ប្រជាពលរដ្ឋប្រមាណ១.០០០គ្រួសារ ទទួលបានអំណោយសប្បុរសធម៌
ខេត្តកំពង់ចាម ៖ ប្រជាពលរដ្ឋជិត១.០០០គ្រួសារបានទទួលអំណោយមនុស្សធម៌ នាព្រឹកថ្ងៃទី២៨ កក្កដា ២០១៧ នៅឃុំខ្វិតធំ ស្រុកព្រៃឈរ
ខេត្តកំពង់ចាម ៖ ប្រជាពលរដ្ឋជិត១.០០០គ្រួសារបានទទួលអំណោយមនុស្សធម៌ នាព្រឹកថ្ងៃទី២៨ កក្កដា ២០១៧ នៅឃុំខ្វិតធំ ស្រុកព្រៃឈរ
ខេត្តកំពង់ចាម ៖ ប្រជាពលរដ្ឋជិត១.០០០គ្រួសារបានទទួលអំណោយមនុស្សធម៌ នាព្រឹកថ្ងៃទី២៨ កក្កដា ២០១៧ នៅឃុំខ្វិតធំ ស្រុកព្រៃឈរ ដែលបានរៀបចំដោយលោក ហ៊ីវ គឹមហេង និងលោកស្រី លឹម
ស្រីពៅ ព្រមទាំងក្រុមគ្រួសារ។ ក្នុងនោះប្រជាពលរដ្ឋមានជីវភាពខ្វះខាត ចំនួន៩៩គ្រួសារ ត្រូវបានរថយន្តជួយដឹកជញ្ជូនទៅដល់ផ្ទះ ដោយមិនគិតពីសោហ៊ុយសេវាទៀត។ លោក ហេង ណន បានរៀបរាប់ប្រាប់ឲ្យដឹងថា ក្រោមការផ្តួចផ្តើមរបស់លោក ហ៊ីវ គឹមហេង បានរៀបចំ ពិធីបុណ្យកតញ្ញូជូនចំពោះឧបាសក ហ៊ីវ លឹម ឧបាសិកា ម៉ៅ ងីម និងឧបាសិកា ជា នាង ដែលបានធ្វើឡើងចំនួនពីរថ្ងៃគឺ២៧ និង២៨ កក្កដា ២០១៧ ដោយមានភ្ញៀវជិតឆ្ងាយបានចូលរួមបុណ្យប្រកបដោយទឹកចិត្តជ្រះថ្លា និងមានក្តីអំណរសប្បាយរីករាយផងដែរ។
លោក ហេង ណន ប្រាប់បន្តទៀតថា ជាមួយគ្នានោះដែរដោយមានការចូលរួមពីលោកឧកញ៉ា លី យ៉ុងផាត់ និងលោកជំទាវ គីម ហៀង ឧកញ៉ា ស៊ី គង់ទ្រីវ និងលោកជំទាវ ភូ ហុងសួរ លោកជំទាវឧកញ៉ា លីម ឈីវហួរ និងលោកឧកញ៉ា តាន់ ឈុនសែ បានយកទេយ្យវត្ថុរាប់បាត្រប្រគេនដល់ព្រះសង្ឃចំនួន៩៩អង្គ ដែលបានធ្វើឡើងនៅព្រឹកថ្ងៃទី២៨ កក្កដា។ ដោយមានទឹកចិត្តជ្រះទឹកនឹងព្រះពុទ្ធសាសនានោះក៏បានបរិច្ចាគនូវធនធានផ្ទាល់ខ្លួន បានចែកអំណោយដល់ពលរដ្ឋក្រីក្រ ជាងគេមកពីតាមបណ្តាភូមិនានាក្នុងស្រុកព្រៃឈរ៩៩គ្រួសារ ក្នុង១គ្រួសារៗទទួលបាន រួមមាន អង្ករ៥០គីឡូក្រាម ធុងជ័រ១ ឆ្នាំងសម្ល១ ឆ្នាំងបាយ១ ខ្ទះ១ កន្ទេល១ មុង១ ផួយ១ សារុង១ ក្រមា១ គ្រឿងឧបភោគមួយចំនួនអមដោយថវិកាចំនួន៩៤.០០០រៀលផងដែរ។
ដោយឡែកពលរដ្ឋផ្សេងទៀតដែលបានចូលរួម ក្នុងកម្មវិធីនេះមានចំនួន៨៥០នាក់ ក៏ទទួលបានអំណោយដែរ ដោយក្នុងម្នាក់ៗទទួលបានមាន ក្រមា១ សារុង១ និងថវិកាចំនួន១ម៉ឺនរៀល ហើយពលរដ្ឋជិត ១.០០០គ្រួសារនេះបានទទួលទានអាហារឆ្ងាញ់ថែមទៀតផង។ លោកយាយ កេត វឿន អាយុ៨២ឆ្នាំ រស់នៅភូមិសង្កែ ឃុំខិ្វតធំ ស្រុកព្រៃឈរ មានប្រសាសន៍ថា គាត់ពិតជាមានអារម្មណ៍សប្បាយរីករាយ ហើយក៏សូមបួងសួងឲ្យម្ចាស់ដើមបុណ្យខាងលើជួបនឹងសម្បតិ្ត ទាំង៣គឺ ១-សម្បត្តិមនុស្ស ២-សម្បត្តិទេវតា ៣-សម្បត្តិព្រះនិព្វាន និងសូមឲ្យមានសេចក្តីសុខគ្រប់ៗ គ្នាផងដែរ៕
ចែករំលែកព័តមាននេះ