អូស្ត្រាលីមានមនុស្សតាំងលំនៅតាំងពី65.000ឆ្នាំមុន
អ្នកបុរាណវិទ្យាបានបន្សល់ទុករឿងគួរឱ្យសង្ស័យថា
អ្នកបុរាណវិទ្យាបានបន្សល់ទុករឿងគួរឱ្យសង្ស័យថា
អ្នកបុរាណវិទ្យាបានបន្សល់ទុករឿងគួរឱ្យសង្ស័យថា តើជនជាតិ«Aborigine»គឺជាជនអម្បូរដើមក្នុងប្រទេសអូស្ត្រាលី បានភៀសខ្លួនទៅរស់នៅទីនោះតាំងពីពេលណា ? ប៉ុន្តែតាមការត្រួតពិនិត្យឧបករណ៍ថ្មបុរាណដែលជីករកឃើញកាលពីឆ្នាំ២០១៥ មានវត្ថុបុរាណជាច្រើនបំណែកស្ថិតក្នុងល្អាងផ្នែកខាងក្រោមនៃជញ្ជាំងថ្មមួយនៅតំបន់Madjedbebeនៅក្នុងឧទ្យានជាតិ«ខាខាឌូ»ភាគខាងជើងប្រទេសអូស្ត្រាលី ។
ក្រុមអ្នកបុរាណវិទ្យាពីមហាវិទ្យាល័យគ្វីនលែនឱ្យដឹងថា ពូថៅថ្មដែលប្រទះឃើញរំពឹងថា មានវ័យចំណាស់បំផុតនៅលើពិភពលោក ។ ក្រុមអ្នកស្រាវជ្រាវបានប្រើវិធីសាស្ត្រត្រួតពិនិត្យអាយុរបស់វត្ថុបុរាណដោយវាស់ស្ទង់ពីការចាំងពន្លឺ(Luminescence dating)និងវិធីសាស្ត្ររកអាយុពីកាបូនវិទ្យុសកម្ម(Radiocarbon dating)ដើម្បីកំណត់អាយុរបស់វត្ថុបុរាណពីបរិមាណកាបូន ។ លទ្ធផលនៃការត្រួតពិនិត្យធ្វើឱ្យគេមានជំនឿថា មនុស្សក្នុងសម័យបុរាណបានធ្វើដំណើរទៅដល់អូស្ត្រាលីយ៉ាងហោច៦៥.០០០ឆ្នាំមុន ដោយផ្តួលទ្រឹស្តីចាស់ដែលកំណត់ថា មនុស្សទៅតាំងលំនៅទីនោះនៅ១៨.០០០ឆ្នាំមុន ។
ក្រៅពីនេះការស្រាវជ្រាវពីអាយុនោះធ្វើឱ្យគេមានការយល់ឃើញថ្មីៗផ្នែកវិទ្យាសាស្ត្រទាក់ទិននឹងអំឡុងពេលដែលមនុស្សភៀសខ្លួនពីទ្វីបអាហ្វ្រិកផងដែរ ។ អ្នកវិទ្យាសាស្ត្ររំពឹងទុកថា មនុស្សបានធ្វើដំណើរពីទ្វីបអាហ្វ្រិកកាលពី១០.០០០ទៅ៦០.០០០ឆ្នាំមុន និងមានតម្រុយថា ពួកគេគឺជាម្ចាស់វប្បធម៌ និងអារ្យធម៌ដ៏ចំណាស់បំផុតនៅលើពិភពលោក ៕
ចែករំលែកព័តមាននេះ