ខេត្តកំពត ៖ កាលពីព្រឹកថ្ងៃទី០១ សីហា លោកជំទាវ ឌី សុខីទីឃាយុកោ ភរិយាលោកហ៊ុន ម៉ានិត តំណាងលោកជំទាវ ហ៊ុន
ម៉ាណា បានដឹកនាំក្រុមការងារកម្មវិធីផ្ទះទេវតា ចុះមកប្រគល់ផ្ទះទេវតាចំនួន៤ខ្នងជាបន្តទៀត ជូនដល់ទុរគតជន ជនចាស់ជរាគ្មានទីពឹង នៅលើទឹកដីខេត្តកំពត ។
ផ្ទះដែលត្រូវប្រគល់ជូនក្នុងពេលនោះមាន ១-ផ្ទះលេខ២១២ ប្រគល់ជូនអ៊ុំស្រី រស់ អន អាយុ៦០ឆ្នាំ រស់នៅក្នុងភូមិក្រាំងគួយ ឃុំប្រភ្នំ ស្រុកអង្គរជ័យ ខេត្តកំពត ។ ២-ផ្ទះលេខ២១១ ប្រគល់ជូន លោកយាយហ៊ឹម អ៊ីប អាយុ៦៨ឆ្នាំ រស់នៅភូមិ ត្រពាំងវែងឃុំអង្គរភ្នំតូចស្រុកអង្គរជ័យខេត្តកំពត ។ ៣-ផ្ទះលេខ២១៣ ប្រគល់ជូន លោកតាអោម សឿន អាយុ៧០ឆ្នាំ រស់នៅភូមិត្រពាំងរុន ឃុំតានីស្រុកអង្គរជ័យ ខេត្តកំពត និង៤-ផ្ទះលេខ២១០ ប្រគល់ជូនលោកយាយអ៊ុងកេន អាយុ៨១ឆ្នាំ រស់នៅភូមិភ្នំឆ្មា ឃុំម្រោម ស្រុកអង្គរជ័យ ខេត្តកំពត ។
សូមបញ្ជាក់ថា ផ្ទះទាំង៤ខ្នងនេះ ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនព្រមទាំងក្រុមគ្រួសារ ។ ទុរគតជនជនចាស់ជរាគ្មានទីពឹងដែលទទួលបានផ្ទះនីមួយៗ ក្រោយពីទទួលបានផ្ទះហើយនោះ ក៏ទទួលបានអំណោយ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលមានជាសម្ភារប្រើប្រាស់ក្នុងផ្ទះ គ្រឿងឧបភោគ-បរិភោគ ថ្នាំពេទ្យ និងថវិកាមួយចំនួនធំ។
ក្នុងឱកាសនោះដែរ មានប្រជាពលរដ្ឋ ប្អូនៗសិស្សានុសិស្ស ដែលបានចូលរួមអបអរសាទរកម្មវិធីផ្ទះទេវតា ក៏បានទទួលអំណោយ ពីសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតផងដែរ រួមមានសម្ភារសិក្សា ទឹកដោះកូនក្មេង នំកញ្ចប់ មានផ្តល់រទេះរុញសម្រាប់ជនពិការចំនួន២គ្រឿង ជូនជនពិការ និងថវិកាមួយចំនួនផងដែរ។
ចែករំលែកព័តមាននេះ