ខេត្តសៀមរាប ៖ ចោរយួន២នាក់ប្តីប្រពន្ធ ជិះកង់ឌុបគ្នាមកលួចយកម៉ូតូពីមុខផ្សារ ត្រូវបានប្រជាពលរដ្ឋប្រទះឃើញដេញប៉ផាប់ចាប់ពភីងប្រគល់ឱ្យសមត្ថកិច្ចនគរបាលស្រុកប្រាសាទបាគង បង្កឱ្យមានការភ្ញាក់ផ្អើលពេញផ្លូវ។ ហេតុការណ៍ឃាត់ខ្លួន២នាក់ប្តីប្រពន្ធយួននោះបានធ្វើឡើងកាលពីវេលាម៉ោង៧ និង៣០នាទីព្រឹក នៅថ្ងៃទី២៤ ខែកក្កដា ឆ្នាំ២០១៧ ស្ថិតនៅចំណុចផ្សាររកាកំបុត ភូមិរកាកំបុត ឃុំត្រពាំងធំ ស្រុកប្រាសាទបាគង ខេត្តសៀមរាប។ តាមប្រភពពីសមត្ថកិច្ចនគរបាលស្រុកប្រាសាទបាគង បានប្រាប់ថា បន្ទាប់ពីមានពលរដ្ឋរាយការណ៍មកថា មានករណី២នាក់ប្តីប្រពន្ធលួចម៉ូតូរបស់ប្រជាពលរដ្ឋ ដែលបានទុកចោល រួចពួកគាត់ចាប់បានយកមកប្រគល់ឱ្យសមត្ថកិច្ចយើង។
ប្រភពបានបន្តថា ខណៈនោះកម្លាំងជំនាញក៏បានចុះទៅដល់កន្លែងកើតហេតុភា្លមៗផងដែរ ក៏ស្រាប់តែឃើញមានកង់មួយ និងម៉ូតូកញ្ចាស់មួយនៅហ្នឹងកន្លែង រួចយកទាំងជនសង្ស័យ២នាក់ប្តីប្រពន្ធ និងវត្ថុតាងមកសួរនាំនៅអធិការដ្ឋាននគរបាលស្រុកតែម្តង។ ប្រភពបានបញ្ជាក់ថា ជនសង្ស័យ២នាក់ប្តីប្រពន្ធមាន ប្តីឈ្មោះ វ្វៀង យ៉ាំងអាន់ អាយុ២៦ឆ្នាំ និងប្រពន្ធឈ្មោះ នូ ចន្នី ហៅក្តឿ អាយុ២៨ឆ្នាំ ជាជនជាតិយួន មានស្រុកកំណើតនៅហាណូយ ប្រទេសវៀតណាម បច្ចុប្បន្នស្នាក់នៅមិនពិតប្រាកដមកពីខេត្តកំពង់ចាម។ បើតាមចម្លើយ របស់ជនសង្ស័យទាំង២នាក់ប្តីប្រពន្ធ បានឆ្លើយសារភាពនៅចំពោះមុខសមត្ថកិច្ចថា ខ្លួនពិតជាបានចុះយកម៉ូតូរបស់គេមែន។
មូលហេតុរូបគេ២នាក់ប្តីប្រពន្ធ បានជិះកង់ឌុបគ្នាមកពីទិសខាងលិច ពេលមកដល់ចំណុចផ្សាររកាកំបុត ភូមិរកាកំបុត ឃុំត្រពាំងធំ ស្រុកប្រាសាទបាគង ខេត្តសៀមរាប ខណៈដែលបានឃើញម៉ូតូម៉ាកវីវ៉ាទុកចោល ក៏ទម្លាក់កង់ចោល រួចចុះទៅលួចម៉ូតូម៉ាកវីវ៉ា ស៊េរីឆ្នាំ២០០៦ ពណ៍៌ក្រហម ដោយម៉ូតូនោះរាងចំណាស់ ក៏យកសោណាមកចាក់ត្រូវ ហើយនាំគ្នាជិះចេញបានបន្តិច ត្រូវបានប្រជាពលរដ្ឋដេញចាប់បានយកមកឱ្យសមត្ថកិច្ចតែម្តង។ បច្ចុប្បន្នជនសង្ស័យ២នាក់ប្តីប្រពន្ធយួន ត្រូវបានកម្លាំងអធិការនគរបាលស្រុកប្រាសាទបាគង រៀបចំសំណុំរឿងបញ្ជូនបន្តមកកាន់ការិយាល័យព្រហ្មទណ្ឌកម្រិតស្រាល ដើម្បីកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់៕
ចែករំលែកព័តមាននេះ