រាជធានីភ្នំពេញ ៖ ជនសង្ស័យ២នាក់ត្រូវបានប្រជាពលរដ្ឋឃាត់ខ្លួនយកទៅអាវុធហត្ថខណ្ឌចំការមន ធ្វើការសាកសួរ បន្ទាប់ពីជនសង្ស័យទាំងនោះ បានធ្វើសកម្មភាពឆក់យកទូរសព្ទ ពីកុមាររងគ្រោះ២បានសម្រេច ហេតុការណ៍នេះ កើតឡើងនៅវេលាម៉ោង០៣និង៤០នាទីទាបភ្លឺ ឈានចូលថ្ងៃទី២៤ ខែកក្កដា ឆ្នាំ២០១៧ ជិតនឹងរោងចក្រគួងហុង ផ្លូវព្រះមុនីវង្ស សង្កាត់ផ្សារដើមថ្កូវ ខណ្ឌចំការមន ។
រាជធានីភ្នំពេញ ៖ ជនសង្ស័យ២នាក់ត្រូវបានប្រជាពលរដ្ឋឃាត់ខ្លួនយកទៅអាវុធហត្ថខណ្ឌចំការមន ធ្វើការសាកសួរ បន្ទាប់ពីជនសង្ស័យទាំងនោះ បានធ្វើសកម្មភាពឆក់យកទូរសព្ទ ពីកុមាររងគ្រោះ២បានសម្រេច ហេតុការណ៍នេះ កើតឡើងនៅវេលាម៉ោង០៣និង៤០នាទីទាបភ្លឺ ឈានចូលថ្ងៃទី២៤ ខែកក្កដា ឆ្នាំ២០១៧ ជិតនឹងរោងចក្រគួងហុង ផ្លូវព្រះមុនីវង្ស សង្កាត់ផ្សារដើមថ្កូវ ខណ្ឌចំការមន ។
ជនរងគ្រោះមានឈ្មោះ ធឿន តារា ភេទប្រុស អាយុ១៥ឆ្នាំ មុខរបរសិស្ស ស្នាក់នៅផ្ទះជួល សង្កាត់ផ្សារដើមថ្កូវ ខណ្ឌចំការមន និងម្នាក់ទៀតមានឈ្មោះ ម៉ូវ ចេងឃៀង ភេទប្រុស អាយុ១៦ឆ្នាំ មុខរបរសិស្ស ស្នាក់នៅផ្ទះជួលសង្កាត់ផ្សារដើមថ្កូវ ខណ្ឌចំការមន ។ ចំណែកជនសង្ស័យមានឈ្មោះ ទ្រី បារ៉ាម៉េង ភេទប្រុស អាយុ១៦ឆ្នាំ មុខរបរមិនពិតប្រាកដ ស្នាក់នៅផ្ទះលេខ៣៧៨ ផ្លូវ៣៦៩ សង្កាត់ព្រែកប្រា ខណ្ឌច្បារអំពៅ ជាអ្នកឆក់ ចំនែកម្នាក់ទៀតមានឈ្មោះ យ៉ាន់ ថាវ៉ាត់ ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅបុរីចំការស្វាយ សង្កាត់ច្បារអំពៅ១ ខណ្ឌច្បារអំពៅ ដកហូតម៉ូតូម៉ាក គុបជ្រុង ពណ៌ទឹកប៊ិច ពាក់ស្លាកលេខ ភ្នំពេញ ១ឆ-៤៤៧១ ជារបស់ជនសង្ស័យ និងទូរសព្ទម៉ាក សាំងសុង ២គ្រឿងជារបស់ជនរងគ្រោះ ។
តាមសម្តីក្មេងប្រុស២នាក់ដែលជាជនរងគ្រោះ បានឲ្យដឹងថា នៅមុនពេលកើតហេតុ ពួកគេមានគ្នា២នាក់ បានអង្គុយនៅមុខផ្ទះ ដើម្បីជួយលក់អីវ៉ាន់បងប្អូន ហើយពួកគេទាំងពីរនាក់ បានយកទូរសព្ទ័ម្នាក់មួយ មកចុចលេងហ្គេម ខណៈពេលនោះក៏ស្រាប់តែលិចមុខជនសង្ស័យ២នាក់ បានជិះម៉ូតូម៉ាក គុបជ្រុង ពណ៌ទឹកប៊ិច មួយគ្រឿង បានមកឈប់នៅមុខផ្ទះ ហើយជនសង្ស័យម្នាក់បានចុះពីលើម៉ូតូ មកធ្វើខ្ចីទូរស័ព្ទរបស់ពួកគេតេទៅរកមិត្តភក្កិ
ខណៈពេលពួកគេជាជនរងគ្រោះ បានឲ្យទូរស័ព្ទចំនួន២គ្រឿងទៅឲ្យជនសង្ស័យចុចតេទៅ ស្រាប់តែជនសង្ស័យទាំងនោះយកទូរស័ព្ទរបស់ពួកគេ ហើយបានរត់ឡើងជិះម៉ូតូដើម្បីរត់គេចខ្លួន តែពេលនោះពួកគេជាជនរងគ្រោះបានស្រែកថាចោរៗ ឲ្យគេជួយ ធ្វើឲ្យជនសង្ស័យភ័យស្លន់ស្លោបានជិះទៅបុកនឹងទ្រូងផ្លូវ បណ្ដាលឲ្យដួល ទើបប្រជាពលរដ្ឋដែលធ្វើដំណើរតាមផ្លូវឃើញ បានឃាត់ខ្លួនជនសង្ស័យទាំង២ពីរយកទៅប្រគល់ឲ្យកម្លាំងអាវុធហត្ថខណ្ឌចំការមន ដើម្បីធ្វើការសាកសួរ ។
នៅពេលសាកសួរ ជនសង្ស័យទាំងពីរនាក់បានសារភាពថា ពួកគេពិតបានធ្វើសកម្មភាពឆក់យកទូរស័ព្ទពីកុមាររងគ្រោះទាំងពីរនាក់ពិតប្រាកដមែន តែនៅពេលឆក់បានហើយ ពួកបានជិះម៉ូតូជ្រុលទៅនឹងទ្រូងផ្លូវ ទើបត្រូវប្រជាពលរដ្ឋឃាត់ខ្លួនបានតែម្ដងទៅ ។ ក្រោយពេលកើតហេតុ បន្ទាប់ពីសាកសួររួច ជនសង្ស័យ ត្រូវកម្លាំងអាវុធហត្ថខណ្ឌចំការមន កសាងសំណុំរឿងបញ្ជូនខ្លួនទៅបញ្ជាការកងរាជអាវុធហត្ថរាជធានី ដើម្បីចាត់ការបន្ត ៕
ចែករំលែកព័តមាននេះ