ស្ថានភាពនយោបាយនៅថៃសម្រាប់ការបោះឆ្នោតនាពេលខាងមុខ
ប្រទេសថៃ ៖ គណបក្សកាន់អំណាចថៃគឺគណបក្សPALANG PRACHARAT បានជ្រើសរើសអតីត
ប្រទេសថៃ ៖ គណបក្សកាន់អំណាចថៃគឺគណបក្សPALANG PRACHARAT បានជ្រើសរើសអតីតប្រមុខយោធា និងជាមនុស្សជំនិតរបស់ព្រះមហាក្សត្រ លោកPRAWIT WONGSUWON ជាបេក្ខជននាយករដ្ឋមន្ត្រី។នេះជាការអះអាងរបស់គណបក្សនោះកាលពិថ្ងៃទី២៧មករាកន្លងទៅ។
ដូច្នេះឧបនាយករដ្ឋមន្ត្រីថៃបច្ចុប្បន្នអាយុ៧៧ឆ្នាំរូបនេះ ត្រូវក្លាយជាបេក្ខជននាយករដ្ឋមន្ត្រីសំខាន់មួយរូបទៀត ប្រជែងគ្នាចជាមួយបេក្ខជនវ័យក្មេងបំផុតនៃគណបក្សប្រឆាំងភឿថៃ លោកស្រីPAETONGTAM SHINAWATRA កូនស្រីអតីតនាយករដ្ឋមន្ត្រីត្រូវផ្ដួលរំលំលោកថាក់ស៊ីនស៊ីណាវ៉ាត្រា ដោយលោកស្រីប្រកាសត្រៀមរ៉ាប់រងការទទួលខុសត្រូវធ្វើប្រមុខរដ្ឋាភិបាលក្រោយការបោះឆ្នោតសភានាខែឧសភាខាងមុខនេះ។
ក្រោយកិច្ចប្រជុំមួយលោកPAIBOON NITITAWAN អនុប្រធានគណបក្សPALANG PRACHARATផ្លែងថា បណ្ដាសមាជិកគណបក្សក៏ដូចជាបណ្ដាសមាជិកសភានៃគណបក្សយើងមើលឃើញថា លោក PRAWIT WONGSUWON ជាមនុស្សមានទេពកោសល្យនិងជាបេក្ខជនសមស្របបំផុត។ លោកក៏នឹងអាចជាបេក្ខជន ក្នុងការប្រកួតជាមួយអ្នកការពារលោកគឹលោកប្រាយុទ្ធចាន់់អូចាដែលចប់អាណត្តិ។
លោកចាន់អូចានាពេលថ្មីៗនេះប្រកាសចូលរួមក្នុងគណបក្សRUAM THAI SANG CHAT សំដៅបន្តជីវិតនយោបាយរបស់លោក ដែលលោកខិតខំពង្រីកចាប់តាំងពីរដ្ឋប្រហារយោធាឆ្នាំ២០១៤មក ក្នុងនាមជាប្រមុខយោធាជាមួយការជួយជ្រោមជ្រែងរបស់លោកPRAWIT WONGSUWONនិងលោកANUPONG PAOCHINDA ដែលសុទ្ធតែជាអតីតប្រមុខយោធា។
លោកPRAWITនិងលោកចាន់អូចា អាចឈរឈ្មោះជាបេក្ខជននាយករដ្ឋមន្ត្រីដាច់ដោយឡែកពីគ្នា ប៉ុន្តែពួកអ្នកសង្កេតការណ៍មើលឃើញថានោះជាយុទ្ធសាស្ត្រ ដើម្បីធានាដល់ការថែរក្សាអំណាចរបស់ពួកគេ។ វាមានលទ្ធភាពខ្ពស់ដែលអ្នកទាំង២អាចធ្វើការរួមគ្នាក្នុងពេលនិងក្រោយពេលការបោះឆ្នោត។ នោះជាយុទ្ធសាស្ត្រដែលគេហៅថាបំបែកគ្នាដើម្បីយកឈ្នះ។ គណបក្សលោកPRAWITអាចដណ្ដើមសន្លឹកឆ្នោតនៅតាមបណ្ដាមណ្ឌលបោះឆ្នោតដែលលោកប្រាយុទ្ធមិនសូវមានប្រជាប្រិយភាព៕
ចែករំលែកព័តមាននេះ