បើនិយាយទៅដល់គូស្នេហ៍ប្រុសស្រីដ៏ល្បីល្បាញពីរដួងនៅក្នុងប្រទេសកម្ពុជា ជឿជាក់ថា អ្នករាល់គ្នាប្រាកដជាបានស្គាល់ហើយនៅតារាចម្រៀងស្រីដ៏ល្បីឈ្មោះមិនធម្មតា នៅក្នុងវិស័យសិល្បៈចម្រៀង គឺកញ្ញា
រាជធានីភ្នំពេញ ៖ បើនិយាយទៅដល់គូស្នេហ៍ប្រុសស្រីដ៏ល្បីល្បាញពីរដួងនៅក្នុងប្រទេសកម្ពុជា ជឿជាក់ថា អ្នករាល់គ្នាប្រាកដជាបានស្គាល់ហើយនៅតារាចម្រៀងស្រីដ៏ល្បីឈ្មោះមិនធម្មតា នៅក្នុងវិស័យសិល្បៈចម្រៀង គឺកញ្ញា ទេព បូព្រឹក្ស និងគូស្នេហ៍របស់ខ្លួននោះ គឺលោក ជី ដេវីត ដែលមានរូបរាងស្រស់សង្ហា បើគិតមកទល់នឹងពេលនេះផងដែរ គឺអ្នកទាំងពីរបានសាងស្នេហាស្រលាញ់គ្នាមកជាច្រើនឆ្នាំមកហើយ។
មិនតែប៉ុណ្ណោះជារឿយៗគេនាំគ្នាតែងតែសង្កេតឃើញ តារាប្រុសស្រីពីររូបខាងលើនេះ ទៅណាមកណាជាមួយគ្នាបង្ហាញនៅភាពផ្អែមល្ហែមស្អិតរមួតជាខ្លាំងជាមួយគ្នាមិនដែលដាច់នោះឡើយ រហូតធ្វើអោយមហាជន ក៏ដូចជាអ្នកគាំទ្រ ពួកគេជាច្រើនបានឃើញហើយហាក់ដូចជាច្រណែនជាមួយនឹងអ្នកទាំងពីរគ្រប់ៗគ្នាតែម្ដង។
ដោយឡែក ក្នុងនោះផងដែរ បើយើងនាំគ្នាក្រឡេកមកដឹងឃើញថា ក្រោយពេលស្រលាញ់មើលចិត្តគ្នាទៅវិញទៅមក សាងស្នេហាមកជាមួយគ្នាអស់រយៈពេលជាច្រើនឆ្នាំមក នៅទីបំផុងអ្វីដែលបានធ្វើអោយហ្វេនៗនាំគ្នារំភើបញាប់ញ័រត្រេកអរជាងនេះទៅទៀតនោះ ស្រាប់តែនៅថ្ងៃទី២១ ខែតុលា ឆ្នាំ ២០២២ នេះកន្លងទៅនេះ តារាចម្រៀងស្រី កញ្ញា ទេព បូព្រឹក្ស បានចេញមុខមកប្រកាសក្ដែងៗជាផ្លូវការអោយអ្នកគាំទ្របានដឹងទាំងគ្មានលាក់លៀមនៅលើគណនីហ្វេសប៊ុកផេករបស់តារាស្រីរូបនេះថា «នាងកំពុងតែពពោះកូនដំបូងហើយ» បន្ទាប់ពីបានលឺដូច្នេះភ្លាម មិនទុកចាំយូរក៏បានធ្វើអោយមហាជនជាច្រើនហាក់មានការរំភើបរកពាក្យអ្វីមកប្រៀបផ្ទឹមពុំបាននោះឡើយ។
យ៉ាងណាមិញ ក្រោយពេលប្រកាសបើកចំហរថា ខ្លួនមានផ្ទៃពោះរួចមក នារាត្រីថ្ងៃទី២៨ ខែ មករា ឆ្នាំ២០២៣កន្លងទៅនេះ កំពូលតារាចម្រៀងស្រី អ្នកនាង ទេព បូព្រឹក្ស និងតារាប្រុសលោក ជី ដេវីត បានរៀបចំកម្មវិធីជប់លៀងមួយ ដើម្បីអញ្ជើញភ្ញៀវកិត្តិយសជាច្រើនមកចូលរួមជួយទស្សន៍ទាយភេទកូនរបស់អ្នកទាំងពីរយ៉ាងអធិកអធមសន្ធឹកសន្ធាប់តែម្ដង ដែលមានការចូលរួមពីសំណាក់តារាល្បីៗឈ្មោះជាច្រើន ថែមទាំងស្លៀកពាក់ពណ៌ក្រហម និងខៀវ តាមការទស្សន៍ទាយរបស់ខ្លួនទៀតផង នៅទីបំផុតពេលនេះភេទកូនក្នុងផ្ទៃរបស់នាងត្រូវបានបង្ហាញហើយគឺជាកូនប្រុស ធ្វើអោយមហាជនដឹងហើយរំភើបចិត្តជាខ្លាំងតែម្ដង។
បន្ទាប់ពីនិយាយថា ខ្លួនមានផ្ទៃពោះរួចមក មិនទុកចាំយូរនៅថ្ងៃទី២៩ ខែមករា ឆ្នាំ២០២៣ ថ្មីៗនេះ អ្នកនាង ទេព បូព្រឹក្ស បានចេញមុខមកទម្លាយ Teaser បទចម្រៀងថ្មីរបស់ខ្លួនដែលមានចំណងជើងថា «Goddess» ជាមួយនឹងឈុតឆាកប៉ុន្មានឈុតពិតជាស្រស់ស្អាតប្លែកភ្នែកខ្លាំងណាស់ ថែមទាំងភ្ជាប់ជាមួយសារ Caption យ៉ាងដូច្នេះថា «Goddess Is Coming ខ្ញុំគឺជាស្រមោល ខ្ញុំគឺជាបំណងប្រាថ្នា, ជូនដល់ស្ត្រីគ្រប់រូបអោយល្អដូចទេពអប្សរា»។
តារាស្រីរូបនេះបានបន្តនៅក្នុងខមិនទៀតថា «ខ្ញុំមិនដែលដោះលែងខ្លួនឯងឡើយ ខ្ញុំសប្បាយចិត្តនូវអ្វីដែលខ្ញុំកំពុងធ្វើ» ។ ដោយឃើញអញ្ជឹងរួចមក ស្រាប់តែអូនតែ ដែលមានគណនីហ្វេសប៊ុកផេក មានឈ្មោះថា «Alex CoNan Real» បានទម្លាយចំៗត្រង់ៗថា «ថតតាំងពីថ្ងៃដល់ម៉ោង៤ព្រឹក អ្នកទៅមើលផ្ទាល់បានដឹងថា ចែពិបាកប៉ុនណា អោយសំរាកសិន គាត់ថាអត់ទេ ថតទៀតមក strong Mommy» ។ ហើយក្នុងនោះ ក៏មានអ្នកគាំទ្រមិនតិចនាក់នោះឡើយ បាននាំគ្នាចូលទៅខមិនបញ្ចេញមតិយ៉ាងព្រោងព្រាតលើកសរសើរឥតឈប់ឈរមិនដាច់ពីមាត់ផងដែរ៕
ចែករំលែកព័តមាននេះ