ខេត្តព្រះវិហារ ៖ អភិបាលស្រុកជាំក្សាន្តលោក ជា គឹមសេង បានប្រាប់កោះសន្តិភាពឲ្យដឹងថា កាលពីម្សិលមិញថ្ងៃទី២៥ ខែកក្កដា ឆ្នាំ២០១៧ មានករណីលង់ទឹកជំនន់ស្លា.ប់២នាក់ ស្មើ២ករណី ដែលជនរងគ្រោះម្នាក់ជាស្ត្រីអាយុ៣៤ឆ្នាំ និងក្មេងប្រុសម្នាក់ទៀតអាយុ១៣ឆ្នាំ ជាសិស្សសាលា ។
ខេត្តព្រះវិហារ ៖ អភិបាលស្រុកជាំក្សាន្តលោក ជា គឹមសេង បានប្រាប់កោះសន្តិភាពឲ្យដឹងថា កាលពីម្សិលមិញថ្ងៃទី២៥ ខែកក្កដា ឆ្នាំ២០១៧ មានករណីលង់ទឹកជំនន់ស្លាប់២នាក់ ស្មើ២ករណី ដែលជនរងគ្រោះម្នាក់ជាស្ត្រីអាយុ៣៤ឆ្នាំ និងក្មេងប្រុសម្នាក់ទៀតអាយុ១៣ឆ្នាំ ជាសិស្សសាលា ។
លោកអភិបាលបានបន្តថា នៅយប់ថ្ងៃទី២៦ ភ្លៀងមួយយប់ទល់ភ្លឺ ធ្វើឱ្យទឹកលិចផ្លូវ និងផ្ទះប្រជាជនជាច្រើន ក៏ដូចជាការខូចខាតផលដំណាំសត្វពាហនៈ ។
លោកជា គឹមសេង បាននិយាយថា៖ «ក្នុងនាមខ្ញុំផ្ទាល់ បានទទួលបទបញ្ជាពីឯកឧត្តម សួស យ៉ារ៉ា អ្នកតំណាងរាស្ត្រ និងឯកឧត្តម អ៊ុន ចាន់ដា អភិបាលខេត្តព្រៈវិហារអោយជំលៀសប្រជាជនមករកទីទួលសុវត្ថិភាពមកទល់ពេលនេះ ខ្ញុំបានជួយប្រជាជនមកដល់ទីទួលអស់ហើយ ។ ជាសំណូមពរ សូមឱ្យប្រជាជនបន្តរការប្រុងប្រយ័ត្ន ព្រោះកំពស់ទឹកស្ថិតក្នុងកំរឹតប្រកាសអាសន្ននៅឡើយ»។
យោងតាមរបាយការណ៍ដែលអាជ្ញាធរស្រុកផ្ញើជូនអភិបាលខេត្តព្រះវិហារ អំពីទិន្នន័យផលប៉ះពាល់ជំនន់ទឹកភ្លៀង គិតត្រឹមថ្ងៃទី២៦ ខែកក្កដា ឆ្នាំ២០១៧នេះ គឺស្រុកជាំក្សាន្តមានភ្លៀងធ្លាក់ជាបន្តបន្ទាប់ បានទទួលរងផលប៉ះពាល់ជំនន់ទឹកភ្លៀងលើ០៨ឃុំ ៤៩ភូមិ បណ្តាលឲ្យប៉ះពាល់ផលដំណាំស្រូវចំនួន២.៩៧៤ហិកតា និងដំណាំរួមផ្សំចំនួន០៦ហិកតា ។ លិចផ្លូវប្រវែង៩.៨៨៥ម៉ែត្រ និងខូចស្ពានឈើ២កន្លែងប្រវែង៥០ម៉ែត្រ។ លិចផ្ទះប្រជាពលរដ្ឋចំនួន៣២០ខ្នង និងលង់ទឹកស្លាប់មនុស្សពីរនាក់ ៕
ចែករំលែកព័តមាននេះ