អាមេរិកថា វ៉ាស៊ីនតោនពុំមានបំណងផ្តួលរំលំកូរ៉េខាងជើងឡើយ
អាមេរិក-កូរ៉េខាងជើង ៖ រដ្ឋមន្ត្រីការបរទេសអាមេរិក លោក REX TILLERSON ថ្លែងកាលពីថ្ងៃទី១ សីហា ថា សហរដ្ឋអាេមរិកពុំស្វែងរកផ្តួលរំលំរបបកូរ៉េខាងជើងឡើយ ហើយចង់
អាមេរិក-កូរ៉េខាងជើង ៖ រដ្ឋមន្ត្រីការបរទេសអាមេរិក លោក REX TILLERSON ថ្លែងកាលពីថ្ងៃទី១ សីហា ថា សហរដ្ឋអាេមរិកពុំស្វែងរកផ្តួលរំលំរបបកូរ៉េខាងជើងឡើយ ហើយចង់
អាមេរិក-កូរ៉េខាងជើង ៖ រដ្ឋមន្ត្រីការបរទេសអាមេរិក លោក REX TILLERSON ថ្លែងកាលពីថ្ងៃទី១ សីហា ថា សហរដ្ឋអាេមរិកពុំស្វែងរកផ្តួលរំលំរបបកូរ៉េខាងជើងឡើយ ហើយចង់នាឱកាស ឬពេលណាមួយចរចាជាមួយក្រុងព្យុងយ៉ាង ។
ប្រមុខការទូតអាមេរិកថ្លែងទៅកាន់សារព័ត៌មានថា យើងពុំមានបំណងផ្លាស់ប្តូររបប ឬរំលាយរបបមួយឡើយ រួចយើងក៏គ្មានបំណងជំរុញឱ្យមានការបង្រួបបង្រួមដោយតក់ក្រហល់នៃឧបទ្វីបកូរ៉េ ព្រមទាំងពុំស្វែងរកលេសមួយ ដើម្បីបញ្ជូនកងទ័ពរបស់យើងឱ្យហួសពីខ្សែស្របទី៣៨ដែរ ។ ខ្សែស្របទី៣៨ កំណត់ពីព្រំដែនរវាងកូរ៉េទាំង២ ។
លោក TILLERSON បន្តថា យើងពុំមែនជាសត្រូវរបស់អ្នកឡើយ ក៏ប៉ុន្តែអ្នកគឺជាការគំរាមកំហែងមួយដែលពុំអាចទទួលយកបានសម្រាប់យើង ហើយយើងត្រូវតែឆ្លើយតបវិញ ។ យើងសង្ឃឹមថា ពេលណាមួយ ឬឱកាសណាមួយ កូរ៉េខាងជើងនឹងចាប់ផ្តើមយល់ ហើយយើងនឹងអង្គុយចរចាជាមួយអ្នក ។
កូរ៉េខាងជើងកាលពីថ្ងៃទី២៨ កក្កដា បានបាញ់សាកល្បងប្រកបដោយជោគជ័យមីស៊ីលរំលងទ្វីបថ្មី ហើយនិយាយថា ចាប់ពីពេលនេះតទៅ ខ្លួនមានសមត្ថភាពវាយប្រហារដែនដីសហរដ្ឋអាមេរិកហើយ ។
ក្រសួងការបរទេសអាមេរិករាយការណ៍កាលពីថ្ងៃទី១ សីហា ថា លោក REX TILLERSON នឹងមកបំពេញទស្សនកិច្ចក្នុងប្រទេសហ្វ៊ីលីពីន ថៃ និងម៉ាឡេស៊ី ពីថ្ងៃទី៥ ទៅ៩ សីហា ។
ក្នុងសេចក្តីប្រកាសមួយ ក្រសួងនេះនិយាយថា លោក TILLERSON នឹងចូលរួមក្នុងវេទិកាតំបន់អាស៊ានដែលប្រព្រឹត្តទៅនៅក្រុងម៉ានីល ។ ក្នុងវេទិកានេះ ប្រមុខការទូតអាេមរិកនឹងជួបពិភាក្សាជាមួយបណ្តាសមភាគីនៃប្រទេសឯទៀតៗពីការរំសាយនុយក្លេអ៊ែរនៅឧបទ្វីបកូរ៉េពីសន្តិសុខសមុទ្រ និងពីការតស៊ូប្រឆាំងភេរវកម្ម ៕
ចែករំលែកព័តមាននេះ