ប្រភពព័ត៌មានផ្លូវការរាយការណ៍កាលពីថ្ងៃទី២៦ កក្កដា ថា សាកសពមនុស្ស២៥នាក់ ក្នុងនោះ១៧នាក់ស្ថិតក្នុងគ្រួសារតែមួយត្រូវបានរកឃើញពេលទឹកជំនន់ស្រកចុះក្រោយពីជន់លិចភូមិឋានទាំងឡាយនៅរដ្ឋ
ឥណ្ឌា ៖ ប្រភពព័ត៌មានផ្លូវការរាយការណ៍កាលពីថ្ងៃទី២៦ កក្កដា ថា សាកសពមនុស្ស២៥នាក់ ក្នុងនោះ១៧នាក់ស្ថិតក្នុងគ្រួសារតែមួយត្រូវបានរកឃើញពេលទឹកជំនន់ស្រកចុះក្រោយពីជន់លិចភូមិឋានទាំងឡាយនៅរដ្ឋ GUJARAT ភាគខាងលិចឥណ្ឌា ដែលនៅទីនោះភ្លៀងបានធ្លាក់យ៉ាងខ្លាំង បណ្តាលឱ្យតុល្យការអ្នកស្លាប់មកទល់ពេលនេះឡើងដល់១១៩នាក់ហើយ ។
លោក AKSHARAJ MAKWANA អ្នកទទួលខុសត្រូវប៉ូលិសម្នាក់ថ្លែងប្រាប់ AFP ថា សរុបសាកសពមនុស្ស២៥នាក់ត្រូវបានស្រង់ក្នុងភូមិ២ ស្ថិតនៅជាប់មាត់ស្ទឹង BANAS ក្នុងស្រុក BANASKANTHA ។ មុននេះបន្តិចអធិការប៉ូលិសម្នាក់រាយការណ៍ថា សាកសពមនុស្ស១៧នាក់នៃគ្រួសារតែមួយត្រូវបានរកឃើញ ។ ពួកគេហាក់ដូចជាត្រូវលង់ទឹកស្លាប់ ។ សាកសពពួកគេត្រូវបានរកឃើញកប់ក្នុងភក់ ។
បណ្តាអ្នកជួយសង្គ្រោះរដ្ឋ GUJARAT ថ្លែងនាថ្ងៃទី២៦ កក្កដា ថា បណ្តាក្រុមជួយសង្គ្រោះត្រូវបានដាក់ពង្រាយតាមបណ្តាតំបន់រងការបំផ្លាញដោយទឹកជំនន់ធ្ងន់ធ្ងរ ។
ទឹកជំនន់បណ្តាលមកពីភ្លៀងធ្លាក់ខ្លាំងបណ្តាលឱ្យមនុស្សស្លាប់យ៉ាងតិច១១៩នាក់ ក្នុងរដ្ឋនាចុងខាងលិចឥណ្ឌានេះ ហើយញ៉ាំងឱ្យមានការជម្លៀសមនុស្សចេញដល់ទៅជាង៣៦.០០០នាក់ ទៅកាន់កន្លែងមានសន្តិសុខនានា ខណៈបណ្តាឧទ្ធម្ភាគចក្រ និងនាវាប៉ុនប៉ងរុលចូលឱ្យដល់តំបន់ដាច់ស្រយាលនានា ។
នាយករដ្ឋមន្ត្រីឥណ្ឌា លោកណារេនដ្រា ម៉ូឌី កាលពីថ្ងៃទី២៥ កក្កដា បានទៅកាន់រដ្ឋនេះ ។ ក្រៅពីរដ្ឋ GUJURAT រដ្ឋនៅភាគឦសានប្រទេសគឺរដ្ឋ ARUNACHAL PRADESH និងរដ្ឋ ASSAM ក៏រងការប៉ះពាល់ធ្ងន់ធ្ងរដោយទឹកជំនន់ដែរ ក៏ដូចជានៅតំបន់មួយចំនួននៃរដ្ឋ ODISHA និងរដ្ឋ BIHAR ៕
ចែករំលែកព័តមាននេះ