រាជធានីភ្នំពេញ ៖ កាលពីពេលថ្មីៗកន្លងមកនេះ ក្រសួងអប់រំ យុវជន និងកីឡា បានបញ្ចេញបញ្ជីឈ្មោះថ្នាក់ដឹកនាំ គ្រូបង្វឹក កីឡាករកីឡាការិនីទាំង២៤ប្រភេទកីឡាសរុបមានចំនួន២៧៤នាក់ទៅចូលរួម
រាជធានីភ្នំពេញ ៖ កាលពីពេលថ្មីៗកន្លងមកនេះ ក្រសួងអប់រំ យុវជន និងកីឡា បានបញ្ចេញបញ្ជីឈ្មោះថ្នាក់ដឹកនាំ គ្រូបង្វឹក កីឡាករកីឡាការិនីទាំង២៤ប្រភេទកីឡាសរុបមានចំនួន២៧៤នាក់ទៅចូលរួមប្រកួតកីឡាស៊ីហ្គេមលើកទី២៩នៅប្រទេសម៉ាឡេស៊ី ចាប់ពីថ្ងៃទី១៩ដល់ថ្ងៃទី៣១ ខែសីហា ឆ្នាំ២០១៧។
មន្ត្រីជាន់ខ្ពស់កម្ពុជាដែលនឹងអញ្ជើញទៅចូលរួមក្នុងព្រឹត្តិការណ៍នោះមានលោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា លោក នុត សាអាន អនុប្រធានគណៈកម្មាធិការជាតិអូឡាំពិកកម្ពុជា លោក ស៊ាន បូរ៉ាត រដ្ឋលេខាធិការក្រសួងអប់រំ យុវជន និងកីឡា លោក លី កុសល អគ្គហិរញ្ញឹកគណៈកម្មាធិការជាតិអូឡាំពិកកម្ពុជា លោក អ៊ុក សិទ្ធិជាតិអគ្គនាយកនៃអគ្គនាយកដ្ឋានកីឡា និងលោក
វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជានាយបេសកកម្ម ។
ចំណែកកីឡាទាំង២៤ប្រភេទដែលកម្ពុជាយកទៅចូលរួមប្រកួតនោះមាន ១-កីឡាតេក្វាន់ដូស្ទីល WTF ដឹកនាំដោយលោក គង់ សក្ដដាអគ្គលេខាធិការសហព័ន្ធ, ២-កីឡាប៉េតង់ដឹកនាំដោយលោក អិុន គឹមស្រ៊ុន អគ្គលេខាធិការសហព័ន្ធ, ៣-កីឡាសីឈិនឡូន ដឹកនាំដោយលោក ទូច សុភៈ អគ្គលេខាធិការសហព័ន្ធ, ៤-កីឡាវាយកូនបាល់ ដឹកនាំដោយលោក ទេព រិទ្ធីវិទ អគ្គលេខាធិការសហព័ន្ធ, ៥-កីឡាប្រដាល់គុនខ្មែរ ដឹកនាំដោយលោកឧត្តមសេនីយ៍ឯកតែម ម៉ឺន ប្រធានសហព័ន្ធ, ៦-កីឡាវ៉ូស៊ូ ដឹកនាំដោយលោកPanasiuk DMYTRO ដែលជាគ្រូបង្ហាត់ប្រចាំសហព័ន្ធ, ៧-កីឡាបាល់ទាត់ ដឹកនាំដោយលោក ម៉ៃ តុលា អគ្គលេខាធិការស្ដីទីសហព័ន្ធ, ៨-កីឡាអត្តពលកម្ម ដឹកនាំដោយលោក ប៉ែន វុទ្ធី អគ្គលេខាធិការសហព័ន្ធ, ៩-កីឡាកាយសម្ព័ន្ធ ដឹកនាំដោយលោក ណយផាណា អគ្គលេខាធិការសហព័ន្ធ, ១០-កីឡាបាល់បោះ ដឹកនាំដោយលោក កៅ កាន់ណាលី អគ្គលេខាធិការសហព័ន្ធ, ១១-កីឡាវាយកូនឃ្លីលើតុ ដឹកនាំដោយលោកឧកកញ្ញា រ័ត្ន សុខន ប្រធានសហព័ន្ធ, ១២-កីឡាវាយសី ដឹកនាំដោយលោក អាំង សំបូរ អគ្គលេខាធិការសហព័ន្ធ, ១៣-កីឡាទោចក្រយាន ដឹកនាំដោយលោក ព្យែ អីុប៉ាទ្រីក ជំនួយការអគ្គលេខាធិការសហព័ន្ធ, ១៤-កីឡាគុនដាវ ដឹកនាំដោយលោក សុខ អ៊ាង អគ្គលេខាធិការសហព័ន្ធ, ១៥-កីឡាវាយកូនគោល ដឹកនាំដោយលោក ឆោម សំបូរ អគ្គលេខាធិការ សហព័ន្ធ, ១៦-កីឡាប្រដាល់សាកល ដឹកនាំដោយលោកវេជ្ជបណ្ឌិត ឆឹង យ៉ៅយ៉េន ប្រធានសហព័ន្ធ, ១៧-កីឡាស្គីទឹកកក ដឹកនាំដោយកញ្ញា ឡុង សុធារី អគ្គលេខាធិការសហព័ន្ធ, ១៨-កីឡាទូកក្ដោង ដឹកនាំដោយលោក ថោង រដ្ឋសក្ដិ អនុប្រធានសហព័ន្ធ, ១៩-កីឡាទ្រីយ៉ាត្លុង ដឹកនាំដោយលោក ងិន សុខបញ្ញា អគ្គលេខាធិការសហព័ន្ធ, ២០-កីឡាបាល់ឱបដឹកនាំដោយលោក នួន ឡេង អគ្គលេខាធិការសហព័ន្ធ, ២១-កីឡាបាល់ទះ ដឹកនាំដោយលោក ខៀវ ភារិទ្ធ អនុប្រធានគណៈកម្មការបច្ចេកទេសសហព័ន្ធ, ២២-កីឡាបង្ហាត់ជិះសេះ ដឹកនាំដោយលោក Kao Vannarin អគ្គលេខាធិការសហព័ន្ធ, ២៣-កីឡាហែលទឹកដឹកនាំដោយលោក ហែម គីរី អគ្គលេខាធិការ សហព័ន្ធ និង២៤-កីឡាការ៉ាតេដូ ដឹកនាំដោយលោក ឡាច ច័ន្ទរិទ្ធី គ្រូបង្វឹកជម្រើសជាតិ ។
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជានាយបេសកកម្មដឹកនាំអត្តពលិកកម្ពុជាទៅចូលរួមប្រកួតធ្លាប់មានប្រសាសន៍រួចមកហើយថា ក្នុងចំណោមកីឡាទាំង២៤ប្រភេទដែលកម្ពុជានឹងបញ្ជូនឱ្យទៅចូលរួមប្រកួតកីឡាស៊ីហ្គេមលើកនេះប្រភេទកីឡាមួយចំនួនមានសក្ដានុពលសង្ឃឹមដណ្ដើមបានមេដាយច្រើនជាងគេដូចជា តេក្វាន់ដូ ប៉េតង់ ប្រដាល់សាកល វាយកូនឃ្លីលើតុ សីឈិនឡូន និងវាយកូនបាល់ ។ ដោយឡែកប្រភេទកីឡាផ្សេងទៀតក៏យើងមានសង្ឃឹមដែរ ប៉ុន្តែត្រូវរង់ចាំមើលលើការប្រកួតជាក់ស្ដែង ៕
ចែករំលែកព័តមាននេះ