នាវាកាហ្គោមួយគ្រឿងដឹកកូកាអ៊ីន៤,៥តោន ត្រូវចាប់បាននៅអេស្ប៉ាញ
ប្រទេសអេស្ប៉ាញ ៖ ប៉ូលិសអេស្ប៉ាញបានចាប់នាវាកាហ្គោ១គ្រឿង ក្នុងដែនទឹកនៃប្រជុំកោះកាណារី
ប្រទេសអេស្ប៉ាញ ៖ ប៉ូលិសអេស្ប៉ាញបានចាប់នាវាកាហ្គោ១គ្រឿង ក្នុងដែនទឹកនៃប្រជុំកោះកាណារី ដោយនាវានោះដឹកគ្រឿងញៀ.នកូកាអ៊ីនដល់៤,៥តោនមកពីកូឡុំប៊ី។ គ្រឿងញៀ.នដ៏ច្រើនសម្បើមនោះលាក់លាយឡំជាមួយសត្វពាហណៈ។
វាជាប្រតិបត្តិការប្រឆាំងគ្រឿងញៀ.នធំក្នុងសមុទ្រលើកទី៣ហើយ របស់ប៉ូលិ សអេស្ប៉ាញ រយៈពេលប៉ុន្មានសប្ដាហ៍ចុងក្រោយនេះមកពីអាមេរិកឡាទីន។ លើកនេះគឹក្នុងសមុទ្រអន្តរជាតិដែលប៉ូលិសអេស្ប៉ាញ ធ្វើអន្តរាគមន៍ចាប់នាវាកាហ្គោមានឈ្មោះថាORION 5។
នាវានោះត្រូវបានតាមឃ្លាំមើលចាប់តាំងពីយូរមកហើយ ដោយផ្នែកប្រឆាំងគ្រឿងញៀនអេស្ប៉ាញ។ លើកនេះប៉ូលិសអេស្ប៉ាញបង្ខំនាវានោះឲ្យចូលមកកាន់កំពង់ផែLAS PALMAS DE GRAN CANARIA ដើម្បីត្រួតពិនិត្យ។ ដឹកមេគោ១៧៥០ក្បាលទៅកាន់លីបង់ នាវានេះដែលមកពីកូឡុំប៊ី មានដឹកកូកាអ៊ីនដល់៤,៥តោន មានតម្លៃប្រមាណជា១០៥លានអឹរ៉ូ។ សមាជិកក្រុមនាវិកនៃនាវានោះ២៨នាក់ ស្ថិតក្នុងការឃាត់់ខ្លួន តែឲ្យស្ថិតនៅលើនាវាមើលថែមេគោ។ ម្សៅកូកាអ៊ីនពណ៌សត្រូវបានលាក់តាមបាវចំណីគោ។
ប៉ូលិសអេស្ប៉ាញអះអាងថា ការរត់ពន្ធគ្រឿងញៀ.នតាមផ្លូវទឹកហៅអាត្លង់ទិក បច្ចុប្បន្នមានការកើនឡើង។ រយៈពេលប៉ុន្មានសប្ដាហ៍ចុងក្រោយនេះ នាវា២គ្រឿងទៀតមកពីអាមេរិកឡាទីន ត្រូវចាប់ក្នុងដែនទឹកប្រជុំកោះកាណារីដែរ។ នោះជានាវាក្ដោងដែលដឹកគ្រឿងញៀនកូកាអ៊ីន២៥០០គីឡូក្រាម និងនាវាកាហ្គោ១គ្រឿងដឹកកូកាអ៊ីនដល់ទៅ៤៥០០គីឡូក្រាមលាក់ក្នុងបាវកាហ្វេ៕
ចែករំលែកព័តមាននេះ