ចិន៖ តាមប្រភពព័ត៌មាន Viral4real បានឲ្យដឹងថា បុរសម្នាក់ធ្វើការនៅខ្សែរថភ្លើងអាយុ២៩ឆ្នាំ បានជួយច្រានយាយចាស់ត្រចៀកធ្ងន់ម្នាក់ចេញពីខ្សែរថភ្លើង ពេលរថភ្លើងកំពុងបើកទៅមុខ។ តែការជួយសង្គ្រោះនេះ បានធ្វើឲ្យបុរសម្នាក់នោះដាច់ជើងម្ខាងពិការមួយជីវិត។
លោក Xu Quian Kai អាយុ២៩ឆ្នាំ បានឈរលើរថភ្លើងពេលដែលរថភ្លើងបើកទៅមុខ។ ទៅមុខបានបន្តិចក៏ឃើញយាយចាស់ម្នាក់បម្រុងនឹងឆ្លងកាត់ផ្លូវរថភ្លើង។ Xu បានខិតខំស្រែកចុចស៊ីផ្លេ តែធ្វើយ៉ាងណាក៏លោកយាយម្នាក់នោះមិនព្រមដឹង ដោយសារតែគាត់ត្រចៀកថ្លង់។
ដោយមិនបង្អង់យូរ Xu ក៏លោតចុះទៅច្រានយាយចាស់ចេញពីផ្លូវ ដើម្បីកុំឲ្យរថភ្លើងបុកគាត់។ ការជួយនេះ បានសម្រេចដូចក្តីបំណង តែជើងម្ខាងរបស់ Xu ត្រូវបានដាច់ដោយសារតែរថភ្លើងកិនពីលើ។
គេបានបញ្ជូនលោកទៅមន្ទីរពេទ្យនៅក្បែរនោះ តែលោកបានសន្លប់បាត់ស្មារតីជាច្រើនថ្ងៃ។ យាយចាស់ម្នាក់នោះ បានមកលុតជង្គង់អរគុណ ហើយបន់ស្រន់ឲ្យ Xu ឆាប់ដឺងខ្លួនឡើងវិញ។
ប៉ុន្មានថ្ងៃក្រោយ Xu ពិតជាដឹងខ្លួនមែន។ គេបានសួរ Xu ថា មានស្តាយក្រោយដែរឬអត់? Xu ឆ្លើយវិញយ៉ាងលឿនថា «ខ្ញុំមិនស្តាយក្រោយទេ ក្នុងការជួយជីវិតមនុស្ស។ បើខ្ញុំឃើញសភាពការដូចមុនទៀត ខ្ញុំលើកនេះនឹងជួយទៀត ទោះបីដឹងថា លទ្ធផលទៅជាយ៉ាងនេះក៏ដោយ»៕
ចែករំលែកព័តមាននេះ