រាជធានីភ្នំពេញ៖ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានអះអាងថា ក្នុងមួយឆ្នាំ មានប្រជាពលរដ្ឋប្រមាណ៣០ម៉ឺននាក់បានចូលក្នុងទីផ្សារការងារដែលជាហេតុធ្វើឲ្យប្រទេសកម្ពុជាមិនទាន់ខ្វះកម្លាំងពលកម្មនោះទេ។
មានប្រសាសន៍ប្រាប់ដល់ក្រុមអ្នកសារព័តមាន នៅក្រោយកិច្ចប្រជុំលើកទី២ របស់គណៈកម្មការអន្តរក្រសួងសម្រាប់ដឹកនាំ ត្រួតពិនិត្យ និងវាយតម្លៃលើការអនុវត្តគោលនយោបាយជាតិស្ដីពីមុខរបរ និងការងារឆ្នាំ២០១៥-២០២៥ កាលពីថ្ងៃទី២៦ កក្កដា ឆ្នាំ២០១៧ នៅសណ្ឋាគាអាំទែកុងទីណង់តាល់ លោក អ៊ិត សំហេង រដ្ឋមន្ត្រីក្រសួងការងារ និងជាប្រធានគណៈកម្មការអន្តរក្រសួង បានបញ្ជាក់ថា ប៉ុន្តែអ្វីដែលត្រូវយកចិត្តទុកដាក់បន្ថែម គឺពលកម្មដែលមានជំនាញ ជាពិសេសជំនាញដែលតម្រូវទៅតាមឧស្សាហកម្មដែលមានគំនិតបច្ចេកវិទ្យាខ្ពស់។
លោក រដ្ឋមន្ត្រីក្រសួងការងារបានឲ្យដឹងទៀតថា យោងតាមអង្គការអន្តរជាតិខាងការងារ អាយឡូ (ILO) ឲ្យដឹងថា ក្នុងមួយឆ្នាំប្រជាពលរដ្ឋ កម្ពុជាប្រមាណ៣០ម៉ឺ នាក់បានចូលក្នុងទីផ្សារការងារ ប៉ុន្តែក្នុងមួយឆ្នាំៗទីផ្សារការងារបានកំពុងស្រូបយកអស់ ដូច្នេះទេ អត្រាដែលមានការងារធ្វើនៅក្នុងស្រុកពេលនេះគឺមានរហូតដល់ ៩៩,៣%៕
ចែករំលែកព័តមាននេះ