បើផ្គាប់ចិត្តម្លឹងៗ តើ Neymar អាចនឹងចាកចេញពី Barcelona ដែរឬទេ?
តាមប្រភពព័ត៌មាន Goal បានប្រាប់ពីដំណឹងបែកធ្លាយថា ក្លឹបអ្នកមានប្រទេសបារាំង PSG ហ៊ានជះលុយទាំងគីបៗទៅឲ្យ Neymar
តាមប្រភពព័ត៌មាន Goal បានប្រាប់ពីដំណឹងបែកធ្លាយថា ក្លឹបអ្នកមានប្រទេសបារាំង PSG ហ៊ានជះលុយទាំងគីបៗទៅឲ្យ Neymar
តាមប្រភពព័ត៌មាន Goal បានប្រាប់ពីដំណឹងបែកធ្លាយថា ក្លឹបអ្នកមានប្រទេសបារាំង PSG ហ៊ានជះលុយទាំងគីបៗទៅឲ្យ Neymar ប្រសិនបើ Neymar ចូលលេងនៅក្នុងក្លឹបរបស់ខ្លួន ។ ការធ្វើដូចនេះ បានធ្វើឱ្យគ្រប់គ្នាគិតថា Neymar អាចនឹងចាកចេញពី Barcelona ហើយទៅ PSG ក្នុងពេលឆាប់ៗនេះ ។ តើ PSG ផ្គាប់ចិត្ត Neymar យ៉ាងដូចម្តេចខ្លះប្រសិនបើ Neymar ចាកចេញពី Barcelona?
ប្រភពព័ត៌មាន Goal បានរាយការណ៍មកថា ក្លឹប PSG នឹងផ្តល់ប្រាក់ប្រចាំឆ្នាំដល់ Neymar ចំនួន ៣៥លានដុល្លារសហរដ្ឋអាមេរិក ដែលច្រើនជាងប្រាក់ប្រចាំឆ្នាំនាពេលបច្ចុប្បន្នរបស់ Neymar នៅក្លឹប Barcelona ដល់ទៅ៣ដង ។ តែក្នុងនោះក៏ត្រូវចែក១៥ភាគរយនៃប្រាក់ទាំងអស់ទៅឲ្យឪពុករបស់កីឡាករអាយុ២៥ឆ្នាំនេះផងដែរ ដោយសារតែឪពុកលោកជាអ្នកដែល PSG នឹងទៅចរចារជាមួយ ។
លើសពីនេះទៅទៀត PSG នឹងផ្តល់ភាគហ៊ុននៃប្រាក់ចំណូលបានមកពីសណ្ឋាគារទំនើបរបស់ខ្លួនទៅឲ្យ Neymar ផងដែរ ។ អ្វីដែលកាន់តែញាក់សាច់ទៀតនោះគឺ PSG សន្យានឹងប្រគល់ជូនយន្តហោះឯកជនមួយគ្រឿងសម្រាប់ឲ្យ Neymar ជិះធ្វើដំណើរមកលេងស្រុកនៅពេលណាក៏បាន ។ ដោយសារតែការសន្យាផ្តល់ជូនដ៏ច្រើនលើសលប់ទាំងនេះហើយបានធ្វើឲ្យអ្នកគាំទ្រទាំងឡាយគិតថា Neymar អាចនឹងចាកចេញពីក្លឹបបច្ចុប្បន្នរបស់ខ្លួនពិតមែន ហើយទៅលេងឲ្យក្លឹបបារាំង PSG វិញ ។ តើ Neymar នឹងសម្រេចចិត្តយ៉ាងណា? សូមរង់ចាំដំណឹងទាំងអស់គ្នា ៕
ចែករំលែកព័តមាននេះ