បុរសម្នាក់បានខឹងជាមួយនឹងផ្ទះជួលជិតខាងដែលផឹកស៊ី រួចចាក់ធុងបាស់តម្លង់ធ្វើឱ្យដេកពូនមិនបាន ទោះបីជាទៅប្រាប់ម្តងជាពីរដងក៏នៅតែដដែល ក៏បានយកកាំបិ.តសៀតនឹងចង្កេះរួចទៅប្រាប់ម្តងទៀត ប៉ុន្តែត្រូវបាន
រាជធានីភ្នំពេញ ៖ បុរសម្នាក់បានខឹងជាមួយនឹងផ្ទះជួលជិតខាងដែលផឹកស៊ី រួចចាក់ធុងបាស់តម្លង់ធ្វើឱ្យដេកពូនមិនបាន ទោះបីជាទៅប្រាប់ម្តងជាពីរដងក៏នៅតែដដែល ក៏បានយកកាំបិ.តសៀតនឹងចង្កេះរួចទៅប្រាប់ម្តងទៀត ប៉ុន្តែត្រូវបានភាគីខាងចាក់ធុងបាស់ឃើញទាន់ ក៏ចាប់វា.យប៉ោងមុខតែម្តង បង្កអោយមានការភ្ញាក់ផ្អើលកាលពីវេលាម៉ោង៩យប់ ថ្ងៃទី៣១ ខែមករា ឆ្នាំ២០២៣ នៅចំណុចផ្ទះជួល ស្ថិតក្នុងភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ ។
តាមប្រភពព័ត៌មានពីកន្លែងកើតហេតុ បាននិយាយប្រាប់ឱ្យដឹងថា នៅមុនពេលកើតហេតុ ផ្ទះជួលខាងលើ មានការផឹកស៊ីជាលក្ខណៈគ្រួសារ ដោយមានគ្នាចំនួន៨នាក់ ក្នុងនោះស្រី៤ និងប្រុស៤នាក់ ហើយបានចាក់ធុងបាស់យ៉ាងសប្បាយរីករាយ។ លុះបន្ទាប់មក បុរសម្នាក់ដែលស្នាក់នៅផ្ទះជួលជិតគ្នានោះ បានដើរទៅប្រាប់ឱ្យភាគីផឹកស៊ីចាក់ធុងបាស់ថា «កុំចាក់ធុងបាស់លឺពេក ខ្ញុំដេកពួនមិនបានទេ»។
ប្រភពដដែលបន្តថា លុះមួយសន្ទុះក្រោយមក ការផឹកស៊ីនៅតែចាក់ធុងបាស់លឺដដែល ធ្វើឱ្យបុរសខាងលើបានទៅប្រាប់ម្តងទៀតថា «ល្មមផ្អាកចាក់ធុងបាស់ហើយ»។ បន្ទាប់មក ភាគីផឹកស៊ីចាក់ធុងបាស់មានការសង្ស័យក៏បានទៅស្ទាបក្នុងអាវក៏ប្រទះឃើញមានកាំបិ.តបុ័ងតោដែលសៀតជាប់ចង្កះ បន្ទាប់ភាគីចាក់ធុងបាស់ក៏បាននាំគ្នាវា.យបុរសខាងលើ បណ្តាលឲ្យរងរបួសប៉ោងមុខ និងក្បាលរងរបួសធ្ងន់តែម្តង។
ប្រភពព័ត៌មានពីកន្លែងកើតហេតុបាននិយាយទៀតថា បន្ទាប់ពីភាគីខាងចាក់ធុងបាស់នាំគ្នាវា.យបុរសរូបនេះរងរបួសប៉ោងមុខ និងក្បាលរងរបួសធ្ងន់ហើយ ភាគីខាងចាក់ធុងបាស់ក៏បានទូរស័ព្ទប្តឹងនគរបាលប៉ុស្តិ៍ចោមចៅទី៣ភ្លាមៗ ដើម្បីនាំបុរសខាងលើយកទៅសួរនាំ។
បន្ទាប់ពីនគរបាលប៉ុស្តិ៍ចោមចៅទី៣ សួរនាំបុរសខាងលើ ទើបដឹងហេតុផលរៀងៗខ្លួន បន្ទាប់មកភាគីទាំងសង្ខាងមិនបានប្តឹងផ្តល់គ្នានោះទេ ហើយនគរបាលប៉ុស្តិ៍ក៏បានណែនាំភាគីទាំងសង្ខាងកុំអោយប្រើអំពើហិ.ង្សាដាក់គ្នា និងចេះអធ្យាស្រ័យគ្នាទៅវិញទៅមក រួចហើយក៏បានអោយភាគីទាំងសងត្រឡប់ទៅផ្ទះវិញរៀងៗខ្លួន៕
ចែករំលែកព័តមាននេះ