ខេត្តកំពង់ឆ្នាំង ៖ ទឹកប្រាក់ចំនួន១០,៥០០០រៀល ក្នុងនោះ១០ម៉ឺនរៀល ជាអំណោយរបស់សប្បុរសជននៅរាជធានីភ្នំពេញ លោកសេង គី លក់ទាខ្វៃនៅផ្ទះលេខ៤០ ផ្សារច្បារអំពៅផ្លូវជាតិលេខ១ ត្រូវបានភ្នាក់ងារសារព័ត៌មានកោះសន្តិភាព នាំយកទៅប្រគល់ជូនគ្រួសារក្រីក្រហើយ កាលពីព្រឹកថ្ងៃទី២៨ កក្កដា ២០១៧ ។
ខេត្តកំពង់ឆ្នាំង ៖ ទឹកប្រាក់ចំនួន១០,៥០០០រៀល ក្នុងនោះ១០ម៉ឺនរៀល ជាអំណោយរបស់សប្បុរសជននៅរាជធានីភ្នំពេញ លោកសេង គី លក់ទាខ្វៃនៅផ្ទះលេខ៤០ ផ្សារច្បារអំពៅផ្លូវជាតិលេខ១ ត្រូវបានភ្នាក់ងារសារព័ត៌មានកោះសន្តិភាព នាំយកទៅប្រគល់ជូនគ្រួសារក្រីក្រហើយ កាលពីព្រឹកថ្ងៃទី២៨ កក្កដា ២០១៧ ។
សូមបញ្ជាក់ថា ការិយាល័យនិពន្ឋកោះសន្តិភាព បានទទួលទឹកប្រាក់ចំនួន១០ម៉ឺនរៀលពីលោកសេង គី និង៥ពាន់រៀលរបស់ភ្នាក់ងារយើងនៅរាជធានីភ្នំពេញ ដើម្បីយកជូនគ្រួសារក្រីក្រ ហើយនៅព្រឹកថ្ងៃទី២៨ កក្កដា ភ្នាក់ងារកោះសន្តិភាព បាននាំយកទៅប្រគល់ជូនគ្រួសារក្រីក្រ ដែលកំពុងជួបការខ្វះខាត ក្នុងនោះ១-ស្ត្រីឈ្មោះឯក អាន អាយុ៧០ឆ្នាំ ជាស្ត្រីមេម៉ាយចិញ្ចឹមចៅ២នាក់រស់នៅភូមិកណ្តាល សង្កាត់កំពង់ឆ្នាំង, ២-ស្ត្រីឈ្មោះឆាំ ឡាង អាយុ៦៩ឆ្នាំ ស្ត្រីមេម៉ាយមានកូន៣នាក់ក្នុងបន្ទុក រស់នៅភូមិដំណាក់ពពូល សង្កាត់កំពង់ឆ្នាំង និង៣-ឈ្មោះហុង សុខុម អាយុ៦០ឆ្នាំ ជាស្ត្រីមេម៉ាយ មានជំងឺប្រចាំកាយដេកនៅកន្ទេល រស់នៅភូមិកណ្តាល សង្កាត់កំពង់ឆ្នាំង ដោយក្នុង១គ្រួសារៗ ទឹកប្រាក់ចំនួន៣៥០០០រៀល ។
ក្រោយពីបានទទួលអំណោយគ្រួសារក្រីក្រខាងលើ បានសម្តែងទឹកចិត្តរីករាយ និងសូមថ្លែងអំណរគុណដល់សប្បុរសជន និងសូមជូនពរសូមជួបប្រទះតែពុទ្ធពរទាំង៤ប្រការ គឺអាយុ វណ្ណៈ សុខៈ និងពលៈ កុំបីឃ្លាងឃ្លាតឡើយ។
ចែករំលែកព័តមាននេះ