អ្នកទទួលខុសត្រូវម្នាក់នៃក្រសួងការពារប្រទេសអាមេរិកគូសបញ្ជាក់ថា នាវាល្បាតមួយគ្រឿងរបស់កងម៉ារីនអាមេរិកកាលពីថ្ងៃទី២៥ កក្កដា បានបា.ញ់ព្រមាននាវាចម្បាំងមួយគ្រឿងរបស់កងឆ្មាំបដិវត្តន៍អីុរ៉ង់ក្រោយពីនាវានេះចូល
អាមេរិក-អីុរ៉ង់ ៖ អ្នកទទួលខុសត្រូវម្នាក់នៃក្រសួងការពារប្រទេសអាមេរិកគូសបញ្ជាក់ថា នាវាល្បាតមួយគ្រឿងរបស់កងម៉ារីនអាមេរិកកាលពីថ្ងៃទី២៥ កក្កដា បានបាញ់ព្រមាននាវាចម្បាំងមួយគ្រឿងរបស់កងឆ្មាំបដិវត្តន៍អីុរ៉ង់ក្រោយពីនាវានេះចូលទៅកៀកឃ្លាតគ្នាត្រឹមតែ១៣៧ម៉ែត្រនៅឈូងសមុទ្រពែរ្ស៍ ។
អ្នកទទួលខុសត្រូវរូបនេះបញ្ជាក់ប្រាប់ AFP ថា នាវាចម្បាំងអាមេរិក USS THUNDERBOLT នាព្រឹកថ្ងៃទី២៥ កក្កដា បានបាញ់ព្រមានពេលនាវាអីុរ៉ង់បើកយ៉ាងលឿនមកក្បែរ ។ នាវាអីុរ៉ង់នោះ ពុំឆ្លើយតបការផ្តល់សញ្ញា ឬការហៅតាមវិទ្យុទាក់ទង ទើបនាវាល្បាតអាមេរិកពុំមានជម្រើសណាក្រៅពីបាញ់ព្រមានឡើយ ។ ឧប្បត្តិហេតុនេះកើតមាននាវេលាម៉ោង៣ទៀបភ្លឺម៉ោងក្នុងស្រុក នៅភាគខាងជើងនៃឈូងសមុទ្រពែរ្ស៍ ។ ក្រោយការបាញ់ព្រមាននាវាអីុរ៉ង់ក៏ឈប់ រួចនាវាល្បាតអាមេរិកបន្តដំណើររបស់ខ្លួន ។
នេះពុំមែនជាឧប្បត្តិលើកទីមួយនៃការប្រឈមមុខគ្នារវាងនាវាចម្បាំងអាមេរិក និងនាវាចម្បាំងអីុរ៉ង់ឡើយ ។ កាលពីខែមករា នាវាពិឃាតអាមេរិក USS MAHAN បានបាញ់កាំជ្រួចបំភ្លឺជាសញ្ញាព្រមានដល់នាវាមួយគ្រឿងរបស់កងឆ្មាំបដិវត្តន៍អីុរ៉ង់ដែលបើកមកក្បែរខ្លួន ៕
ចែករំលែកព័តមាននេះ