ឡាន១គ្រឿង ខណៈម្ចាស់ចតមុខផ្ទះសុខៗ ស្រាប់តែឆេះយ៉ាងសន្ធោសន្ធៅ
- ភ្នំពេញ
រាជធានីភ្នំពេញ ៖ ករណីអគ្គីភ័យមួយបានកើតឡើងបង្កការដល់ប្រជាពលរដ្ឋទាំងកណ្ដាលយប់ ខណៈ
រាជធានីភ្នំពេញ ៖ ករណីអគ្គីភ័យមួយបានកើតឡើងបង្កការដល់ប្រជាពលរដ្ឋទាំងកណ្ដាលយប់ ខណៈពេលដែលរថយន្តម៉ាកព្រូសមួយគ្រឿងបានឈប់នៅមុខផ្ទះសុខៗ ស្រាប់តែឆាបឆេះយ៉ាងសន្ធោសន្ធៅធ្វើឲ្យប្រជាពលរដ្ឋនាំគ្នាតទៅទុយោ និងយកបំពង់ពន្លត់អគ្គីភ័យបាញ់ពន្លត់ដែរ ប៉ុន្តែទំរាំរលត់រថយន្តបានរងការខូចខាតស្ទើរតែទាំងស្រុង ។
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង៣និង៤០នាទីរំលងអាធ្រាត្រឈានចូលថ្ងៃទី២៩ ខែមករា ឆ្នាំ២០២៣ ស្ថិតនៅតាមបណ្ដោយផ្លូវបេតុង សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
បើតាមប្រភពព័ត៌មានបានឲ្យដឹងថា រថយន្តមួយគ្រឿងដែលត្រូវបានអគ្គីភ័យឆាបឆេះរងការខូចខាតស្ទើរតែទាំងស្រុងខាងលើនោះម៉ាកព្រូស ពណ៌ស ។ មុនពេលកើតហេតុ គឺឃើញម្ចាស់រថយន្តបានបើកមកឈប់នៅមុខផ្ទះ ហើយបានឡើងទៅដេកបានមួយសន្ទុះក្រោយមក ស្រាប់តែសង្ស័យថាឆ្លងចរន្តអគ្គិសនីក៏មានអណ្ដាតភ្លើងឆាបឆេះយ៉ាងសន្ធោសន្ធៅ បង្កការភ្ញាក់ផ្អើលដល់បងប្អូនប្រជាពលរដ្ឋកំពុងតែដេកលង់លក់ ក៏នាំគ្នាចេញមកយកបំពុងពន្លត់អគ្គីភ័យ ហើយតទុយោបាញ់និងជះទឹកទៅលើរថយន្តដែលភ្លើងកំពុងតែឆាបឆេះ។
តាមប្រភពព័ត៌មានបានឱ្យដឹងបន្តថា នៅពេលនោះដែរ ក៏មានរថយន្តពន្លត់អគ្គីភ័យរបស់ស្នងការនគរបាលរាជធានីភ្នំពេញបានចុះមកជួយអន្តរាគមន៍ចំនួនមួយគ្រឿង ហើយបានបាញ់ទឹកពន្លត់ ទើបរលត់អស់ទាំងស្រុងជាស្ថាពរ ហើយត្រូវបានសមត្ថកិច្ចបញ្ជាក់ថា នៅក្នុងករណីឆេះរថយន្តខាងលើនេះមិនបង្កឲ្យមានមនុស្សណាម្នាក់រងរបួសទោះទេ ប៉ុន្តែខូចខាតរថយន្តស្ទើរទាំងស្រុង ៕
ចែករំលែកព័តមាននេះ