ខេត្តកំពងស្ពឺ ៖ សេចក្តីរាយការណ៍បន្តឱ្យដឹង ពាក់ព័ន្ធករណីឡោមព័ទ្ធផ្ទះមួយកន្លែងកាលពីវេលាម៉ោង១២ និង៥៤នាទីថ្ងៃទី២៤ កក្កដា នោះ ស្ថិតក្នុងភូមិទួលធ្នង់ សង្កាត់ច្បារមន ក្រុងច្បារមន ខេត្តកំពង់ស្ពឺ ត្រូវបានសមត្ថកិច្ចចម្រុះឆែករកឃើញមានឈើធ្នង់
ជាច្រើនដុំនៅក្រោយផ្ទះ ដែលឈ្មួញបានដឹកពីដែនជម្រកសត្វព្រៃភ្នំឱរ៉ាល់ យកមកស្តុកទុក ដើម្បីរកឱកាសដឹកចេញទៅលក់បន្ត
យោងសមត្ថកិច្ចនគរបាលក្រុងច្បារមនបានបង្ហើបថា មុនឈានដល់ការឆែកឆេរនេះ គឺខាងជំនាញរដ្ឋបាលព្រៃឈើទទួលសេចក្តីរាយការណ៍ពីការស្តុកឈើប្រណីតទាំងនេះ ។ បើតាមប្រភព គឺឈ្មួញដឹកយកមកពីដែនជំរកសត្វព្រៃភ្នំឱរ៉ាល់ របៀបសត្វកណ្តៀរដោយប្រើរូបភាពបង្កប់ក្រោមអុស។ ម្ចាស់ផ្ទះខាងលើ ត្រូវបានស្គាល់ឈ្មោះយ៉េត គន្ធា ភេទស្រី អាយុ៥២ឆ្នាំ ។
ប្រភពបន្តថា តាមការស្រាវជ្រាវ គឺក្រុមឈ្មួញបានដឹកឈើទាំងនេះចូលជារៀងរាល់យប់ ដោយដឹកតាមរថយន្តតួរីស ដោយប្រើរូបភាពបង្កប់ក្រោមអុស ។ មន្ត្រីរដ្ឋបាលព្រៃឈើមួយរូបបានប្រាប់ថា នៅក្នុងប្រតិបត្តិការនេះ ធ្វើឡើងដោយមានការសម្របសម្រួលដឹកនាំពីលោកព្រះរាជអាជ្ញារងអ៑ូ ផាត ដោយដកហូតបានឈើធ្នង់ចំនួន៧១ដុំ និងអុសជាច្រើនស្ទែទៀតផង ។ ក្រោយដកហូតសមត្ថកិច្ចបានប្រមូលឈើធ្នង់ទាំងនេះ យកមករក្សាទុកនៅខកណ្ឌរដ្ឋបាលព្រៃឈើកំពង់ស្ពឺ ដើម្បីធ្វើការវាស់វែងនិងរៀបចំឯកសារតាមនីតិវិធីច្បាប់។
ចែករំលែកព័តមាននេះ