ពោតក្រហមឡើងថ្លៃបន្ដិច បន្ទាប់ពីរាជរដ្ឋាភិបាលអន្តរាគមន៍
រាជធានីភ្នំពេញ ៖ តម្លៃពោតក្រហមក្រោយពីកសិករផ្ទុះការតវ៉ាកាលពីពាក់កណ្តាលខែកក្កដាកន្លងទៅ ពេលនេះបានងើបឡើងបន្ដិចវិញ បន្ទាប់ពីរាជរដ្ឋាភិបាល តាមរយៈក្រសួងពាណិជ្ជកម្ម និង
រាជធានីភ្នំពេញ ៖ តម្លៃពោតក្រហមក្រោយពីកសិករផ្ទុះការតវ៉ាកាលពីពាក់កណ្តាលខែកក្កដាកន្លងទៅ ពេលនេះបានងើបឡើងបន្ដិចវិញ បន្ទាប់ពីរាជរដ្ឋាភិបាល តាមរយៈក្រសួងពាណិជ្ជកម្ម និង
រាជធានីភ្នំពេញ ៖ តម្លៃពោតក្រហមក្រោយពីកសិករផ្ទុះការតវ៉ាកាលពីពាក់កណ្តាលខែកក្កដាកន្លងទៅ ពេលនេះបានងើបឡើងបន្ដិចវិញ បន្ទាប់ពីរាជរដ្ឋាភិបាល តាមរយៈក្រសួងពាណិជ្ជកម្ម និងស្ថាប័នពាក់ព័ន្ធ ចាត់វិធានការដោះស្រាយ និងការបញ្ចេញមូលនិធិប្រមាណ២៦លានដុល្លារកន្លងមក ។
ទីប្រឹក្សាក្រសួងពាណិជ្ជកម្ម បានប្រាប់កោះសន្តិភាពតាមទូរស័ព្ទ កាលពីថ្ងៃទី៣១ កក្កដា ម្សិលមិញថា កន្លងមក តម្លៃពោតក្រហមធ្លាក់ចុះ ដោយសារកសិករបេះពោតមិនទាន់ទុំល្អ ធ្វើឱ្យគុណភាពធ្លាក់ចុះ, កសិករហាលពោតមិនបានល្អ, អ្នកប្រមូលទិញខ្វះឡសម្ងួត និងឃ្លាំង ខ្វះទុនបង្វិល ព្រមទាំងការចំណាយក្រៅផ្លូវការច្រើន ។
លោក វ៉ា រុតសាន ទីប្រឹក្សារូបនេះ មានប្រសាសន៍ថា ៖« បញ្ហាធ្លាក់ថ្លៃនេះ យើងបានដោះស្រាយរួចរាល់អស់ហើយ ។ ចំពោះការចំណាយក្រៅផ្លូវការ បានឱ្យអភិបាលខេត្តនីមួយៗជាអ្នកទទួលខុសត្រូវ ។ រាជរដ្ឋាភិបាលបានបញ្ចេញថវិកា តាមរយៈធនាគារអភិវឌ្ឍន៍ជនបទ និងសម្រួលការខ្ចីប្រាក់ជូនដល់អ្នកប្រមូលទិញពោត ដោយទម្លាក់អត្រាការប្រាក់ក្រោម៧%ក្នុង១ឆ្នាំ។ កត្តាទាំងនេះធ្វើឱ្យស្ថានភាពតម្លៃពោតធូរស្រាលឡើងវិញ ស្របពេលក្រុមហ៊ុនផលិតចំណីសត្វមួយចំនួនបានសន្យាជាមួយក្រសួង នឹងខិតខំប្រមូលទិញពោតឱ្យបានច្រើនជាងមុន ពេលណាកសិករធ្វើតាមស្តង់ដា ។ អីចឹងហើយធ្វើឲ្យតម្លៃពោតនៅលើទីផ្សារសព្វថ្ងៃនេះហក់ឡើងវិញ » ។
លោកទីប្រឹក្សារូបនេះបន្តថា ៖«យើងបានចាត់វិធានការឱ្យបិទតារាងតម្លៃពោតនៅកន្លែងទទួលទិញ, កំណត់គុណភាពឱ្យច្បាស់ ដើម្បីឱ្យកសិករប្រុងប្រយ័ត្ននៅពេលយកពោតមកលក់ និងឱ្យមន្ទីរពាណិជ្ជកម្មខេត្តបាត់ដំបង និងប៉ៃលិនតាមដាន និងសហការជាមួយកន្លែងទិញ » ។
នៅថ្ងៃទី៣០ កក្កដា ក្រុមហ៊ុនស៊ីភី ហ៊ានទិញក្នុងតម្លៃ៤,១បាត ស្មើនឹងប្រមាណជាង៤០០រៀល ក្នុង១គីឡូក្រាម ខណៈពីមុនតម្លៃត្រឹមតែ៣,២ ទៅ៣,៤បាត ឬប្រមាណជាង៣០០រៀលប៉ុណ្ណោះ ។
លោក ប៉ុល គិរីសម្បត្តិ អគ្គនាយកក្រុមហ៊ុន វីតាហ្វីតមីល ផលិតចំណីសត្វ មានប្រសាសន៍ថាក្រុមហ៊ុនលោកទទួលទិញពោតពីឈ្មួញកណ្តាល ក្នុងតម្លៃប្រហែល៩៥០រៀលក្នុង១គីឡូក្រាម ថ្លៃជាងពេលមុន ដែលធ្លាប់ទិញតែជាង៨០០រៀលក្នុង១គីឡូក្រាមប៉ុណ្ណោះ ។
បើតាមទីប្រឹក្សាក្រសួងពាណិជ្ជកម្ម បានលើកឡើងថា ទីផ្សារពោតនៅគ្រាបន្ទាប់ មិនហ៊ានថា អាចនឹងឡើងថ្លៃដល់ប៉ុន្មានទេ ព្រោះវាពាក់ព័ន្ធនឹងតម្លៃនៅលើទីផ្សារអន្តរជាតិ ។
លោកថា ៖ «កាលណាផលិតផលតិច គឺលក់បានថ្លៃ ហើយកាលណាផលិតច្រើនពេក វានឹងធ្លាក់ថ្លៃ ដោយគ្មានវិធីណាយកមកទប់បានទេ តួយ៉ាងដូចជា ប្រេង កាលណាមានការផលិតច្រើនជាងតម្រូវការ វានឹងធ្លាក់ថ្លៃជៀសមិនរួចទេ ដូចនេះកសិផលផ្សេងៗ ក៏ដូចគ្នាដែរ » ។
យោងតាមរបាយការណ៍សន្ទស្សន៍ថ្លៃទំនិញចាំបាច់ប្រចាំជីវភាពលើទីផ្សារភ្នំពេញនៅថ្ងៃទី៣១ កក្កដា តម្លៃពោតក្រហមលេខ២ លក់លើទីផ្សារគិតជាជាមធ្យម ២០៦០រៀល ក្នុង១គីឡូក្រាម ៕
ចែករំលែកព័តមាននេះ