ខេត្តបាត់ដំបង ៖ សេចក្តីរាយការណ៍ឱ្យដឹងថា យុវជនម្នាក់ត្រូវសមត្ថកិច្ចឃាត់ខ្លួនកាលពីរសៀលថ្ងៃទី២៣ កក្កដា ស្ថិតនៅភូមិបញ្ញា ឃុំកំពង់ព្រៀង ស្រុកសង្កែ បន្ទាប់ពីមានពាក្យបណ្ដឹងចោទប្រកាន់ថា បានលួងលោមក្មេងស្រីជាអនិតិជនម្នាក់រួមភេទរហូតមានផ្ទៃពោះ៥ខែ ។
ខេត្តបាត់ដំបង ៖ សេចក្តីរាយការណ៍ឱ្យដឹងថា យុវជនម្នាក់ត្រូវសមត្ថកិច្ចឃាត់ខ្លួនកាលពីរសៀលថ្ងៃទី២៣ កក្កដា ស្ថិតនៅភូមិបញ្ញា ឃុំកំពង់ព្រៀង ស្រុកសង្កែ បន្ទាប់ពីមានពាក្យបណ្ដឹងចោទប្រកាន់ថា បានលួងលោមក្មេងស្រីជាអនិតិជនម្នាក់រួមភេទរហូតមានផ្ទៃពោះ៥ខែ ។
មន្ត្រីនគរបាលស្រុកសង្កែបានឲ្យដឹងថា ជនសង្ស័យខាងលើឈ្មោះសាន វិនហាយ អាយុ១៧ឆ្នាំ ។ រីឯក្មេងស្រីរងគ្រោះអាយុ១៤ឆ្នាំ មានម្តាយឈ្មោះឈឿន សុគន្ធ អាយុ៤៧ឆ្នាំ បានប្ដឹងជនសង្ស័យថា ចាប់រំលោភកូនស្រីគាត់រហូតមានផ្ទៃពោះ៥ខែ ក្រោយបែកធ្លាយរឿងនេះកាលពីថ្ងៃទី២០ កក្កដា ។
យោងតាមម្តាយក្មេងស្រីរងគ្រោះថា កន្លងមក គាត់មិនបានដឹងរឿងនេះទេ លុះនៅថ្ងៃទី២០ កក្កដា ត្រូវបានក្មួយស្រីគាត់ប្រាប់រឿងនេះដល់គាត់ ។ ម្តាយបន្តថា កូនស្រីគាត់បាននិយាយពីរឿងមានផ្ទៃពោះនេះប្រាប់ទៅបងស្រីជីដូនមួយរបស់នាង (ជាក្មួយស្រី) ទើបបែកធ្លាយដល់រឿងនេះទៅដល់គាត់ ។ ក្រោយពីទទូលបានព័ត៌មាននេះ ធ្វើឱ្យគាត់ភ្ញាក់ផ្អើលយ៉ាងខ្លាំង ដោយបានតាមទៅហៅកូនស្រីដែលកំពុងរៀននៅសាលាមកសួរនាំ ហើយត្រូវនាងបាននិយាយរឿងនេះ ហើយបាននាំកូនទៅឱ្យគ្រូពេទ្យយកកូនក្នុងផ្ទៃចេញ ហើយនៅព្រឹកថ្ងៃទី២៣ កក្កដា គាត់ក៏សម្រេចចិត្តប្ដឹងឃាត់ខ្លួនជនសង្ស័យនេះតែម្ដង ។
បន្ទាប់ពីត្រូវសមត្ថកិច្ចឃាត់ខ្លួន ជនសង្ស័យសារភាពថា ខ្លួនពិតជាបានរួមភេទជាមួយនាងមែន ។ ខ្លួននឹងនាងគឺមានទំនាក់ទំនងស្នេហាជាមួយគ្នារយៈពេល២ឆ្នាំមកហើយ និងធ្លាប់រួមភេទជាមួយគ្នា២លើកនៅនឹងផ្ទះរបស់ខ្លួន កាលពីថ្ងៃទី១៥ និង១៦មេសា ២០១៧ ប៉ុន្តែពេលនេះទើបបែកធ្លាយដោយសារនាងមានកូន ។ ជននេះបន្តថា ខ្លួននិងនារីរងគ្រោះពិតជាបានស្រឡាញ់គ្នាមែន រហូតឈានដល់ការរួមភេទគ្នា គឺគ្មាននរណាបង្ខំនរណានោះទេ គឺជាការព្រមព្រៀងគ្នា។
ចែករំលែកព័តមាននេះ