អ្នកភូមិទាំងនេះធ្វើក្បូនប្រឆាំងមិនចាកចេញ
ខេត្តស្ទឹងត្រែង ៖ ប្រជាពលរដ្ឋកា.ប់ឫស្សីធ្វើក្បូនក្រាញននៀលរស់នៅតំបន់ទំនប់វារីអគ្គិសនីសេសានក្រោម២
ខេត្តស្ទឹងត្រែង ៖ ប្រជាពលរដ្ឋកាប់ឫស្សីធ្វើក្បូនក្រាញននៀលរស់នៅតំបន់ទំនប់វារីអគ្គិសនីសេសានក្រោម២ មិនព្រមទទួលសំណងទៅរស់នៅភូមិថ្មី ខណៈទំនប់វារីអគ្គីសនីគិតរហូតដល់ថ្ងៃទី២៦ ខែកក្កដា នេះទ្វារទឹកត្រូវបិតទាំងស្រុងចំនួន៨ក្នុងចំណោមទ្វារទឹកទាំង១០ ដែលរងផលប៉ះពាល់លិចភូមិចាស់នៃភូមិក្បាលរមាស និងភូមិស្រែគរ ស្រុកសេសាន ខេត្តស្ទឹង ត្រែង ។
លោក ម៉ែន គង់ អ្នកនាំពាក្យសាលាខេត្តស្ទឹងត្រែងបានឱ្យដឹងនាព្រឹកថ្ងៃទី២៦ ខែកក្កដា ឆ្នាំ២០១៧ ថាប្រជាពលរដ្ឋដែលមិនទាន់ចាក់ចេញពីលំនៅនៃភូមិចាស់មានចំនួន១២០ខ្នង ក្នុងនោះមានភូមិស្រែគរចំនួន៣០ខ្នង និងភូមិក្បាលរមាសមានចំនួន៩១ខ្នង ដោយឡែកនៅចំណោមប្រជាពលរដ្ឋទាំង១២០ខ្នងមានប្រជាពលរដ្ឋចំនួន៦គ្រួសារ បន្តទៀតព្រមទទួលសំណងចាក់ចេញពីភូមិចាស់ទៅរស់នៅភូមិថ្មីជាប់ផ្លូវជាតិលេខ៧៨អា ។ លោកបានបន្តឱ្យដឹងថា ចំពោះអ្នកដែលមិនទាន់ចាក់ចេញពីភូមិចាស់ដែលជាតំបន់រងដោយការជន់លិច បន្ទាប់ពីមានការបិទទ្វារទឹកទំនប់វារីអគ្គិសនីជាបន្តបន្ទាប់ អាជ្ញាធរមានវិធានរួចជាស្រេចក្នុងការសង្គ្រោះពួកគាត់ដើម្បីឱ្យរួចផុតពីឧប្បត្តិហេតុណាមួយកើតឡើង ។
គួរបញ្ជាក់ថា គម្រោងវារីអគ្គីសនីសេសានក្រោម២ដ៏ធំរបស់កម្ពុជាមានអនុភាព៤០០មេហ្គាវ៉ាត់ ស្រុកសេសានខេត្តស្ទឹងត្រែង ត្រូវបានបិទទំនប់ដើម្បីទប់ទឹកសាកល្បងនៅថ្ងៃទី១៥ ខែកក្កដា ឆ្នាំ២០១៧ កន្លងទៅរហូតដល់ថ្ងៃទី២៦ ខែកក្កដា នេះបានបិទទ្វារទឹកបានចំនួន៨ហើយក្នុងចំនួនទាំងអស់១០ទ្វារទឹក ៕
ចែករំលែកព័តមាននេះ