ទឹកលិចចូលភូមិស្រែគ ពលរដ្ឋត្រៀមក្រសោបក្បូនឫស្សី…
ខេត្តស្ទឹងត្រែង ៖ ទឹកនៃតំបន់ខាងលើទំបន់វារីអគ្គិសនីសេសានក្រោម២ ហក់ឡើងកម្ពស់៧១.០៧ម៉ែត្រឈានចូលលិចភូមិមួយចំនួនក្នុងឃុំស្រែគ
ខេត្តស្ទឹងត្រែង ៖ ទឹកនៃតំបន់ខាងលើទំបន់វារីអគ្គិសនីសេសានក្រោម២ ហក់ឡើងកម្ពស់៧១.០៧ម៉ែត្រឈានចូលលិចភូមិមួយចំនួនក្នុងឃុំស្រែគ
ខេត្តស្ទឹងត្រែង ៖ ទឹកនៃតំបន់ខាងលើទំបន់វារីអគ្គិសនីសេសានក្រោម២ ហក់ឡើងកម្ពស់៧១.០៧ម៉ែត្រឈានចូលលិចភូមិមួយចំនួនក្នុងឃុំស្រែគ គេសង្កេតឃើញប្រជាពលរដ្ឋដែលជាជនជាតិព្នង ក្រាញននៀលពុំព្រមចាកចេញពីភូមិនោះបានជម្លៀសគ្រួសារ និងរបស់របរទៅទីទួលសុវត្ថិភាពដែលបានរៀបចំខ្លួនឯង និងមួយចំនួនធំទៀតរួមទាំងឃុំក្បាលរមាស ស្រុកសេសាន នៅតែបន្តការជម្នះលើឧបសគ្គត្រៀមដើមឫស្សីសម្រាប់ក្រសោបធ្វើជាក្បូន និងផ្ទះផែបណ្តែតទឹក។ ប្រជាពលរដ្ឋដែលមិនព្រមទទួលសំណងពីផលប៉ះពាល់សម្រាប់ការសាងសង់ទំនប់វារីអគ្កិសនីសេសានក្រោម២ទាំងនោះបានឲ្យដឹងថា បើទោះបីជាកម្រិតទឹកហក់ឡើងលិចភូមិយ៉ាងណាក៏ពួកគាត់មិនព្រមចាកចេញ និងមិនរុះរើផ្ទះចេញដែរ ពួកគាត់សុខចិត្តទុកផ្ទះឲ្យលិចទឹកចោល ខណៈទីទួលសុវត្ថិភាពត្រូវបានរៀបចំជាខ្ទមប្រក់តងនៅលើដីស្រែចម្ការផ្ទាល់ខ្លួនចម្ងាយពីភូមិ១គីឡូម៉ែត្ររហូតដល់៥គីឡូម៉ែត្រពីភូមិ។
ពួកគាត់បន្តថា ពេលនេះទឹកបានលិចចូលភូមិក៏ពិតមែន តែមិនទាន់លិចលុងទាំងស្រុងនោះឡើយ តែធម្មតាសម្រាប់ពួកគាត់ដែលកើតមករស់នៅជាមួយទន្លេស្រាប់ទៅហើយ ហើយប្រសិនមានទឹកលិចលង់ខ្លាំងពួកគាត់ក៏ត្រៀមដើមឫស្សីដើម្បីធ្វើជាក្បូនសម្រាប់ឆ្លងពីទួលសុវត្ថិភាពចូលមកភូមិបានដែរ។ ជាងនេះពួកគាត់ក៏មានយុទ្ធសាស្ត្រក្នុងការចងឫស្សីរំដោះផ្ទះឲ្យនៅលើទឹករស់នៅដូចផ្ទះផែបណ្តែតទឹកជនជាតិវៀតណាមយ៉ាងដូច្នោះដែរ។ ទាក់ទងទៅនឹងការបិទទ្វារទឹកធ្វើតេស្តសាកល្បងលើគុណភាពសំណងរួម និងរដូវធ្លាក់ភ្លៀងខ្លាំងជាប់ៗគ្នារយៈពេលច្រើនថ្ងៃនោះ បង្កឡើងជាជំនន់ទឹកភ្លៀងធ្វើឲ្យភូមិជាច្រើន និងឃុំមួយចំនួនត្រូវលិចលង់អាជ្ញាធរនៅតែបន្តការយកចិត្តទុកដាក់ទៅលើប្រជាពលរដ្ឋដែលពុំទាន់ចាកចេញនោះដដែល ដោយបានដាក់កងកម្លាំងប្រដាប់អាវុធរួមមន្ត្រីប្រចាំការដើម្បីត្រៀមសម្ភារគ្រប់ប្រភេទបង្កាសម្រាប់សង្គ្រោះពួកគាត់គ្រប់ពេលវេលា។ តែកម្រិតទឹកបានស្រកទៅវិញបន្តិចក្រោយរយៈពេលពីរថ្ងៃមកនេះពុំមានភ្លៀងធ្លាក់ជោគជាំ។
ចំណែកនៅព្រឹកថ្ងៃទី៣០ ខែកក្កដា ឆ្នាំ២០១៧នេះ ក្រុមហ៊ុនវារីអគ្គិសនីសេសានក្រោម២ បានប្រកាសថាក្រោយការធ្វើធ្វើតេស្តបិទទ្វារទឹកសាកល្បងបានជោគជ័យដោយសុវត្ថិភាពក្រុមហ៊ុនចាប់បើកទ្វារទឹកទាំងអស់វិញដើម្បីរំដោះទឹកនៅក្នុងបាតអាងទម្លាក់មកកម្ពស់ធម្មតាវិញ។ ហើយផែនការរបស់ក្រុមហ៊ុននឹងត្រូវទម្លាក់ទឹកចុះទៅខ្សែទឹកខាងក្រោមក្នុងមួយថ្ងៃមួយម៉ែត្រ។ មានន័យថា ការទម្លាក់ទឹកកម្ពស់មួយម៉ែត្រ
អាស្រ័យតាមខ្សែទឹកខាងដែលចំនួនទ្វារទឹកកើនឡើងរាល់ខ្សែទឹកហូរខាងលើនៃធារទឹក(ម៉ែត្រគូបក្នុងមួយវិនាទី) យើងរក្សាបរិមាណទឹកហូរចំនួន១០ភាគរយ ដើម្បីធានាឲ្យបានបន្ទាប់ការទម្លាក់ទឹកទៅខ្សែទឹកខាងក្រោមគឺមិនឲ្យកម្រិតកម្ពស់ទឹកឡើងខ្លាំងនេះបើតាមការអះអាងពីលោក ឆាយ ម៉េង មេការការដ្ឋានវារីអគ្គិសនីសេសានក្រោម២ កាលពីព្រឹកថ្ងៃទី៣០ ខែកក្កដា ឆ្នាំ២០១៧នេះ៕
ចែករំលែកព័តមាននេះ