ផ្លូវធ្វើជាប់រហូត..!
ខេត្តកំពត ៖ ផ្លូវជាតិលេខ១២៦ពីផ្សារតានី ឃុំតានី ក្នុងស្រុកអង្គជ័យ ខេត្តកំពត
ខេត្តកំពត ៖ ផ្លូវជាតិលេខ១២៦ពីផ្សារតានី ឃុំតានី ក្នុងស្រុកអង្គជ័យ ខេត្តកំពត ទៅដល់ព្រំប្រទល់ភូមិសាស្ត្រខេត្តតាកែវមានចម្ងាយ៦គីឡូដីត្រូវបានខូចខាតស្ទើតែទាំងស្រុង ។ ផ្លូវក្រាលកៅស៊ូចម្ងាយដី៦គីឡូម៉ែត្រទៅដល់ភូមិសាស្ត្រខេត្តតាកែវនេះគឺខាងមន្ទីរសាធារណការខេត្តកំពតជាអ្នកធ្វើឡើងក្នុងឆ្នាំ២០១៥តែនៅក្នុងឆ្នាំ២០១៧នេះត្រូវបានខូចខាតទៅវិញ ។
ស្ត្រីចំណាស់ម្នាក់ឈ្មោះ សាន់ ហេន អាយុ៦២ឆ្នាំ នៅភូមិត្រពាំងខ្វា ឃុំភ្នំកុង ស្រុកអង្គជ័យនិយាយថា ផ្ទះគាត់នៅជញ្ចើមផ្លូវគាត់មិនបានជំទាស់អ្វីទេពេលឃើញផ្លូវនេះឡើងវិញ ។ ស្ត្រី រូបនេះនិយាយថា ផ្លូវក្រាលកៅស៊ូនេះទើបតែធ្វើហើយស្រាប់តែខូចអស់ទៅវិញ ។
លោក សុខ ឈិន ប្រធានការិយាល័យសាធារណការស្រុកអង្គជ័យបានប្រាប់ឱ្យដឹងថា ផ្លូវក្រាលកៅស៊ូចេញពីផ្សារតានីទៅដល់ភូមិសាស្ត្រខេត្តតាកែវនេះមានប្រវែង៦គីឡូម៉ែត្រជាង ។ ផ្លូវដែលខូចខាតនេះកំពុងត្រូវបានជួសជុល អ្នករស់នៅអមសងខាងផ្លូវនិយាយថាផ្លូវនេះធ្វើមិនល្អទេតាំងពីធ្វើហើយឃើញតែជួសជុលរហូត ៕
ចែករំលែកព័តមាននេះ