស៊ីនបូមខ្យល់បើកក្នុងទិសដៅពីកើតទៅលិចមកដល់ចំណុចកើតហេតុបានរ៉េចង្កូតទៅផ្នែកខាងឆ្វេងឡើងលើខឿនទ្រូងផ្លូវហើយរអិលធ្លាក់ទៅខាងឆ្វេងផ្លូវម្ខាងទៀតកាត់ទទឹងផ្លូវបណ្តាលឲ្យរយះទ្រុងរថយន្តធ្លាក់ម៉ាស៊ីនបូមខ្យល់នៅកណ្តាលផ្លូវ ភ្លាមៗនោះរថយន្តជនជាតិចិនបើកមកដល់មិនដឹងគេចទៅខាងណាបានបើកទៅបុករថយន្តកូរ៉េពេញទំហឹងបណ្តាលឱ្យខូចខាតរថយន្តផ្នែកខាងមុខធ្វើឲ្យអ្នកបើកបររថយន្តបង្កមានការភិតភ័យបានចុះពីលើរថយន្តរត់គេចខ្លួនបាត់ ។
ក្រោយពេលកើតហេតុមកមានតំណាងភាគីរថយន្តបង្កបានមកដោះស្រាយដោយបានសុំសំរួលសងចំនួន១០០ដុល្លារទៅរថយន្តជនជាតិចិនដើម្បីបញ្ចប់នៅកន្លែងកើតហេតុ និងបានហៅរថយន្តមកស្ទូចម៉ាស៊ីនបូមខ្យល់ដាក់លើរថយន្តវិញ ៕
ចែករំលែកព័តមាននេះ