ខេត្តបាត់ដំបង ៖ កាលពីព្រឹកថ្ងៃទី២៩ កក្កដា កន្លងមក មានការទស្សនកិច្ចសិក្សាស្តីពីការកសាងអង្គភាពរឹងមាំគ្រប់វិស័យរបស់កងអនុសេនាធំទី១ ចំណុចបង្គោលសីម៉ាលេខ៣២,៣៣ និង៣៤ ផ្នែកសឹករងថ្មពួក ខេត្តបន្ទាយមានជ័យ ស្ថិតក្រោមអធិបតីភាពលោកឧត្តមសេនីយ៍ត្រី ឈិន រ៉ន នាយរងសេនាធិការ អនុប្រធានតំបន់១ យោធភូមិភាគទី៥ និងមានការចូលរួមពីលោកជឹម ប៊ុនអាន មេបញ្ជាការរង នាយសេនាធិការតំបន់សឹករងបន្ទាយមានជ័យ, លោកឧត្តមសេនីយ៍ត្រី ឃួន ជឿន មេបញ្ជាការវរការពារព្រំដែនលេខ៥០៣ និងនាយទាហានតាមបណ្តាកងល្បាត៦៥នាក់ផងដែរ ។
លោកវរសេនីយ៍ត្រី ព្រហ្ម ប៊ុននឿន មេបញ្ជាការកងអនុសេនាំធំទី១ បានរាយការណ៍អំពីសភាពការណ៍តាមព្រំដែនមានសភាពស្ងប់ស្ងាត់ ហើយកម្លាំងដែលបានឈរជើងនៅទីនេះ ជំរុញឲ្យមានការដាំដុះដំណាំ សម្រាប់ជួយផ្គត់ផ្គងជីវភាពក្នុងអង្គភាពបន្ថែមទៀត ហើយពេលនេះ កំពុងតែត្រៀមរៀបចំកសាងអាគារទីបញ្ជាការបន្ថែមទៀតផងដែរ។
បន្ទាប់ពីចំណាប់អារម្មណ៍របស់មេបញ្ជាការតាមបណ្តាអង្គភាពផ្សេងៗទៀតតាមព្រំដែនរួចមកលោកវរសេនីយ៍ឯកជឹម ប៊ុនអាន បានថ្លែងថា សូមបន្តកសាងបន្ថែមហើយថែររក្សាសមិទ្ឋិផលចាស់ដែលកើតមានឡើងមកនោះឲ្យបានគង់វង្ស ហើយបន្តស្វែងរកមូលនិធិសាងសង់អាគារទីបញ្ជាការបន្ថែមទៀត ហើយជំរុញចំណេះដឹងប្រព័ន្ឋបច្ចេកវិទ្យាឲ្យទទួលបានគ្រប់ៗគ្នាតាមសម័យកាលដែលត្រូវការ ។
ចែករំលែកព័តមាននេះ