តាមប្រភពព័ត៌មាន The Sun បានឲ្យដឹងថា ប្រធានចាត់ការក្លឹបបិសាចក្រហម លោក Jose Mourinho បានសារភាពថា លោកពិតជាមិនចង់ឲ្យ Wayne Rooney ចេញពីក្លឹបនោះទេ ហើយក៏មានអារម្មណ៍ស្រណោះអាឡោះអាល័យដែរ ក្រោយពីកីឡាករដ៏ឆ្នើមមួយរូបនោះ ឈប់នៅក្នុងក្លឹបតទៅទៀត ។
លោក Jose បាននិយាយថា ៖ “ ខ្ញុំនឹក Rooney ណាស់ ។ គេគឺជាបុគ្គលដ៏អស្ចារ្យ ។ ខ្ញុំមិនងាយនឹងមានអារម្មណ៍ក្ដុកក្តួលបែបនេះទេ នៅក្នុងអាជីពរបស់ខ្ញុំ តែនេះគឺជាអ្វីដែលកើតឡើងនៅពេល Rooney ចាកចេញទៅ ។ ”
លោកក៏បានបន្តថា ៖ “ ខ្ញុំច្បាស់ក្នុងចិត្តណាស់ ថា Rooney នឹងលេងបានល្អសម្រាប់ក្លឹប Everton ។ ហើយ Everton នឹងធ្វើល្អចំពោះរូបគេ ។ គេពិតជាសមនឹងទទួលបានអ្វីពិសេស ឲ្យសមស្របនឹងអ្វីដែលគេមាន ។ ”
គួរបញ្ជាក់ផងដែរថា Rooney ធ្លាប់ធ្វើជាកីឡាករលេងឲ្យក្លឹប Everton តាំងពី១៣ឆ្នាំមុន ។ តែនៅពេលនេះ លោកបានទៅលេងឲ្យក្លឹបនោះសារជាថ្មី ក្រោយពេលចាកចេញពី Manchester United ៕
ចែករំលែកព័តមាននេះ