វា.យប្រហារដ៏អាថ៌កំបាំងដោយដ្រូនក្នុងទីក្រុងអ៊ីរ៉ង់ជាច្រើន
ប្រទេសអ៊ីរ៉ង់ ៖ អ៊ីរ៉ង់់អះអាងថា បណ្ដាហេដ្ឋារចនាសម្ព័ន្ធយុទ្ធ សាស្ត្រជាគោលដៅនៃការវា.យប្រហារ
ប្រទេសអ៊ីរ៉ង់ ៖ អ៊ីរ៉ង់់អះអាងថា បណ្ដាហេដ្ឋារចនាសម្ព័ន្ធយុទ្ធ សាស្ត្រជាគោលដៅនៃការវា.យប្រហារ
ប្រទេសអ៊ីរ៉ង់ ៖ អ៊ីរ៉ង់់អះអាងថា បណ្ដាហេដ្ឋារចនាសម្ព័ន្ធយុទ្ធ សាស្ត្រជាគោលដៅនៃការវា.យប្រហារដោយដ្រូន ។ ប្លុកយោធាមួយ និងរោងចក្រចម្រាញ់ប្រេងកាតមួយរងការប៉ះពាល់ដោយការវា.យប្រហារទាំងនោះ ។
ក្រសួងការពារប្រទេសអ៊ីរ៉ង់ថ្លែងតាមទូរទស្សន៍រដ្ឋថា អ៊ីរ៉ង់ជាគោលដៅនៃការវា.យប្រហារតាមអាកាសជាច្រើនកាលពីយប់ថ្ងៃទី២៨ មក ២៩ មករា ។ ការផ្ទុះនានាត្រូវបានស្ដាប់ឮក្នុងទីក្រុង
ISPAHAN ភាគខាងកើតប្រទេស និងក្នុងទីក្រុងAZARSHAHR មិនឆ្ងាយប៉ុន្មានពីទីក្រុង TABRIZ ភាគខាងជើង ។ ក្រសួងនោះបន្តថា ការវា.យប្រហារមិនបានផលដោយដ្រូនតូចៗ ធ្វើឡើងប្រឆាំងប្លុកឧស្សាហកម្មយោធាមួយកន្លែង តែប្រព័ន្ធការពារអាកាសរបស់យើងបានកម្ទេចដ្រូនទាំងនោះ ។
ប្រព័ន្ធការពារអាកាសក៏អាចកម្ទេចដ្រូន២គ្រឿងទៀត ។ ការវាយប្រហារនេះមិនបណ្ដាលឲ្យមានជនរងគ្រោះហើយដំបូលប្លុកឧស្សាហកម្មយោធារងការខូចខាតតិចតួច ។
តាមបណ្ដាញសង្គមវីដេអូជាច្រើននៃការផ្ទុះឆេះត្រូវបានផ្សាយ ។ នៅក្រុង ISPAHAN ជាទីក្រុងធំទី២របស់ប្រទេសបន្ទាប់ពីក្រុងតេហេរ៉ង់ជារដ្ឋធានី ការវាយប្រហារសំដៅលើរោងចក្រផលិតគ្រាប់រំសេវមួយ ។ កាសែត IRAN INTERNATIONAL រាយការណ៍ថា បណ្ដាអ្នកឃើញផ្ទាល់ភ្នែក និងបណ្ដាវីដេអូផ្សាយមកពីអ៊ីរ៉ង់រៀបរាប់ពីការផ្ទុះជាច្រើននិងភ្លើងឆាបឆេះក្នុងរោងចក្រផលិតគ្រាប់ នៅក្រុង ISPAHAN នាយប់ថ្ងៃទី២៨មក២៩ មករា ក្រោយរំលងអាធ្រាត្របន្តិច ។
រួចបើតាមកាសែតញូវយ៉កថែមវិញថា ក្នុងសេចក្ដីប្រកាសមួយក្រសួងការពារប្រទេសអ៊ីរ៉ង់បញ្ជាក់ថា បានបា.ញ់ធ្លាក់ដ្រូនកង្ហា៤ចំនួន៣គ្រឿងតែមិនបាននិយាយពីជនរងគ្រោះឡើយ ។ ខណៈដែលអ៊ីរ៉ង់កំពុងប្រឈមមុខចាប់តាំងពី៤ខែមកហើយការបះបោររបស់ប្រជាជនខ្លួនមួយផ្នែក ក្រុងតេហេរ៉ង់មិនបាននិយាយឡើយថា តើការវា.យប្រហារនេះត្រូវបានរៀបចំធ្វើ្វខាងក្នុងប្រទេសឬពីក្រៅប្រទេសឡើយ ។ ប៉ុន្តែតាមកាសែតញូវយ៉កថែមថា កងឆ្មាំបដិវត្តន៍អ៊ីរ៉ង់បានចោទប្រកាន់ថា ការវា.យប្រហារទាំងនេះ អ៊ីស្រាអែលជាអ្នកនៅពីក្រោយ ហើយបានព្រមានពីលទ្ធភាពនៃការសងសឹករបស់អ៊ីរ៉ង់ ។
តាមទូរទស្សន៍អនឡាញអ៊ីរ៉ង់ SEPAH CYBERI កងឆ្មាំបដិវត្តន៍និយាយថា ចូរអ្នករង់ចាំបណ្ដាដ្រូនវា.យប្រហារលើបណ្ដាទីតាំងប្រេងរបស់ពួកស្យូនីស្ត ។
កាសែតអាមេរិក WALL STREET JOURNAL បានដកស្រង់សម្ដីបណ្ដាអ្នកទទួលខុសត្រូវអាមេ
រិកថា ការវា.យប្រហារទាំងនេះជាស្នាដៃរបស់អ៊ីស្រាអែល ហើយកើតមានបន្ទាប់ពីអ៊ីស្រាអែលនិងអាមេរិក ធ្វើសមយុទ្ធយោធានិងកិច្ចប្រជុំនានា ។
កាលពីមុនមកអ៊ីស្រាអែលធ្លាប់វា.យប្រហារបណ្ដាទីតាំងយោធានិងនុយក្លេអ៊ែរអ៊ីរ៉ង់ និងបានធ្វើឃា.តបណ្ដាអ្នកវិទ្យាសាស្ត្រអ៊ីរ៉ង់ ព្រមទាំងបណ្ដានាយទាហានជាន់ខ្ពស់អ៊ីរ៉ង់ ៕
ចែករំលែកព័តមាននេះ