ហូបត្រីក្រពតពុលស្លា.ប់ នៅស្រុកភ្នំស្រួច
ខេត្តកំពង់ស្ពឺ ៖ បុរសម្នាក់បានស្លា.ប់ក្រោយពេលបញ្ជូនទៅសង្គ្រោះព្រោះតែយកត្រីក្រពតដែលដាក់មងបានទៅធ្វើម្ហូប។ ក្រោយកើតហេតុសមត្ថកិច្ចបានពិនិត្យឃើញថា
ខេត្តកំពង់ស្ពឺ ៖ បុរសម្នាក់បានស្លាប់ក្រោយពេលបញ្ជូនទៅសង្គ្រោះព្រោះតែយកត្រីក្រពតដែលដាក់មងបានទៅធ្វើម្ហូប។ ក្រោយកើតហេតុសមត្ថកិច្ចបានពិនិត្យឃើញថា ជនរងគ្រោះពិតជាពុលត្រីក្រពតពិតមែនមិនមានពាក់ព័ន្ធករណីឃាតកម្មនោះទេ។ នគរបាលស្រុកភ្នំស្រួចបានឲ្យដឹងនៅរសៀលថ្ងៃទី២៤ កក្កដា២០១៧ថា កាលពីថ្ងៃទី២៣ កក្កដា ២០១៧ មានករណីពុលត្រីក្រពតបានកើតឡើងបណ្តាលឲ្យបុរសម្នាក់ឈ្មោះ ចៀវ ទឺន ភេទប្រុស អាយុ៤៦ឆ្នាំ មុខរបរកសិករ ភូមិខ្នងក្រាំង ឃុំតាំងសំរោង ស្រុកភ្នំស្រួច ខេត្តកំពង់ស្ពឺ។
ប្រភពពីសមត្ថកិច្ចស្រង់សម្ដីសាច់ញាតិបុរសរងគ្រោះបានឲ្យដឹងថា មុនពេលកើតហេតុជនរងគ្រោះបានយកមងទៅដាក់នៅចំណុចត្រពាំងពាមរុះ លុះព្រឹកឡើងក៏ទៅសារមងបានត្រីក្រពតចំនួន ៣ ក្បាល ក៏យកត្រលប់មកផ្ទះហើយធ្វើម្ហូបសម្រាប់ហូបម្នាក់ឯង។ ពេលដែលបុរសរងគ្រោះធ្វើម្ហូបនោះក្រុមគ្រួសារបានឃាត់ដែរតែបុរសរងគ្រោះមិនស្តាប់ហើយនៅតែចចេសរឹងរូសហូបត្រីក្រពតនោះទាល់តែអស់។ពេលហូបហើយក្រុមគ្រួសារឃើញកើតអាការៈខុសប្រក្រតីដោយសង្ស័យបណ្តាលមកពីហូបត្រីក្រពតទើបពុល។
ពេលនោះក្រុមគ្រួសារក៏បានបញ្ជូនទៅសង្គ្រោះពេទ្យបង្អែកកំពង់ស្ពឺ តែហាក់បីដូចជាយឺតពេលទៅហើយគឺបុរសរងគ្រោះបានស្លាប់មុនពេលទៅដល់ពេទ្យបាត់ទៅហើយ ទើបក្រុមគ្រួសារដឹកត្រលប់មកផ្ទះវិញដើម្បីរៀបចំធ្វើបុណ្យតាមប្រពៃណី។ ប្រភពបន្តទៀតថា ក្រោយទទួលដំណឹងនេះសមត្ថកិច្ចបានចុះទៅពិនិត្យ និងធ្វើកោសល្យវិច្ច័យផងដែរ តែក្រោយពិនិត្យលទ្ធផលបញ្ជាក់ថា ជនរងគ្រោះពិតជាស្លាប់ដោយការពុលត្រីក្រពតពិតមែន មិនមានការពាក់ពន្ធ័បទល្មើសព្រហ្មទណ្ឌឡើយ៕
ចែករំលែកព័តមាននេះ