រាជធានីភ្នំពេញ ៖ អ្នកឈ្នះទឹកប្រាក់៥.០០០ដុល្លារ និង១.០០០ដុល្លារ ពីក្នុងបាវស៊ីម៉ងត៍អូដ្ឋ និង ស៊ីម៉ងត៍ឥន្ទ្រីពេជ្រចំនួន១២នាក់ ត្រូវបានធ្វើការប្រគល់ជូនពួកគាត់ នៅថ្ងៃទី២២ ខែកក្កដា ឆ្នាំ២០១៧នេះ នៅក្រុមហ៊ុន ជីប ម៉ុង គ្រុប ដោយមានលោក អៀង អឿន ប្រធានផ្នែកលក់ ប្រចាំតំបន់៣ ធ្វើជាតំណាងក្នុងការប្រគល់រង្វាន់ជូនដល់អតិថិជននាពេលនេះ។
លោក អៀង អឿន បានថ្លែងថា «ដើម្បីលើកទឹកចិត្តដល់អតិថិជន ដែលប្រើប្រាស់ស៊ីម៉ងត៍អូដ្ឋ និង ស៊ីម៉ងត៍ឥន្ទ្រីពេជ្រ ក្រុមហ៊ុនបានបង្កើតកម្មវិធី «ហែកបាវ ឈ្នះលុយ!» ដោយដាក់គូប៉ុងផ្ដល់សំណាង ១.០០០ដុល្លារ, ២.០០០ដុល្លារ និង៥.០០០ដុល្លារ រួមជាមួយរង្វាន់តូចៗជាច្រើនទៀតនៅក្នុងបាវស៊ីម៉ងត៍។ ហើយនេះជាលើកទី៣ ដែលក្រុមហ៊ុនរៀបចំពិធីប្រគល់រង្វាន់ធំជូនដល់អ្នកឈ្នះ ដោយសរុបទាំង៣លើក មានអតិថិជនឈ្នះរង្វាន់ធំ សរុបប្រមាណ៥០នាក់មកហើយ»។
សូមរួសរាន់ ស្វែងរកមើលគូប៉ុង ឈ្នះទឹកប្រាក់សុទ្ធ ជាពិសេសរង្វាន់ធំ១.០០០ដុល្លារ ២.០០០ដុល្លារ និង៥.០០០ដុល្លារជាច្រើនរង្វាន់ទៀត ដែលមិនទាន់រកឃើញអ្នកឈ្នះនៅឡើយទេ!៕
ចែករំលែកព័តមាននេះ