រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានប្រាប់ទៅក្រុមអ្នកគាំទ្រអតីតបក្សប្រឆាំងមួយចំនួនដែលជាមនុស្សអាក្រក់ថាកុំធ្វើជាមនុស្សអាក្រក់ដូចមេខ្លួន គួរខិតខំរក្សាសុខភាពឲ្យល្អប្រសើរកុំចេះតែរករឿងក្រុមគ្រួសារសម្តេច។
ការលើករបស់សម្តេចតេជោ ហ៊ុន សែន បន្ទាប់ពីក្រុមអ្នកគាំទ្រអតីតគណបក្សប្រឆាំងមួយចំនួនចេះតែរករឿង និងជេរប្រមាថក្រុមគ្រួសារសម្តេចពិសេសនោះថាមិនឃើញវត្តមានសម្តេចកិត្តព្រឹទ្ធប៊ុន រ៉ានីហ៊ុន សែន ដែលភរិយាសម្តេចមានជំងឺធ្ងន់ នៅពេលប្អូនស្រីរបស់សម្តេចកិ ត្តព្រឹទ្ធបណ្ឌិត ទទួលមរណភាព។
សម្តេចតេជោ បានសរសេរលើបណ្តាញសង្គម នៅថ្ងៃទី៦ កុម្ភៈយ៉ាងដូច្នេះថា៖ ភរិយាខ្ញុំមានបងប្អូន៥នាក់ ស្រី៣នាក់ ប្រុស២នាក់។បងប្រុសទី៣ ត្រូវប៉ុលពត សម្លា.ប់ពេលនេះប្អូនស្រីពៅមរណភាពដោយជំងឺក្នុងពេលបងស្រីទីមួយទើបបានមកចូលរួម ដោយគាត់មានជំងឺផងដែរ។
មុននេះបន្តិចក្រុមអាក្រក់នៅក្រៅប្រទេសថា ភរិយាខ្ញុំកំពុងមានជំងឺជាទម្ងន់ ក្នុងពេលដែលភរិយាខ្ញុំមិនបានឃ្លាតឆ្ងាយពីប្អូនស្រីតាំងពីមុនចែកឋានរហូតមកនៅក្នុងក្តាមឈូស។
សម្តេចបានគូសបញ្ជាក់ថា ៖« ខ្ញុំចង់ប្រាប់ទៅជនអាក្រក់ថា បើមេរបស់អ្នកអាក្រក់ សូមអ្នករក្សាខ្លួនជាមនុស្ស និងខិតខំរក្សាសុខភាពរបស់អ្នកជាជាងមករករឿងគ្រួសារខ្ញុំ។ ពិតជាអាក្រក់កែមិនបានទាំងមេទាំងកូនដែលគ្មានសារជាតិជាមនុស្សសោះ»៕
ចែករំលែកព័តមាននេះ