ខេត្តប៉ៃលិន ៖ សមត្ថកិច្ចនគរបាលព្រហ្មទណ្ឌកម្រិតធ្ងន់ សហការជាមួយនគរបាលកម្រិតស្រាលនៃស្នងការនគរបាលខេត្ត ចុះប្រតិបត្តិការបង្ក្រាបឆ្មក់ចូលផ្ទះមួយកន្លែងចាប់ ស្ត្រីក្មេងចាស់ជាច្រើននាក់ ហេតុការណ៍នេះ
ខេត្តប៉ៃលិន ៖ សមត្ថកិច្ចនគរបាលព្រហ្មទណ្ឌកម្រិតធ្ងន់ សហការជាមួយនគរបាលកម្រិតស្រាលនៃស្នងការនគរបាលខេត្ត ចុះប្រតិបត្តិការបង្ក្រាបឆ្មក់ចូលផ្ទះមួយកន្លែងចាប់ ស្ត្រីក្មេងចាស់ជាច្រើននាក់ ហេតុការណ៍នេះកើតឡើងកាលពីថ្ងៃទី២២ ខែកក្កដា ឆ្នាំ២០១៧ ស្ថិតនៅភូមិសួនអំពៅលិច សង្កាត់ប៉ៃលិន និងភូមិអូរតាពុកលើ សង្កាត់ប៉ៃលិន ។
ប្រភពព័ត៌មានបានឱ្យដឹងថា កាលពីវេលាម៉ោង២រសៀលថ្ងៃទី២២ នគរបាលបានធ្វើការបង្ក្រាបនៅផ្ទះនៅមួយកន្លែងក្នុងភូមិសួនអំពៅលិច សង្កាត់ប៉ៃលិន ហើយឃាត់ខ្លួនស្ត្រីញៀនល្បែង៧នាក់ ១-ឈ្មោះ សំ ចំរើន អាយុ៣៤ឆ្នាំ ជាម្ចាស់ផ្ទះ ២-ឈ្មោះ ឈឿម គឹមស៊ី អាយុ៧៥ឆ្នាំ ជាមេផ្ទះ រស់នៅភូមិប៉ាហ៊ីត្បូង សង្កាត់ប៉ៃលិន ៣-ឈ្មោះ គឹម ចាងឡេង អាយុ៤៧ឆ្នាំ ជាចុងភៅធ្វើម្ហូបការ រស់នៅភូមិប៉ាហ៊ីត្បូង សង្កាត់ប៉ៃលិន ៤-ឈ្មោះ គឹម ចាន់ឌី អាយុ៣៥ឆ្នាំ ជាអ្នកទិញអេតចាយ ៥-ឈ្មោះ ម៉ក ភារៈ អាយុ៣៨ឆ្នាំ ជាមេផ្ទះ រស់នៅភូមិអូរតាពុកលើ សង្កាត់ប៉ៃលិន ៦-ឈ្មោះ ឈួន ចំរើន អាយុ២៩ឆ្នាំ ជាមេផ្ទះ និង៧. ឈ្មោះ ឈីវ ហ៊ុច អាយុ៣៨ឆ្នាំ ជាមេផ្ទះ រស់នៅភូមិទួលខ្ពស់ ឃុំស្ទឹងកាច់ ស្រុកសាលាក្រៅ ។
រហូតដល់វម៉ោង២និង២០នាទីថ្ងៃដដែលកម្លាំងនគរបាលបន្តបង្ក្រាបនៅចំណុចខាងក្រោយផ្ទះលក់គ្រឿងសំណង់ ស្ថិតក្នុងភូមិ អូរតាពុកលើ សង្កាត់ប៉ៃលិន ឃាត់ខ្លួនស្ត្រី៥នាក់ទៀត ១-ឈ្មោះ ចាន់ សុខា អាយុ៤៥ឆ្នាំ ជាមេផ្ទះ ២-ឈ្មោះ ស្រ៊ុន ស៊ីណា អាយុ២៥ឆ្នាំ ជាមេផ្ទះ ៣-ឈ្មោះ ខឹម ថន អាយុ៧០ឆ្នាំ ជាមេផ្ទះ ៤-ឈ្មោះ ឈុន សុខុម អាយុ៦៨ឆ្នាំ ជាមេផ្ទះ និង៥-ឈ្មោះ ស៊ិន ដាលីន អាយុ៣៦ឆ្នាំ ជាមេផ្ទះ ទាំងអស់គ្នារស់នៅកន្លែងកើតហេតុខាងលើ។
ប្រភពបញ្ជាក់ទៀតថា ស្ត្រីទាំងអស់ខាងលើ សុទ្ធសឹងជាមេផ្ទះ ហើយក៏ជាប្រពន្ធរបស់មន្ត្រីរាជការមួយចំនួនផងដែរ ។
ចែករំលែកព័តមាននេះ