រាជធានីភ្នំពេញ ៖ កម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជនបានដឹកនាំកម្លាំងចុះទៅឆែកឆេរហាងកាហ្វេ២៤ម៉ោង ដែលមានបង្កប់បម្រើសេវាផ្លូវភេទ ប្រមូលបានស្ត្រី រងគ្រោះជាជនជាតិវៀតណាម ចំនួន៩នាក់
រាជធានីភ្នំពេញ ៖ កម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជនបានដឹកនាំកម្លាំងចុះទៅឆែកឆេរហាងកាហ្វេ២៤ម៉ោង ដែលមានបង្កប់បម្រើសេវាផ្លូវភេទ ប្រមូលបានស្ត្រី រងគ្រោះជាជនជាតិវៀតណាម ចំនួន៩នាក់ កាលពីវេលាម៉ោង០៧នាទីយប់ ថ្ងៃទី២៥ ខែកក្កដា ឆ្នាំ២០១៧ នៅទីតាំងនៅទីតាំងផ្ទះលេខ២៣E0 តាមណ្ដោយផ្លូវលេខ៨០ ក្រុម១៩៣ ភូមិ១៤ ស្ថិតនៅម្ដុំផែថ្ម ក្នុងសង្កាត់ស្រះចក ខណ្ឌដូនពេញ ។
ប្រតិបត្តិការនេះមានការសម្របសម្រួលពីលោក គុជ គឹមឡុង ព្រះរាជអាជ្ញាអមសាលាដំបូងរាជធានីភ្នំពេញ និងមានការដឹកនាំដោយលោកវេរៈសេនីយ៍ឯក ចាន់ កិតិខុម ស្នងការរងការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលរាជាធានីភ្នំពេញ ។
ម្ចាស់ទីតាំងមានឈ្មោះ ប៊ិន ភេទប្រុស អាយុ៤៩ឆ្នាំ ពេលកម្លាំងនគរបាលចុះទៅឆែកឆេរ ម្ចាស់ទីតាំងមិនបាននៅទីតាំងកន្លែងកើតហេតុឡើយ ។
តាមប្រភពព័ត៌មានពីកម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជន បានឲ្យដឹងថា មុនពេលដែលឈានទៅដល់ការចុះបង្ក្រាបនៅទីតាំងខាងលើនេះ កម្លាំងនគរបាលជំនាញប្រឆាំងជួញដូរមនុស្ស បានធ្វើការស្រាវជ្រាវ ឃើញថា ទីតាំងខាងលើនេះ មានបង្កប់បម្រើសេវាផ្លូវភេទជារៀងរាល់ថ្ងៃ ដោយទីតាំងហាងបានបើករកស៊ី២៤ម៉ោង មានភ្ញៀវដែលស្រវឹងចូលចិត្តទៅរកសេវាផ្លូវភេទ ម្ដងតម្លៃ៣ទៅ៤ម៉ឺនរៀល ហើយស្ត្រីរកស៊ីផ្លូវភេទទាំង៩នាក់ ជាជនជាតិវៀតណាម គឺទទួលភ្ញៀវបានហើយ ចែកជាមួយម្ចាស់ទីតាំងស្មើគ្នា ។
បច្ចុប្បន្ន នារីរងគ្រោះទាំង៩នាក់ ត្រូវសមត្ថកិច្ចបញ្ជូនទៅខាងមន្ទីរសង្គមកិច្ច ដើម្បីធ្វើការអប់រំ ចំណែកឯម្ចាស់ទីតាំងវិញ បានរត់គេចខ្លួនបាត់ស្រមោល ៕
ចែករំលែកព័តមាននេះ