រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានគូសបញ្ជាក់ថា កម្ពុជាមិនមានសមត្ថភាពផ្តល់កម្លាំងយោធាដល់ប្រទេសអ៊ុយក្រែននោះទេ ឯរឿងជួយបណ្តុះបណ្តាលអ្នកជំនាញដោះមីនដល់អ៊ុយក្រែន គឺជារឿងមនុស្សធម៌សុទ្ធសាធ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានគូសបញ្ជាក់ថា កម្ពុជាមិនមានសមត្ថភាពផ្តល់កម្លាំងយោធាដល់ប្រទេសអ៊ុយក្រែននោះទេ ឯរឿងជួយបណ្តុះបណ្តាលអ្នកជំនាញដោះមីនដល់អ៊ុយក្រែន គឺជារឿងមនុស្សធម៌សុទ្ធសាធ ។
សម្តេចតេជោ បានថ្លែងក្នុងពិធីប្រគល់សញ្ញាបត្រជូននិស្សិតជ័យលាភី នៃសាកលវិទ្យាល័យវេស្ទើន នៅមណ្ឌលសន្និបាត និងពិព័រណ៍អន្តរជាតិជ្រោយចង្វារ (OCIC) នាព្រឹកថ្ងៃទី ២៦មករា ឆ្នាំ២០២៣ យ៉ាងដូច្នេះថា ៖ «កម្ពុជាគ្មានសមត្ថភាពដើម្បីផ្តល់យោធាដល់អ៊ុយក្រែទេ ឯរឿងកម្ពុជាជួយបណ្តុះបណ្តាលអ្នកដោះមីនអ៊ុយក្រែន ជារឿងមនុស្សធម៌សុទ្ធសាធ ។ សុំកុំភាន់ច្រឡំ កម្ពុជាបានបញ្ជូនកងទ័ពទៅធ្វើការដោះមីននៅក្រៅប្រទេសរួមចំណែកការពារសន្តិភាព ក្រោមឆ័ត្រអង្ការសហប្រជាជាតិ ដែលឥឡូវមានកងទ័ពឈរ នៅ៤ប្រទេសមាន៖ ម៉ាលី ស៊ូដង់ខាងត្បូង នៅលីបង់ និងអាហ្វិកកណ្តាល។ ដែលកាលពីមុនមាននៅសីរី ឆាត សាយប្រឹស» ។
សម្តេចតេជោ បានអះអាងថា ការបញ្ជូនកងកម្លាំងជួយដោះមីន ដែលជាឃាតករលាក់មុខនេះ ដោយនៅតាមប្រទេសនានានោះ ដោយកាលពីមុនកម្ពុជា ក៏បានបង្រៀនដោះមីននៅកម្ពុជាដែរ។ កម្ពុជាមានមជ្ឈមណ្ឌលមីនអាស៊ាន មានទីតាំងនៅកម្ពុជា ដូច្នេះប្រទេសណាក៏ដោយ បើរៀនដោះមីននៅកម្ពុជា សូមអញ្ជើញរាប់ទាំងប្រទេសរុស្ស៊ី ផង។
សម្តេចគូសបញ្ជាក់បន្ថែមថា ៖ «កម្ពុជាមិនបានបញ្ជូនកម្លាំងទៅប្រទេសអ៊ុយក្រែន និងបញ្ជូនកម្លាំងដោះមីនទៅប្រទេសអ៊ុយក្រែននោះទេ។ ដូច្នេះអ្វីដែលកិច្ចការធ្វើនេះ ជាកិច្ចការមនុស្សធម៌សុទ្ធសាធ ការបំផ្លាញ់គ្រាប់មីន និងគ្រាប់មិនទាន់ផ្ទុះគឺជាកិច្ចការត្រូវធ្វើនៅលើពិភពលោកនេះ» ។
ជាមួយគ្នានោះដែរ សម្តេចតេជោ បានលើកឡើងថា អ្វីដែលធ្វើនេះ មិនពាក់ព័ន្ធនឹងកម្លាំងយោធាទាំងអស់ តែរឿងមីន គឺកម្ពុជា ប្រើពេលជាង៣០ឆ្នាំហើយ មិនទាន់ដោះមីនអស់ទេ ។ បន្ទាប់មកបានបង្កើតមូលនិធិនកម្ពុជា គ្មានមីន ឆ្នាំ ២០២៥ ដោយដាក់ទុន៣០លានដុល្លារ ដើម្បីឲ្យប្រតិបត្តិករដោះមីន ទាំងស៊ីម៉ាក់ កងកម្លាំងរក្សាសន្តិភាព ដែលហ្វឹកហាត់សម្រាប់ដោះមីន និងបណ្តាអង្គភាពកងទ័ពប្រើប្រាស់ ដើម្បីដោះមីន ដែលនៅសេសលស់ ជាមួយការប្រមូលថវិការពីក្រៅប្រទេស ដើម្បីនៅក្នុងប្រទេសខ្លួន ។
សម្តេចគូសបញ្ជាក់ថា ៖ «ខ្ញុំសូមបញ្ជាក់ថា ក្នុងឋានៈជាអ្នកសម្រេចចិត្តនយោបាយ ដែលទទួលខុសត្រូវលើនយោបាយក្នុងនិងក្រៅប្រទេស បញ្ជាក់ថា កម្ពុជាទទួលយកអ្នកណាក៏ដោយដែលចង់ដោះមីននៅកម្ពុជា គឺកម្ពុជាសូមទទួល ដូច្នេះសូមកុំឲ្យកម្ពុជា ចូលពាក់ព័ន្ធនឹងសកម្មភាពយោធា និងអ៊ុយក្រែន ។ កម្ពុជាគ្មានសមត្ថភាពនោះទេ ប៉ុន្តែបើស កម្មភាពដោះមីន កម្ពុជាមានបទពិសោធន៍ប្រវត្តិជូរចត់ ហើយស្លា.ប់ពលរដ្ឋច្រើនណាស់ ។ ដូច្នេះកម្ពុជា មិនអាចបិទភ្នែកឃើញពលរដ្ឋបរទេសស្លា.ប់ដោយសារគ្រាប់មីន អ៊ីចឹងទេ»៕
ចែករំលែកព័តមាននេះ