ឡាន ALPHARD បុ.កផ្ទះពលរដ្ឋខ្ទេច លុះស្គែនស្លាកលេខ បែរជាចេញឡានព្រូសទៅវិញ
- ភ្នំពេញ
រាជធានីភ្នំពេញ ៖ រថយន្តស៊េរីទំនើបមួយគ្រឿងម៉ាកALPHARD សង្ស័យអ្នកបើកបរស្រវឹង បើកបុ.ក
រាជធានីភ្នំពេញ ៖ រថយន្តស៊េរីទំនើបមួយគ្រឿងម៉ាកALPHARD សង្ស័យអ្នកបើកបរស្រវឹង បើកបុ.កចូលផ្ទះប្រជាពលរដ្ឋរងការខូចខាតយ៉ាងធ្ងន់ធ្ងរ នៅពេលសមត្ថកិច្ចស្គែនមើលស្លាកលេខបែរជាចេញស្លាកលេខរថយន្តព្រូសទៅវិញ បង្កអោយមានការភ្ញាក់ផ្អើលកាលពីវេលាម៉ោង១១និង១០នាទីយប់ថ្ងៃទី២៦ខែមករាឆ្នាំ២០២៣ នៅតាមបណ្តោយផ្លូវជាតិលេខ៣ ភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
រថយន្តបង្កម៉ាកALPHARD ពណ៌ស ពាក់ស្លាកលេខ ភ្នំពេញ 2BK-9301 បើកបរដោយបុរសម្នាក់មិនស្គាល់អត្តសញ្ញាណ បើកបរក្នុងទិសដៅពីជើងទៅត្បូងបានរ៉េចង្កូតទៅផ្នែកខាងស្តាំ បណ្តាលឲ្យបុ.កចូលផ្ទះប្រជាពលរដ្ឋយ៉ាងពេញទំហឹង ។
តាមប្រភពព័ត៌មានពីប្រជាពលរដ្ឋដែលឃើញហេតុការណ៍ បាននិយាយប្រាប់ថា នៅមុនពេលកើតហេតុ គេឃើញរថយន្តបង្កម៉ាកALPHARDពណ៌ស បើកបរតាមបណ្ដោយផ្លូវជាតិលេខ៣ក្នុងទិសដៅពីជើងទៅត្បូងក្នុងល្បឿនយ៉ាងលឿនហើយស្ថានភាពស្រវឹង បន្ទាប់មករថយន្តបង្កខាងលើបានរ៉េចង្កូតទៅផ្នែកខាងស្តាំបុ.កចូលផ្ទះប្រជាពលរដ្ឋយ៉ាងពេញទំហឹង បណ្តាលអោយខូចទ្វារមូរអស់ចំនូន៥ផ្ទាំង ចំណែករថយន្តបង្កវិញខូចខាតផ្នែកខាងមុខនឹងដាច់កង់ម្ខាងផ្នែកខាងឆ្វេងរងការខូចខាតយ៉ាងធ្ងន់ធ្ងរ ។ បន្ទាប់ពីកើតហេតុភ្លាមៗ អ្នកបើកបររថយន្តបង្កបានចុះពីលើរថយន្តឡើងលើរថយន្តមួយគ្រឿងទៀតម៉ាកឡង់គ្រីស័រ ពណ៌ស ជិះគេចខ្លួនបាត់ស្រមោល ទើបបងប្អូនប្រជាពលរដ្ឋបានទាក់ទងទៅសមត្ថកិច្ចនគរបាលប៉ុស្តិ៍ភ្លាមៗ រួចបានទាក់ទងទៅសមត្ថកិច្ចនគរបាលជំនាញខណ្ឌពោធិ៍សែនជ័យភ្លាមៗ ផងដែរ។
តាមប្រភពពត៌មានពីសមត្ថកិច្ចនគរបាលជំនាញខណ្ឌពោធិ៍សែនជ័យបានស្គែនស្លាកលេខរថយន្តបង្កខាងលើ បែរជាចេញស្លាកលេខរថយន្តតូយ៉ូតាព្រូសទៅវិញ ធ្វើឲ្យសមត្ថកិច្ចមានការសង្ស័យ រថយន្តបំពាក់ស្លាកលេខបន្លំ។
ក្រោយពេលកើតហេតុ មិនមានភាគីខាងរថយន្តបង្កចេញមុខដោះស្រាយ ទើបសមត្ថកិច្ចជំនាញចរាចរណ៍ខណ្ឌពោធិ៍សែនជ័យបានទាក់ទងទៅសមត្ថកិច្ចនគរបាលរាជធានីភ្នំពេញ ដើម្បីស្ទូចរថយន្តបង្កខាងលើយកទៅរក្សាទុករងចាំការដោះស្រាយថ្ងៃក្រោយ ៕
ចែករំលែកព័តមាននេះ