រឿងចាក់បទចម្រៀង! ផ្ទុះជម្លោះផ្អើលបារបារាំងមួយកន្លែង ក្នុងសង្កាត់ផ្សារកណ្តាលទី១
រាជធានីភ្នំពេញ ៖ នារីៗបំរើការនៅបារបារាំង ត្រូវបានបុរសជនបរទេសម្នាក់វា.យនៅខាងក្នុងហាង
រាជធានីភ្នំពេញ ៖ នារីៗបំរើការនៅបារបារាំង ត្រូវបានបុរសជនបរទេសម្នាក់វា.យនៅខាងក្នុងហាងខណៈកំពុងផឹកស៊ីសប្បាយជួបជុំគ្នារងរបួសត្រូវបានបញ្ជូនទៅមន្ទីរពេទ្យម្នាក់ ដើម្បីធ្វើការសង្គ្រោះ ផងដែរ ។
ហេតុការណ៍ខាងលើនេះបានបង្កការភ្ញាក់ផ្អើលកាលពីវេលាម៉ោង២និង៣០នាទីឈានចូលព្រឹកថ្ងៃទី ២ខែ កុម្ភៈ ឆ្នាំ ២០២៣ នៅចំណុចក្នុងភោជនីយដ្ឋានមួយឈ្មោះ លូស៊ីហ្វើរ តាមបណ្តោយផ្លូវ១៣០ ស្ថិតក្នុងសង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ ។
បើតាមប្រភពព័ត៍មានពីនារីៗដែលបំរើការនៅក្នុងហាងលូស៊ីហ្វើរបានប្រាប់អោយដឹងថា មុនពេលកើតហេតុ គឺមានបុរសជនជាតិបរទេសម្នាក់ចូលមកផឹកស៊ីលេងយ៉ាងសប្បាយ លុះក្រោយមកបុរសបរទេសខាងលើនេះក៍ស្រវឹង ហើយបានឈ្លោះគ្នារហូតឈានដល់បង្កជាហិ.ង្សាវា.យតប់គ្នា បណ្ដាលអោយនារីៗនៅក្នុងហាងរងរបួសធ្ងន់ និងស្រាលផងដែរ។
នារីរងគ្រោះទាំងអស់ខាងលើបាននិយាយដឹងថា មុនឈានដល់ករណីបង្កហិ.ង្សានេះ ដើមឡើយជនបរទេសម្នាក់នោះបានចាក់បទចំរៀងស្ដាប់ក៏ឈ្លោះគ្នាជាមួយភ្ញៀវម្នាក់ទៀត រករឿងបង្កជាហិ.ង្សាតែម្តង ។ បន្ទាប់ពីឃើញបែបនេះ នារីៗដែលបំរើការនៅក្នុងហាងនាំគ្នារត់ទៅឃាត់ក៏ត្រូវបុរសជនបរទេសម្នាក់ដែលរាងខ្ពស់បានប្រើអំពើហិ.ង្សាទៅលើពួកគាត់ បណ្ដាលអោយរងរបួសធ្ងន់ បញ្ជូនទៅសង្គ្រោះនៅមន្ទីរពេទ្យផងដែរ។
ក្រោយពីបង្កហេតុរួច នារីៗដែលបំរើការនៅហាងបានទូរសព្ទ័ទៅប៉ូលិសប៉ុស្តិ៍ផ្សារកណ្ដាលទី១ដែរ តែមិនឃើញអ្នកណាចុះមកទេ រហូតដល់បុរសបរទេសខាងលើព្យាយាមដើរចេញពីកន្លែងកើតហេតុ តែត្រូវបានបងប្អូនប្រជាពលរដ្ឋជួយឃាត់ដឹកយកទៅដល់ប៉ុស្តិ៍ប៉ូលិសតែម្ដង។
បច្ចុប្បន្នបុរសបរទេសខាងលើនេះត្រូវបានឃាត់ន្លួនយកទៅប៉ុស្តិ៍ ដើម្បីធ្វើការសួរនាំនិងជនរងរគ្រោះនាំគ្នាទៅដែរ ដើម្បីដាក់ពាក្យអោយសមត្ថកិច្ចចាត់ទៅនីតិវិធី ៕
ចែករំលែកព័តមាននេះ