រាជធានីភ្នំពេញ ៖ យោងតាមមន្ត្រីស្ថានទូតអាមេរិកប្រចាំនៅកម្ពុជាបានបញ្ជាក់កាលពីថ្ងៃទី២៩ កក្កដា កន្លងមកថា បេសកជនកីឡាជិះស្គីលើបន្ទះក្តារដំបូងរបស់ក្រសួង
ការបរទេសអាមេរិកគឺលោក
រាជធានីភ្នំពេញ ៖ យោងតាមមន្ត្រីស្ថានទូតអាមេរិកប្រចាំនៅកម្ពុជាបានបញ្ជាក់កាលពីថ្ងៃទី២៩ កក្កដា កន្លងមកថា បេសកជនកីឡាជិះស្គីលើបន្ទះក្តារដំបូងរបស់ក្រសួង
ការបរទេសអាមេរិកគឺលោកNeftalie Williams នឹងមកធ្វើទស្សនកិច្ចនៅកម្ពុជា ពីថ្ងៃទី២ដល់ថ្ងៃទី៦ ខែសីហា ឆ្នាំ២០១៧ ។ បច្ចុប្បន្ន លោក Neftalie Williams កំពុងសិក្សាយកសញ្ញាបត្របណ្ឌិតនៅសាកលវិទ្យាល័យWaikato នៃប្រទេសនូវែលសេឡង់ ។
យោងតាមប្រភពដដែលបញ្ជាក់ថា កម្មវិធីបេសកជនកីឡានេះមានបំណងលើកកម្ពស់ការយល់គ្នារវាងសហរដ្ឋអាមេរិក និងប្រទេសកម្ពុជា ដោយផ្សារភ្ជាប់យុវជនកម្ពុជា តាមរយៈការបង្ហាត់បង្ហាញការជិះស្គីលើក្តារបន្ទះ នៅតាមអង្គការមិនមែនរដ្ឋាភិបាល វិទ្យាល័យ និងសាកលវិទ្យាល័យនានា ។ កម្មវិធីនេះថែមទាំងធ្វើឡើងដើម្បីអបអរការដាក់បញ្ចូលកីឡាជិះស្គីលើបន្ទះក្តារជាកីឡាអូឡាំពិកផ្លូវការ ដោយចាប់ផ្តើមនៅក្នុងកីឡាអូឡាំពិករដូវក្តៅឆ្នាំ២០២០ និងអបអរការប្រកួតជ្រើសរើសជើងឯកជិះស្គីលើបន្ទះក្តារនៅអាស៊ីអាគ្នេយ៍នៅក្នុងពេលខាងមុខនេះ ។ ក្រៅពីនេះទៀត កម្មវិធីនេះមានបំណងគាំទ្រដល់ការខិតខំរបស់រាជរដ្ឋាភិបាលកម្ពុជា នៅក្នុងការអភិវឌ្ឍកីឡាយុវជនផងដែរ ។
អ្នកសារព័ត៌មានអាចចូលយកព័ត៌មានតាមកម្មវិធីខាងក្រោម៖
ថ្ងៃព្រហស្បតិ៍ ទី៣ សីហា ម៉ោង៩ព្រឹក ជួបជាមួយអគ្គនាយកកីឡា នៃក្រសួងអប់រំ យុវជន និងកីឡា(បន្ទប់ប្រជុំ ក) ។ ម៉ោង១០ព្រឹក សំណេះសំណាលជាមួយសិស្ស-និស្សិតស្តីពីវប្បធម៌ជិះក្តារស្គី ការជិះក្តារស្គីការទូត និងតួនាទីនៃការជិះក្តារស្គីនៅក្នុងការជំរុញការសិក្សាអប់រំ ។
ថ្ងៃសៅរ៍ ទី៥ សីហា ម៉ោង៩ដល់ម៉ោង ១១ព្រឹក មានកម្មវិធីសម្តែងជូនសាធារណជននៅសួនមុខវត្តបទុមវតី ជិតស្តូបមិត្តភាពកម្ពុជា វៀតណាម ។ បេសកជនជិះក្តារស្គី រួមជាមួយជនជាតិខ្មែរខ្លះដែលជិះក្តារស្គី និយាយទៅកាន់សាធារណជនអំពីការស្រឡាញ់របស់លោកចំពោះកីឡានេះ ហើយលោកនឹងជិះក្តារស្គីឱ្យមើល ។ អ្នកចូលរួមដែលមានចំណាប់ អារម្មណ៍អាចជិះក្តារស្គីសាកល្បងបាន ហើយក្តារស្គីនិងគ្រឿងប្រដាប់ការពារនឹងមានផ្ដល់ជូន។
សាធារណជនដែលចង់ចូលរួម ត្រូវចុះឈ្មោះជាមួយស្ថានទូតអាមេរិក ដោយផ្ញើអីុម៉ែលតាមរយៈអាសយដ្ឋាន ៖ PASPhnomPenh@state.gov ព្រោះកន្លែងមានកំណត់។
អ្នកសារព័ត៌មានដែលចង់យកព័ត៌មាននៅក្នុងព្រឹត្តិការណ៍ទាំងនេះ ត្រូវចុះឈ្មោះជាមួយផ្នែកកិច្ចការសាធារណៈរបស់ស្ថានទូតអាមេរិក តាមទូរស័ព្ទលេខ ០២៣ ៧២៨ ២៥៨ ឬ អីុម៉ែល ChreaV@state.gov ៕
ចែករំលែកព័តមាននេះ