ខេត្តបន្ទាយមានជ័យ ៖ កម្លាំងនគរបាលឃាត់ខ្លួនជនសង្ស័យ៤នាក់ ពាក់ព័ន្ធឃាតកម្មសម្លាប់អ្នករត់តាក់ស៊ីរឿងស្នេហាត្រូវកោណគ្រោងសម្លាប់ដុតចោលក្នុងវត្តពង្រកងវ៉ា ដែលចាប់ខ្លួនជាបន្តបន្ទាប់ពីថ្ងៃទី២២ដល់២៣ ខែកក្កដា ឆ្នាំ២០១៧ នៅក្នុងភូមិសាស្ត្រក្រុងសិរីសោភ័ណ។ លោកឧត្តមសេនីយ៍ត្រី សិទ្ធ ឡោះ ស្នងការរងនគបាលខេត្តបន្ទាយមានជ័យបានប្រាប់ថា ជនសង្ស័យដែលត្រូវឃាត់ខ្លួនជាបន្តបន្ទាប់ចំនួន៤នាក់មាន១.ឈ្មោះ ហេង ឃៀង ភេទប្រុស អាយុ២៣ឆ្នាំ មុខរបរគ្រូបង្រៀន (អ្នកផ្តើមគំនិត) រស់នៅភូមិ៣សង្កាត់ព្រះពន្លា ក្រុងសិរីសោភ័ណ ២.ឈ្មោះ នួន មេត្តា ហៅម៉ៅ ភេទប្រុស អាយុ២១ឆ្នាំ(បក្ខពួក) រស់នៅភូមិ៣ សង្កាត់ព្រះពន្លា ក្រុងសិរីសោភ័ណ ៣.ឈ្មោះ ផាន ចាវ ភេទប្រុស អាយុ២១ឆ្នាំ(បក្ខពួក) រស់នៅភូមិ.សង្កាត់កំពង់ស្វាយ ក្រុងសិរីសោភ័ណ ៤.ឈ្មោះ ចៅ សុវណ្ណ ហៅកាន់ ភេទប្រុស អាយុ៣០ឆ្នាំ(បក្ខពួក) រស់នៅភូមិបារ៉ែត សង្កាតកំពង់ស្វាយ ក្រុងសិរីសោភ័ណ។
លោកបានបញ្ជាក់ថា ក្រោយពេលទទួលពាក្យបណ្តឹងសាច់ញាតិជនរងគ្រោះឈ្មោះ ជា រដ្ឋថុល ភេទប្រុស អាយុ២៨ឆ្នាំ មុខរបបរត់តាក់ស៊ី រស់នៅភូមិបួន សង្កាត់ព្រះពន្លា ក្រុងសិរីសោភ័ណ ដែលបាត់ខ្លួនកាលពីថ្ងៃទី២២ ខែកក្កដា ឆ្នាំ២០១៧ ខណៈដែលចេញទៅរត់តាក់ស៊ី។ សមត្ថកិច្ចធ្វើការស្រាវជ្រាវស៊ើបអង្កេតដល់វត្តពង្រកងវ៉ា ស្ថិតក្នុងភូមិពង្រសង្កាត់កំពង់ស្វាយ ក្រុងសិរីសោភ័ណ កម្លាំងទៅដល់ឃើញតែរថយន្តឡិចស៊ីសXR300 ពណ៌ស្ករ និងឃើញផួយដែលដាក់ជាប់នឹងរថយន្ត សាកសពជនរងគ្រោះត្រូវបានភ្លុកដុតអស់ទៅហើយបន្សល់ឃើញតែរថយន្តជនរងគ្រោះ។ លោកឧត្តមសេនីយ៍ទោ អាត់ ខែម ស្នងការនគបាលខេត្តបន្ទាយមានជ័យបានបញ្ជាក់ថា ក្រោយពេលទទួលបណ្តឹងពីសាច់ញាតិជនរងគ្រោះដែលបាត់ខ្លួននៅពេលដែលចេញទៅរត់តាក់ស៊ីរកឃើញតែរថយន្តក្បែរបច្ឆាដុតខ្មោចជាករណីឃាតកម្មគ្រោងទុនមុន។ ហើយកម្លាំងនគរបាលជំនាញបានស្រាវជ្រាវសស៊ើបអង្កេតរកមុខសញ្ញាឃាត់ខ្លួនជាបន្តបន្ទាប់ចាប់បាន៤នាក់ ចាប់ពីថ្ងៃទី២២ដល់២៣ ខែកក្កដា ឆ្នាំ២០១៧ ក្នុងភូមិសាស្ត្រក្រុងសិរីសោភ័ណ។
តាមចម្លើយជនសង្ស័យឈ្មោះ ហេង ឃៀង ជាគ្រូបង្រៀន ជាមេខ្លោងរៀបចំគម្រោងសម្លាប់ជនរងគ្រោះ ថា ព្រោះរឿងស្នេហាត្រីកោណជាមួយជនរងគ្រោះឈ្មោះ ជា រដ្ឋថុល (អ្នកជាអ្នករត់តាក់ស៊ី) ដែលមានស្ត្រីកំណាន់ចិត្តទៅលួចស្រលាញ់ជនសង្ស័យឈ្មោះ ហេង ឃៀង ធ្លាប់ឈ្លោះប្រកែកគ្នាជាច្រើនសារដែលគំរាមសម្លាប់ជនរងគ្រោះ។ តាមចម្លើយជនសង្ស័យ៣នាក់ជាបក្ខពួកបានសារភាពថា ការពិតគឺឈ្មោះ ហេង ឃៀង ជាអ្នកផ្តើមគម្រោងសម្លាប់ជនរងគ្រោះ៥ទៅ៦លើកមកហើយ ព្រោះរឿងស្នេហាត្រីកោណជាមួយជនរងគ្រោះឈ្មោះ ជា រដ្ឋថុល តែចុងក្រោយគឺណាត់ជនរងគ្រោះទៅយកម៉ូយដឹកទៅប៉ោយប៉ែតនៅអំឡុងម៉ោង១និង៣០នាទីរសៀលថ្ងៃទី២២ ខែកក្កដា ឆ្នាំ២០១៧ នៅចំណុចផ្លូវចូលចម្ការត្របែក ស្ថិតភូមិ.សង្កាត់អូរអំបិល ក្រុងសិរីសោភ័ណ។
ក្រោយពេលណាត់មកដល់ក្នុងចំណោម៤នាក់បានធ្វើសកម្មភាពចាប់ជនរងគ្រោះចងក្រណាត់មុខហើយវាយសម្លាប់ដាក់ក្នុងរថយន្តជនរងគ្រោះដឹកឆ្ពោះទៅវត្តពង្រកង់វ៉ាឲ្យភ្លុកដែលណាត់ដាក់សពក្នុងមឈូសចូលឡូដុតភ្លាមៗ។ ដោយពួកណាត់ភ្លុកថា មានបងប្អូនមកពីថៃឈឺធ្ងន់ក្រីក្រស្លាប់ពួកគេបានស្លៀកពាក់សបន្លំក្រោយពេលដុតហើយឲ្យលុយភ្លុកគេចខ្លួនអស់ ត្រូវបានកម្លាំងនគបាលស្រាវជ្រាវចាប់ខ្លួនបានជាបន្តបន្ទាប់ចំនួន៤នាក់ត្រូវបានចាត់ការតាមច្បាប់៕
ចែករំលែកព័តមាននេះ