រាជធានីភ្នំពេញ ៖ បន្ទាប់ពីមានផ្ទះការចាប់អារម្មណ៍ ករណីអ្នកសារព័ត៌មានឲ្យអ្នកជួយអ្នកកគ្រោះថ្នាក់ចរាចរណ៍ នៅលើកស្ពានជ្រោយចង្វារ សម្តេចតេជោ ហ៊ុន សែន នាយករដ្ឋមន្ត្រី បានស្នើឲ្យរដ្ឋមន្ត្រីក្រសួងព័ត៌មាន ហៅអ្នកសារព័ត៌មានតាមអនឡាញទាំងអស់មកធ្វើការបណ្តុះបណ្តាលវិជ្ជាជីវៈសារព័ត៌មាន ដើម្បីពង្រឹងសមត្ថភាព ។
ការស្នើនេះ បន្ទាប់ពីមានករណីអ្នកសារព័ត៌មានតាមអនឡាញ បានប្រើសម្ដីមិនសមរម្យលើហេតុការគ្រោះថ្នាក់ចរាចរណ៍នៅលើស្ពានជ្រោយចង្វារ ចំពោះអ្នកជួយសង្គ្រោះជនរងគ្រោះ ដោយសារគ្រោះថ្នាក់ចរាចរណ៍ កាលពីពេលថ្មីកន្លងមកនេះ។
សម្តេចតេជោ ហ៊ុន សែន បានថ្លែងក្នុងពិធីប្រគល់សញ្ញាបត្រជូននិស្សិតជ័យលាភី នៃសាកលវិទ្យាល័យវេស្ទើន សរុបចំនួន៣,២៣២នាក់ ដែលពិធីនេះនឹងធ្វើឡើងនៅមណ្ឌលសន្និបាត និងពិព័រណ៍ អន្តរជាតិជ្រោយចង្វារ (OCIC) រាជធានីភ្នំពេញនាព្រឹកថ្ងៃទី២៦ ខែមករា ឆ្នាំ២០២៣ ថា រឿងនៅលើស្ពានជ្រោយចង្វារ គួរបញ្ឈប់វាទៅ ប៉ុន្តែអ្វីដែលខ្ញុំមិនយល់នោះ ដោយមិនដឹងថា តើឯកឧត្តម កាញារីទ្ធ ដោះស្រាយ យ៉ាងម៉េច ? ប្រហែលយើងបានឃើញតាមបណ្តាញសង្គម គឺមានអ្នកគ្រោះថ្នាក់ចរាចរណ៍ជារឿងមួយ ហើយអ្នកមកជួយជារឿងមួយ តែរឿងកកស្ទះចរាចរណ៍ មិនគួរឲ្យកើតមានទេ ។
សម្តេចបានលើកឡើងថា ការជួយគ្នាជារឿងចាំបាច់ ប៉ុន្តែខុសឆ្គងនោះ គឺអ្នកសុំទោស មិនបានសុំទោសបូលិសទេ តែសុំទោសអ្នកសារព័ត៌មាន តើកាសែតនឹងមានសិទ្ធិអ្វីវា ? រឿងនេះ ខ្ញុំឃើញមានការបង្ហោះពីកោះសន្តិភាពបានផ្សាយថា ដោយមានការបកស្រាយពន្យល់របស់ឯកឧត្តម ស សុខា គឺមានការចេញមកគាំទ្រ ។ ពេលនោះ ខ្ញុំបើកហ្វេសប៊ុក របស់ ស សុខា ទើបឃើញពីរបៀបសុំទោស! ខ្ញុំអត់ដឹងថា តើអ្នកកាសែតមានសិទ្ធិអ្វី ទៅគំរាមកំហែងគេបែបហ្នឹង ? ឯកឧត្តម កាញារីទ្ធអត់និយាយអ្វីមួយមាត់ទេ ត្រឹមតែស៊ែរ មកពីឯកឧត្តម ជុំ កុសល ទេ ។
សម្តេច បានលើកឡើងថា រឿងហ្នឹងចាំបាច់អីទាល់តែសោះ គឺដំបូងត្រូវតែជួយគេសិន ។ មិនសមហេតុសមផលទេ ការប្រើសម្ដីបែបនេះ បើខ្លួនជាបូលិសខ្ញុំមិនថាទេ ប៉ុន្តែខ្លួនគ្រាន់មានទូរសព្ទឡាយ បើឡើងវិញមើល ។ អ៊ីចឹងទេ បង្កើតបាន ជារឿងមួយឈុតធំទៅ ។
សម្តេចតេជោ ក៏បានលើកឡើងថា ចំពោះករណីគ្រោះថ្នាក់ចរាចរណ៍ លើស្ពានជ្រោយចង្វារនេះ ក៏មានអ្នកខ្លះមានមតិជ្រុលមួយហួសដែរ ដោយសារគួរតែ លុបអាជ្ញាបណ្ណ អ្នកខ្លះឲ្យ ព្រះរាជ្ញាចោទប្រកាន់ តែមិនគួរទេ ឈប់បានឈប់ទៅ ហើយដកបទពិសោធន៍ ។
សម្តេចតេជោ ក៏បានគូសបញ្ជាក់ថា អ្នកសារព័ត៌មាន មិនមែនជានគបាលយុត្តិធម៌ទេ ឯអ្នកជួយគេ ក៏មិនមែននគបាលយុត្តិធម៌ទេ ប៉ុន្តែគាត់មានចិត្តចង់ជួយ ។ ស្ពានមិនអាចឲ្យកកស្ទះចរាចរណ៍ នៅលើស្ពាននោះទេ តែខ្ញុំមិនយល់ អ៊ីចឹងសូមពង្រឹងឡើងវិញ បើសិនជារឿងរបស់បូលិសសុំទោសបូលិសទៅមិនថា នេះសុំទោសអ្នកសារព័ត៌មាន វាមិនត្រូវ ។
សម្តេចបានបន្ថែមថា ៖ «យើងទើបតែជួបគ្នា ជាមួយអ្នកសារព័ត៌មាន កាលពីថ្ងៃទី១៤ មករា កន្លងមក តែបែរកើតរឿងបែបនេះ ។ ឥឡូវឯកឧត្តម កាញារីទ្ធ ហៅអ្នកព័ត៌មានទៅធ្វើការអប់រំបណ្តុះបណ្តាល ព្រោះខុសម្នាក់ឲ្យទៅទទួលបទពិសោធន៍ទាំងអស់គ្នា។ ការហៅមកនេះ ដើម្បីពង្រឹងសមត្ថភាព ចំពោះអ្នកធ្វើសកម្មភាពបែបនេះ» ។
សម្តេចតេជោបានស្នើសុំកុំឲ្យមានករណីដូចជារឿងនៅលើស្ពានជ្រោយចង្វារ បន្តទៀតផងដែរ៕
ចែករំលែកព័តមាននេះ