McGregor បោះពាក្យឆ្លើយតបនឹងការប្រមាថរបស់ Mike Tyson យ៉ាងឡូយ
តាមប្រភពព័ត៌មាន Maxim បានឲ្យដឹងថា កីឡាករប្រដាល់ដាក់ទ្រុង Conor McGregor
តាមប្រភពព័ត៌មាន Maxim បានឲ្យដឹងថា កីឡាករប្រដាល់ដាក់ទ្រុង Conor McGregor
តាមប្រភពព័ត៌មាន Maxim បានឲ្យដឹងថា កីឡាករប្រដាល់ដាក់ទ្រុង Conor McGregor បានឆ្លើយតបទៅនឹងពាក្យប្រមាថមើលងាយរបស់កីឡាករប្រដាល់ខ្ញីចាស់ Mike Tyson បានយ៉ាងឡូយ ។ នាពេលថ្មីៗនេះ Tyson បានមើលងាយ McGregor ថា រូបគេនឹងមិនឈ្នះក្នុងការប្រកួតខាងមុននេះទេ ហើយថែមទាំងត្រូវស្លាប់ក្រោមកណ្តាប់ដៃរបស់ Floyd ថែមទៀតផង ព្រោះរូបគេចេះតែប្រដាល់ក្នុងទ្រុងតែប៉ុណ្ណោះមិនចេះប្រដាល់សេរីទេ ។
តែខាង McGregor បានឆ្លើយតបវិញថា ខ្លួនពិតជាហត់ណាស់ ចំពោះមតិមួយចំនួនដែលចេះតែទាយលទ្ធផលទុកផ្តេសផ្តាស ។ ជាងនេះទៅទៀត រូបគេក៏បានបោះពាក្យទៅថា «ពិតជាល្អណាស់ Mike ។ ប៉ុន្តែអ្វីដែលអ្នកកំពុងតែមើលគឺ ខ្ញុំដែលជាស្តេចប្រដាល់ថ្មីជំនួសអ្នក» ។
អ្វីដែលកាន់តែធ្វើឲ្យ Mike Tyson ឆ្អែតចិត្តទៀតនោះគឺពាក្យសម្តីរបស់ McGregor ដែលបានបង្ហោះក្នុង Twitter ថា «នៅចុងក្រោយ អ្នកទាំងអស់គ្នាបានត្រឹមតែស៊ីពាក្យរបស់ខ្លួនប៉ុណ្ណោះ ខណៈដែលខ្ញុំកំពុងតែស៊ីបង្កងធ្វើព្រងើយ» ។ រូបគេនិយាយបែបនេះ ដោយសារតែទោះបីជាលទ្ធផលឈ្នះឬចាញ់ ក៏រូបគេនៅតែជាសេដ្ឋីមួយរូបទៅហើយ ។
គួរបញ្ជាក់ថា លទ្ធផលឈ្នះឬចាញ់ពិតប្រាកដគឺអាចរកបាននៅថ្ងៃទី២៦ ខែសីហា ខាងមុខនេះ ដែលជាថ្ងៃប្រកួតរវាងអ្នកប្រដាល់មិនដែលចាញ់ Floyd Mayweather និងអ្នកប្រដាល់ដាក់ទ្រុង Conor McGregor នា T-Mobile Arena ៕
ចែករំលែកព័តមាននេះ