លោក គង់ គាំ សុំទោសសម្តេចតេជោ និងសម្រេចដកខ្លួនពីគណបក្សភ្លើងទៀន
រាជធានីភ្នំពេញ ៖ លោក គង់ គាំ បានប្រកាសបញ្ចប់តួនាទី និងសកម្មភាពជាឧត្តមទីប្រឹក្សាគណបក្សភ្លើងទៀន ព្រមទាំងប្រកាសទទួលកំហុសខ្លួន ព្រមទាំងអរគុណសម្តេចតេជោ ហ៊ុន…
រាជធានីភ្នំពេញ ៖ លោក គង់ គាំ បានប្រកាសបញ្ចប់តួនាទី និងសកម្មភាពជាឧត្តមទីប្រឹក្សាគណបក្សភ្លើងទៀន ព្រមទាំងប្រកាសទទួលកំហុសខ្លួន ព្រមទាំងអរគុណសម្តេចតេជោ ហ៊ុន…
រាជធានីភ្នំពេញ ៖ លោក គង់ គាំ បានប្រកាសបញ្ចប់តួនាទី និងសកម្មភាពជាឧត្តមទីប្រឹក្សាគណបក្សភ្លើងទៀន ព្រមទាំងប្រកាសទទួលកំហុសខ្លួន ព្រមទាំងអរគុណសម្តេចតេជោ ហ៊ុន សែន បានអនុគ្រោះខ្លួន ។
យោងតាមលិខិតថ្លែងអំណរគុណរបស់លោក គង់ គាំ ផ្ញើជូនសម្តេចតេជោ ហ៊ុន សែន នាយករដ្ឋមន្ត្រី កាលពីថ្ងៃទី៣១ ខែមករា ឆ្នាំ២០២៣ ហើយទើបចេញផ្សាយនៅថ្ងៃទី២ កុម្ភៈនេះ បានលើកឡើងយ៉ាងដូច្នេះថា ៖ ខ្ញុំបាទ គង់ គាំ និងភរិយា សូមគោរព សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា នាយករដ្ឋមន្ត្រី នៃព្រះរាជាណាចក្រកម្ពុជា ជាទីគោរពដ៏ខ្ពង់ខ្ពស់បំផុត ។
តាមរយៈ គង់ បូរ៉ា សមាជិកគណបក្សប្រជាជនកម្ពុជា ចូលរួមមហាសន្និបាតវិសាមញ្ញគណបក្សប្រជាជនកម្ពុជា ថ្ងៃទី២៨-២៩ ខែមករា ឆ្នាំ២០២៣ ដែលបានទទួល និងនាំបណ្តាំ ពីសម្តេចប្រធាន (ថ្នាក់ដឹកនាំទាំងអស់) គណបក្សប្រជាជនកម្ពុជា បានអះអាងពីសមានចិត្តក្នុងរយៈការរួមរស់ (ឆ្នាំ១៩៧៩ ដល់ឆ្នាំ១៩៩៣ និងពីការយោគយល់ក្នុងរយៈកាលចាកចេញជាថ្នាក់ដឹកនាំគណបក្សប្រឆាំង (ឆ្នាំ១៩៩៥ ដល់ឆ្នាំ ២០២៣) ។ ប៉ុន្តែនៅរយៈពេលចុងក្រោយថ្មីៗ ដើម្បីកិត្តិយស និងតម្លៃរបស់គណបក្សប្រជាជនកម្ពុជា គណបក្សប្រជាជនកម្ពុជាបានសម្រេចដោយគ្មានជម្រើស (ទាំងបង្ខំចិត្ត) ដកហូតដីផ្ទះលេខ៧១ ផ្លូវសម្តេចសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ជាសម្បត្តិក្រសួងការបរទេសវិញ ។
លិខិតបញ្ជាក់ថា ៖ «ខ្ញុំបាទ គង់ គាំ និងភរិយា សោកស្តាយអំពីសេចក្តីសម្រេចនេះ តែយើងខ្ញុំប្តីប្រពន្ធ ព្រមទាំងកូនចៅសូមអរគុណសម្តេច ដែលអនុគ្រោះមិនបន្តបណ្ដឹងទៅតុលាការចំពោះរូបខ្ញុំ។ លើសពីនេះ ខ្ញុំបាទ គង់ គាំ និងភរិយា រីករាយ និងដឹងគុណចំពោះសណ្តានចិត្ត រំឭក និងយកចិត្តទុកដាក់ សណ្ដោសដល់កូន គង់ បូរ៉ា ចូលជាសមាជិកគណបក្សប្រជាជនកម្ពុជា និងជាអនុរដ្ឋលេខាធិការក្រសួងមហាផ្ទៃ ដោយបានផ្ដល់រថយន្តមួយគ្រឿងជាមធ្យោបាយបម្រើការងារ ក្នុងមនោសញ្ចេតនា នៃគ្រួសារដ៏កៀកកិតមួយកាលពីគ្រាកម្សត់កម្រ» ។
លិខិតបានបន្តថា លើសពីនេះ ខ្ញុំមានមោទនភាព ដែលសម្តេចបានយល់ស្រប និងគាំទ្រផងដែរនូវឧត្តមគតិ និងគោលជំហររបស់គណបក្សឆន្ទៈខ្មែរ បង្កើត និងចូលរួមការបោះឆ្នោតនៅឆ្នាំ២០១៨ ដែលក្រោយមក ខ្ញុំបាទ មានឱកាសជាប្រធានកិត្តិយស គឺពិតជាមានឧត្តមគតិ (ប្រឆាំងក្រុមជ្រុលនិយម) មានវប្បធម៌ថ្មី (ពិគ្រោះ និងផ្តល់យោបល់) បន្ទាប់ពីវប្បធម៌សន្ទនាមិនទទួលបានជោគជ័យ។ ក្រោយលទ្ធផលការបោះឆ្នោតក្រុមប្រឹក្សាឃុំសង្កាត់ឆ្នាំ២០២២ សំឡេងប្រជាពលរដ្ឋបានគាំទ្រ គណបក្សនយោបាយពីរជាសំខាន់ គឺគណបក្សប្រជាជនកម្ពុជា (កាន់អំណាច) និងគណបក្សភ្លើងទៀន។
លិខិតដដែលបានគូសបញ្ជាក់ថា ៖ «ខ្ញុំបាទ គង់ គាំ និងគណបក្សឆន្ទៈខ្មែរ ដែលបានសម្រេចការរួបរួម គឺដើម្បីគោលដៅអនុវត្តវប្បធម៌នយោបាយថ្មី និងដើម្បីចូលរួមកសាងលំហប្រជាធិបតេយ្យ សេរី ពហុបក្ស ការគោរពសិទ្ធិនយោបាយ បរិយាកាសបោះឆ្នោត សេរី ត្រឹមត្រូវ និងយុត្តិធម៌ (គ្មានវត្តមានក្រុមជ្រុលនិយមផ្តួលរំលំក្រៅសំឡេងឆ្នោតទៀតទេ) ។
លោក គង់ គាំ បានគូសបញ្ជាក់ថា ៖ «ខ្ញុំសូមទទួលកំហុស និងសូមអភ័យទោសពីសម្តេច ពីថ្នាក់ដឹកនាំ ពីគណបក្សប្រជាជនកម្ពុជា ដែល យល់ឃើញថា កាយវិការ និងអំពើរបស់ខ្ញុំបាទ គង់ គាំ ក្នុងសកម្មភាពចុងក្រោយនេះ បានប៉ះពាល់ដល់ កិត្តិយស សេចក្ដីថ្លៃថ្នូរ របស់ថ្នាក់ដឹកនាំ របស់គណបក្សប្រជាជនកម្ពុជា និងប៉ះពាល់ដល់ភាពសុខសាន្ត ចំពោះសង្គមជាតិ» ។
លោកបន្ថែមថា «ក្រោយពិនិត្យហេតុផលកន្លងមកនេះ និងពិនិត្យពិចារណាពី សណ្ដាប់ធ្នាប់ពិភពលោក និងបរិយាកាសភូមិសាស្ត្រនយោបាយតំបន់ ពិសេសនយោបាយកម្ពុជា ដែលកំពុងយកចិត្ត ទុកដាក់ចំពោះអ្នកនយោបាយបន្តវេន ខ្ញុំបាទ គង់ គាំ សម្រេចបញ្ចប់តួនាទី និងសកម្មភាពជា ឧត្តមទីប្រឹក្សាគណបក្សភ្លើងទៀន ចាប់ពីពេលនេះតទៅ»៕
ចែករំលែកព័តមាននេះ