ក្លិបម៉ាឡេស៊ី Kuching City មកប្រកួតមិត្តភាពអន្តរជាតិ៤ប្រកួត ក្នុងរយៈពេល៤ថ្ងៃនៅកម្ពុជា
- ភ្នំពេញ
រាជធានីភ្នំពេញ ៖ សមាជិកលីគកំពូលម៉ាឡេស៊ីរដូវកាលថ្មី Kuching City នឹងធ្វើការមកប្រកួត
រាជធានីភ្នំពេញ ៖ សមាជិកលីគកំពូលម៉ាឡេស៊ីរដូវកាលថ្មី Kuching City នឹងធ្វើការមកប្រកួត
រាជធានីភ្នំពេញ ៖ សមាជិកលីគកំពូលម៉ាឡេស៊ីរដូវកាលថ្មី Kuching City នឹងធ្វើការមកប្រកួតលក្ខណៈមិត្តភាពអន្តរជាតិ នៅកម្ពុជាចំនួន ៤ប្រកួត ក្នុងរយៈពេល៤ថ្ងៃ ជាមួយបណ្ដាក្លិបបាល់ទាត់កម្ពុជា នៅដើមខែកុម្ភៈ ឆ្នាំ២០២៣នេះ។
បើយោងតាមកាលវិភាគប្រកួតមិត្តភាពអន្តរជាតិរបស់ក្លិបមកពីប្រទេសម៉ាឡេស៊ី Kuching City ត្រូវជួបក្លិបបាល់ទាត់លីគកម្ពុជាដូចជា ប្រកួតជាមួយណាហ្គាវើលដ៏ នៅទឹកដីកីឡដ្ឋានខេត្តកំពង់ស្ពឺ នៅថ្ងៃទី២ ខែកុម្ភៈ ឆ្នាំ២០២២ វេលាម៉ោង០៦៖៣០នាទីល្ងាចនេះ នៅថ្ងៃទី០៣ ជួបក្លិបចំណូលថ្មីលីគកំពូលកម្ពុជា អាយអេសអាយ ដង្កោសែនជ័យ នៅកីឡដ្ឋាន AIA Stadium KMH Park នៅថ្ងៃទី០៤ បន្តជួបក្លិបជើងឯកលីគកំពូលកម្ពុជា ភ្នំពេញក្រោន នៅកីឡដ្ឋាន Smart RSN និងប្រកួតចុងក្រោយនៅថ្ងៃទី០៥ ខែកុម្ភៈ ជួបជាមួយក្លិបបាល់ទាត់វិសាខា នៅកីឡដ្ឋាន AIA Stadium KMH Park។
ក្លិប Kuching City FC បានធ្វើដំណើរមកដល់ភ្នំពេញកាលពីល្ងាចម្សិលមិញនេះ ដើម្បីប្រកួតមិត្តភាពអន្តរជាតិដកស្រង់បច្ចេកទេសត្រៀមរដូវកាលថ្មី។ ខណៈដែលការធ្វើដំណើរមកប្រកួតមនេះជាឱកាសដ៏ល្អក្នុងការត្រៀមខ្លួនប្រកួតរដូវកាលថ្មីឆ្នាំ២០២៣-២៤ ជាពិសេសត្រៀមការប្រកួត Cambodian League Cup របស់បណ្ដាក្លិបលីគកំពូលកម្ពុជា ដែលត្រូវប្រកួតពីថ្ងៃទី១១ ខែកុម្ភៈ ដល់ថ្ងៃទី០៥ ខែមិថុនា ឆ្នាំ២០២៣ ហើយលីគកំពូលកម្ពុជា និងលីគទី២ គ្រោងចាប់ផ្ដើមប្រកួតនៅថ្ងៃទី០៥ និងថ្ងៃទី០៦ ខែសីហា ឆ្នាំ២០២៣នេះតទៅ។
គួរបញ្ជាក់ថា Kuching City គឺជាក្លិបបាល់ទាត់អាជីពដែលមានមូលដ្ឋាននៅទីក្រុង Kuching នៅក្នុងរដ្ឋ Sarawak ប្រទេសម៉ាឡេស៊ី។ Kuching City FC ជាសមាជិកលីគកំពូលម៉ាឡេស៊ីរដូវកាលថ្មី Malaysian Super league ដែលជាក្របខណ្ឌបាល់ទាត់កំពូលម៉ាឡេស៊ី បន្ទាប់ពីបញ្ចប់ចំណាត់ថ្នាក់លេខ៣ នៅលីគទី២ម៉ាឡេស៊ី Malaysia Premier League ហើយពួកគេមានកីឡដ្ឋាន Sarawak Stadium ជាទឹកដីដែលមានសមាភាពផ្ទុកអ្នកទស្សនាបាន ៤០,០០០នាក់៕ (ដោយ ៖ ភឿង ភារៈ)
ចែករំលែកព័តមាននេះ