ចាប់ខ្លួនមនុស្សប្រុសស្រី៣នាក់ ជាមួយម៉ាទឹកកកនៅក្រុងស្ទឹងត្រែង
ខេត្តស្ទឹងត្រែង ៖ កម្លាំងនគរបាលការិយាល័យប្រឆាំងគ្រឿងញៀ.នស្នងការដ្ឋាននគរបាលខេត្ត នៅរសៀលថ្ងៃទី២៤ កក្កដា ២០១៧
ខេត្តស្ទឹងត្រែង ៖ កម្លាំងនគរបាលការិយាល័យប្រឆាំងគ្រឿងញៀ.នស្នងការដ្ឋាននគរបាលខេត្ត នៅរសៀលថ្ងៃទី២៤ កក្កដា ២០១៧
ខេត្តស្ទឹងត្រែង ៖ កម្លាំងនគរបាលការិយាល័យប្រឆាំងគ្រឿងញៀនស្នងការដ្ឋាននគរបាលខេត្ត នៅរសៀលថ្ងៃទី២៤ កក្កដា ២០១៧ បានធ្វើការឃាត់ខ្លួនជនសង្ស័យប្រុសស្រី៣នាក់ ក្រោយរកឃើញនៅក្នុងសកម្មភាពចែកចាយថ្នាំញៀនដោយខុសច្បាប់ប្រព្រឹត្តនៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង។ ប្រភពព័ត៌មានឲ្យដឹងថា មុនឈានដល់ការបង្ក្រាបកម្លាំងជំនាញប្រឆាំងគ្រឿងញៀនស្នងការដ្ឋាននគរបាលខេត្តបានធ្វើការស៊ើបអង្កេតទៅជនសង្ស័យដែលមានទីតាំងផ្ទះលក់គ្រឿងក្លែមមួយកន្លែង នៅទល់មុខផ្សារគីឡូម៉ែត្រលេខ២ ក្រោយមកកម្លាំងជំនាញប្រើវិធានញុះញុងឲ្យមានការទិញ និងលក់ទើបឈានដល់ការបង្ក្រាបរួមវត្ថុតាងជាក់ស្តែង។
ប្រភពពីនគរបាលបន្តថា ស្ថិតក្រោមប្រតិបត្តិការបង្ក្រាបខាងជំហានដំបូងជំនាញបានឃាត់ខ្លួនជនសង្ស័យប្រុសស្រីចំនួន៣នាក់ ក្នុងនោះមានស្ត្រី២នាក់ និងបុរសម្នាក់ក្នុងសកម្មភាពចែកចាយថ្នាំញៀននេះ។ ការឆែកឆេបានរកឃើញថ្នាំញៀន៣កញ្ចប់តូចនៅក្នុងផ្ទះក្រោយនាំខ្លួនមកដល់ស្នងការដ្ឋាននគរបាលខេត្តជំនាញបានរកឃើញវត្ថុតាងមួយកញ្ចប់ទៀតក្នុងហោប៉ៅអាវជនសង្ស័យឈ្មោះ ហង្ស ស្រីល័ក្ខ បន្ថែម។ លុះក្រោយមកទៀតទើបបន្តឆែកឃើញថ្នាំញៀននៅក្នុងស្បោងពណ៌ខ្មៅលាក់ទុកលើរថយន្តស្ត្រីសង្ស័យ។ នគរបាលប្រឆាំងគ្រឿងញៀនស្នងការដ្ឋាននគរបាលខេត្តឲ្យដឹងថា វត្ថុតាងដែលបានដកហូតពីក្រុមជនសង្ស័យរួមមានថ្នាំញៀនប្រភេទម៉ាទឹកកក៤កញ្ចប់តូចនិង២កញ្ចប់ធំស្មើ៨.១ក្រាម រថយន្តម៉ាកហាយឡែនឌ័រពណ៌ស ពាក់ស្លាកលេខ ភ្នំពេញ ២T-៦៤២៣ ទូរស័ព្ទដៃ២គ្រឿង ជញ្ជីងសម្រាប់ថ្លឹងគ្រឿងញៀនមួយគ្រឿង និងលុយខ្មែរជាង៦ម៉ឺនរៀល។
ជនសង្ស័យខាងលើទី១ឈ្មោះ លឹម សុផល ភេទស្រី អាយុ៦៤ឆ្នាំ និងទី២ឈ្មោះ ហង្ស ស្រីល័ក្ខ ភេទស្រី អាយុ២៨ឆ្នាំត្រូវជាកូន និងទី៣ ឈ្មោះ ធី វុធ ភេទប្រុស អាយុ២៥ឆ្នាំ ជនសង្ស័យទាំង៣នាក់ រស់នៅផ្ទះជាមួយគ្នាស្ថិតនៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។ បច្ចុប្បន្នជនសង្ស័យម្តាយកូនទាំងពីរកំពុងស្ថិតនៅការិយាល័យប្រឆាំងគ្រឿងញៀនស្នងការដ្ឋាននគរបាលខេត្តសាកសួរបន្ថែមជនផ្តល់វត្ថុតាងសម្រាប់ចែកចាយ៕
ចែករំលែកព័តមាននេះ