ខេត្តឧត្តរមានជ័យ ៖ បុរសម្នាក់នៅសល់តែដង្ហើមចង្រិត ខណៈបើកម៉ូតូដូចហោះភ្លាត់ស្នៀតដួលរងរបួសធ្ងន់ កាលពីវេលាម៉ោង០៥និង៤៣នាទីល្ងាច ថ្ងៃទី២៣ ខែកក្កដា ឆ្នាំ២០១៧ ។ ហេតុការណ៍នេះកើតឡើងនៅតាមបណ្តោយផ្លូវជាតិលេខ៦៨B ស្ថិតនៅក្នុងភូមិអន្លង់វែងថ្មី សង្កាត់សំរោង ក្រុងសំរោង ខេត្តឧត្តរមានជ័យ ។
ជនរងគ្រោះឈ្មោះ ហ៊ីង ភេទប្រុស អាយុ២៣ឆ្នាំ របួសបែកក្បាលធ្ងន់ធ្ងរ ជិៈម៉ូតូម៉ាកឌ្រីម ពាក់ស្លាកលេខ សៀមរាប ១R-៨៧៥៨ ជិះម៉ូតូបង្កដួលដោយខ្លួនឯង រស់នៅក្នុងភូមិសង្កាត់កើតហេតុខាងលើ នាំទៅធ្វើការសង្គ្រោះក្នុងមន្ទីរពេទ្យខេត្តឧត្តរមានជ័យ ។
នគរបាលក្រុងសំរោងបានឱ្យដឹងថា គ្រោះថ្នាក់ចរាចរណ៍ ដែលបង្កដោយខ្លួនឯង ខណៈជនរងគ្រោះបានបើកបរម៉ូតូក្នុងល្បឿនលឿនដូចហោៈ បណ្តាលឱ្យដួលបោកក្បាលបែកសន្លប់នៅសល់តែដង្ហើមចង្រិត សមត្ថកិច្ចបាននាំទៅធ្វើការសង្គ្រោះ ចំណែកម៉ូតូយកទៅរក្សាទុកនៅអធិការក្រុងបណ្តោះអាសន្ន ៕
ចែករំលែកព័តមាននេះ