រថយន្តកាំមីញ៉ុងផ្ទុកលើសចំណុះ បណ្តាលឱ្យស្លា.ប់និងរបួសជាច្រើន
អាជ្ញាធររាយការណ៍ថា ជនអន្តោប្រវេសន៍លួចលាក់៩នាក់ស្លា.ប់ ហើយ៣០នាក់ទៀតរងរបួសកាលពីថ្ងៃទី២៣ កក្កដា ក្នុងរថយន្តកាំមីញ៉ុងមួយដែលដឹកលើសចំណុះចតនៅចំណតរថយន្ត
អាជ្ញាធររាយការណ៍ថា ជនអន្តោប្រវេសន៍លួចលាក់៩នាក់ស្លា.ប់ ហើយ៣០នាក់ទៀតរងរបួសកាលពីថ្ងៃទី២៣ កក្កដា ក្នុងរថយន្តកាំមីញ៉ុងមួយដែលដឹកលើសចំណុះចតនៅចំណតរថយន្ត
សហរដ្ឋអាមេរិក ៖ អាជ្ញាធររាយការណ៍ថា ជនអន្តោប្រវេសន៍លួចលាក់៩នាក់ស្លាប់ ហើយ៣០នាក់ទៀតរងរបួសកាលពីថ្ងៃទី២៣ កក្កដា ក្នុងរថយន្តកាំមីញ៉ុងមួយដែលដឹកលើសចំណុះចតនៅចំណតរថយន្ត SAN ANTONIO រដ្ឋតិចសាស់ជិតព្រំដែនម៉ិចស៊ិក ។
ប្រមុខប៉ូលិសមូលដ្ឋាន លោក WILLIAM MCMANUS និងក្រុមអ្នកជួយសង្គ្រោះបញ្ជាក់ថា ពួកអ្នករបួស ក្នុងនោះ១៧នាក់របួសធ្ងន់ត្រូវបានបញ្ជូនទៅមន្ទីរពេទ្យ ហើយមួយចំនួនស្ថិតក្នុងស្ថានភាពធ្ងន់ធ្ងរ ព្រោះរងដោយកម្តៅក្តៅខ្លាំង និងខ្សោះជាតិទឹក ។ អ្នកបើករថយន្តកាំមីញ៉ុងនេះត្រូវចាប់ខ្លួន ។ បុរសនេះឈ្មោះ JAMES MATHEW BRADLEY JR អាយុ៦០ឆ្នាំ មានដើមកំណើតនៅផ្លរីដា រួចរូបគេត្រូវរងការចោទប្រកាន់នាថ្ងៃទី២៤ កក្កដា ។
ប្រមុខប៉ូលិសមូលដ្ឋាននិយាយថា វាហាក់ដូចជាការរត់ពន្ធមនុស្សមួយ ។
តុលាការសហព័ន្ធនិយាយថា មនុស្សយ៉ាងតិច៣៩នាក់ ស្ថិតនៅខាងក្នុងរថយន្ត ហើយសាកសពមនុស្សម្នាក់ត្រូវទម្លាក់ចោល ក្រោយរកឃើញក្នុងព្រៃជិតខាងមួយ ។ ក្នុងចំណោមមនុស្សទាំងនេះមានកុមារយ៉ាងតិច២នាក់ ។
ក្នុងសន្និសីទសារព័ត៌មានមួយ លោក MCMANUS រៀបរាប់ថា ពេលយើងទៅដល់កន្លែងចតរថយន្តកាំមីញ៉ុងនេះ យើងបានរកឃើញសាកសពមនុស្ស៨នាក់នៅបាតសណ្តោងនៃរថយន្ត ។ ចំណែកសាកសពមនុស្សទី៩ រកឃើញក្រោយពីនេះ ។
អភិបាលរដ្ឋតិចសាស់ លោក GREG ABBOTT អះអាងពីតុល្យការអ្នកស្លាប់៩នាក់ ហើយថានេះជាសោកនាដកម្មយ៉ាងក្តុកក្តួលមួយ ។
ប្រមុខក្រុមអ្នកជួយសង្គ្រោះបញ្ជាក់ថា ម៉ាស៊ីនត្រជាក់ក្នុងសណ្តោងរថយន្តពុំដំណើរការ ហើយមនុស្សនៅខាងក្នុងពុំអាចធន់ទ្រាំនឹងកម្តៅខ្លាំង ដែលអាចដល់៦៥អង្សាសេ ប្រៀបដូចឡមួយ ៕
ចែករំលែកព័តមាននេះ